Nertobriga (en escritura iberica 45px, en latín Nertobriga) estió una ciudat perteneixient a o pueblo celtibero d'os belos que se situaría en l'actual comarca de Val de Xalón (Aragón), entre as localidaz de Ricla, Calatorau y L'Almunia de Donya Godina. En o sieglo III apareixe relacionada en l'Itinerario Antonino A-24 y en l'Itinerario Antonino A-25 encabezado con o títol d'Alio itinere ab Emerita Cesaragustam 369 que significa "Un atro camín de Merida ta Zaragoza, 369 millas", entre as ciudaz de Bilbilis y Segontia.
As actuals ruinas y os recients descubrimientos d'o que estió a ciudat de Nertobriga se troban entre o termín municipal de Calatorau y L'Almunia de Donya Godina, ocupando mas terreno d'iste zaguero.
Historia A ocupación d'a zona se remonta a o menos a la Edat de Bronce Medio, como atestiguan as restas ceramicas trobadas en l'amanau chacimiento de Cabezo Chinchón, que estió habitau dica a primera Edat de Fierro Excavaciones arqueológicas en Nertobriga (La Almunia de Doña Godina, Zaragoza). Campaña de 2001. María Antonia Díaz Sanz y Manuel Medrano Marqués. Revista Salduie: Estudios de prehistoria y arqueología. Numero 2, 2002. Id = 1576-6454, 355-36. (sieglos VI-V aC). La ciudad celta de Nertobriga
Nertobriga propiament dita naixerá en o seiglo IV aC, u talment una mica antis. Será una important ciudad celtiberica, como contrimuestra que se i cudiba en o sieglo III aC monedas de bronce en as que apareixe a fegura d'un chinete armau con lanza y con a lechenda Nertobis. "Historia de España". M. Pidal, Espasa Calpe. 1982
En l'anyo 152 aC, mientres a segunda guerra celtibera, a ciudad se rindió debant d'o cónsul romano Marco Claudio Marcelo, qui chusto heba preso a ciudat vetona tamién dita Nertobriga antis de l'hibierno. Baixo o gubierno de Roma continó a suya existencia dica o sieglo V dC, trobando-se as suyas restas en os chacimientos de La Torre (Calatorau) y Puyrredondo-Virchen de Cabanyas (L'Almunia).
Estió en Nertobriga a on se dice que, en l'anyo 306, fuoron martirizaus os santos cristianos Sant Teopompo y Sant Sinesio, a os que encara hue lo día se venera en l'amanada población de Ricla.
Referencias
Enlaces externos Atlas del Imperio Romano G.E.A. Conquista de Roma del Territorio Aragonés www.celtiberia.net
Categoría:Ciudaz celtiberas en Aragón Categoría:Ciudaz romanas en Aragón Categoría:Chacimientos celtibers d'Aragón Categoría:Chacimientos romanos d'Aragón Categoría:Historia de Calatayú