Chuan d'Aragón y Navarra (Palermo, 1459? - Uesca, 23 d'aviento de 1526) estió bispe de Uesca-Chaca dende 1484 dica 1526.
Yera fillo de Carlos d'Aragón y Navarra, prencipe de Viana, nieto d'o rei Chuan II d'Aragón, sobrino d'o rei Ferrando II d'Aragón y primo chirmán d'Alonso d'Aragón, arcebispe de Zaragoza. Fue nombrau abat d'o monesterio de Sant Chuan d'a Penya o 10 de mayo de 1476, cuan nomás teneba 18 anyos. Estió tamién prior comendaticio d'a ilesia de Nuestra Sinyora d'o Pilar de Zaragoza.
Antis d'acceder a o bispau de Uesca, o papa Sixto IV, ya l'heba nombrau o 24 d'octubre de 1482 administrador d'a diocesi de Patti, en Sicilia. Inocencio VIII, ye o papa que nombra a Chuan d'Aragón y Navarra bispe de Uesca con una bula de l'1 d'octubre de 1484.
Tenió un pleito en 1486 con l'archidiocesi de Pamplona por l'arcipestrau d'a val d'Onsella. En o suyo mandato, o mas luengo en a diocesi uescana, se facioron obras en a seu de Uesca y se consagró l'altar mayor d'a seu de Chaca.
Vinclos externos Juan de Aragón y de Navarra, Obispo de Huesca. Antonio Durán Gudiol. El Obispo Don Juan de Aragón y Navarra, hijo del Principe de Viana Juan Alfonso (o Alonso) de Aragón y de Navarra. Real Academia de la Historia. Ficha en www.catholic-hierarchy.org
Categoría:Bispes de Uesca Categoría:Bispes de Chaca Categoría:Naixius de Palermo Categoría:1526 (muertes)