O glaciar de Montferrato (en francés glacier du Montferrat) ye un glaciar d'os Pireneus situau en o macizo de Camachibosa, en a versant norte d'a muga entre Aragón y Francia en o departamento d'os Altos Pireneus y en a rechión d'Occitania.
Cheografía O glaciar de Montferrato ye un chicot glaciar penchau situau baixo o pico de Montferrato. Ye aniedau sobre una ripera formada por losa calcaria, entre os 2.700 y os 2.850 metros d'altaria. Os lurtes que s'eslibonan d'o glaciar rematan o suyo recorriu 700 metros ta abaixo, en o puesto dito Le Pont de Neige (en aragonés O Puent de Nieu).
As auguas d'o suyo deschele alimentan a gave d'Osso.
Historia O glaciar de Montferrato ha estau poco estudiau, encara que como ye situau chunto a o glaciar d'Osso, se puet trazar a suya evolución a traviés d'a-saber-las fotos.
Amugau por un escalón rocoso, o glaciar ha evolucionau mas en espesor que en largaria. En rematar a chicota Edat de Chelo o glaciar teneba una superficie de 0,05 km² y formaba un impresionant muro de seracs. Os seracs han perdurau dica metat d'os anyos 1980, a partir d'astí o deschele s'ha accelerau ascape. Dende primerías d'a decada de 2020, a suya superficie ye muit dentada y as rocas han iu foratiando o chelo, lo que suchere que o espesor d'o glaciar ye chicot. Ye un glaciar residual ya que a suya superficie actual ye de nomás 0,03 km².
Se veiga tamién Glaciars d'os Pireneus
Vinclos externos Asociación Pirenenca de Glaciolochía Os glaciars pirenencos
Montferrato Montferrato Categoría:Macizo de Camachibosa Categoría:Parque Nacional d'os Pireneus