O glaciar de Pabat (en francés glacier du Pabat) ye un glaciar d'os Pireneus situau en o macizo de Pico Moros, en a versant norte d'a muga entre Aragón y Francia en o departamento d'os Altos Pireneus y en a rechión d'Occitania.
Cheografía O glaciar se situa en a versant norte d'o Cap Peytier-Hossard. As suyas auguas de deschele alimentan o barranco de Larribet, afluyent d'a gave d'Arrens.
Historia En rematar a chicota edat de chelo arredol de 1850, o glaciar de Pabat formaba un chicot glaciar con una superficie de 0,11 km² y 300 metros de largaria.
O glaciar conservó ista extensión dica metat d'a decada de 1920, encara que ya s'heba reduciu dica os 0,04 km² en 1948. Dimpués de permaneixer en estau estacionario dica 1985, o suyo retacule estió rapedo dende alavez. Pasando a la etapa de glaciar residual en primerías d'a decada de 1990, en 2000 no yera soque una chelera de 0,5 hectarias.
Atamas d'iste estau tan reduciu en l'anyo 2000, una francha de chelo encara resistiba baixo a uembra d'o Cap Peytier-Hossard en primerías d'os anyos 2020.
Se veiga tamién Glaciars d'os Pireneus
Vinclos externos Asociación Pirenenca de Glaciolochía Les glaciers pyrénéens. Glacier du Pabat
Pabat Pabat Categoría:Macizo de Pico Moros Categoría:Parque Nacional d'os Pireneus