Matthew David McConaughey (/məˈkɒnəheɪ/ mə-KON-ə-hay), naixiu d'Uvalde (Texas, Estaus Unius) o 4 de noviembre de 1969, ye un actor estausunidense, activo en o cine estausunidense dende primerías d'os anyos 1990 y que ha desenrrollau una destacada carrera cinematografica. O suyo primer papel destacau estió en a cinta de comedia Dazed and Confused en 1993 (Richard Linklater). Dimpués de cualques papels como actor segundario, o suyo primer exito interpretativo s'escaició en a cinta dramatica de cine de chudicios A Time to Kill, en 1996 (Joel Schumacher). A suya carrera progresó con as suyas interpretacions en a cinta de ciencia-ficción Contact en 1997 (Robert Zemeckis), con a cinta dramatica Amistad en 1997 (Steven Spielberg) y con a cinta de cine belico U-571 en l'anyo 2000 (Jonathan Mostow).
En os anyos 2000, McConaughey destacó en interpretando papels en bellas cintas de comedia de cine romantico, protagonizando cintas como The Wedding Planner (2001, Adam Shankman), How to Lose a Guy in 10 Days (2003, Donald Petrie), Failure to Launch (2006, Tom Dey), Fool's Gold (2008, Andy Tennant) y Ghosts of Girlfriends Past (2009, Mark Waters), convertindo-se asinas en un sex symbol. En 2011, dimpués de dos anyadas d'inactividat en o mundo d'o cine, McConaughey pasó a interpretar papels mas dramaticos, como lo drama chudicial The Lincoln Lawyer (2011, Brad Furman), la comedia negra Bernie (2011, Richard Linklater), u la cinta de cine policiaco Killer Joe (2011, William Friedkin). En 2012 recibió muitos parabiens por os suyos papels de stripper en Magic Mike y d'un fuchitivo en Mud. Rachel Syme: The McConaissance en The New Yorker.
O papel de McConaughey de Ron Woodroof, un cowboy diagnosticau de sida, en o biopic Dallas Buyers Club (2013, Jean-Marc Vallée) estió amplament elochiau por a critica cinematografica y li comportó muitos reconoiximientos y parabiens, incluyindo-ie l'Oscar a lo Millor Actor. Dimpués continó con un papel segundario en The Wolf of Wall Street (2013, Martin Scorsese), y con o papel protagonista de Rust Cohle en a primera temporada d'a serie de televisión d'HBO True Detective (2014), una serie policiaca, que li comportó la suya nominación a lo Premio Primetime Emmy a lo Millor Actor en Serie Dramatica. En as suyas siguients cintas tenió diferents rans d'exito comercial y d'a critica, pero se pueden destacar as suyas interpretacions en Interstellar (2014, Christopher Nolan) y The Gentlemen (2019, Guy Ritchie), y os suyos papels como actor de voz en Kubo and the Two Strings (2016, Travis Knight), Sing (2016, Garth Jennings) y la suya secuela Sing 2 (2021, Garth Jennings).
Primeras anyadas Matthew David McConaughey naixió lo 4 de noviembre de 1969 d'Uvalde, en l'estau de Texas. Su mai, Mary Kathleen (de soltera McCabe), ye una escritora y mayestra en un chardín d'infancia orichinaria de Trenton, Nueva Jersey. Su pai, James Donald "Jim" McConaughey, heba naixiu de Mississippi en 1929 y residió en Loisiana a on i dirichiba un negocio de subministros ta benzineras; chugó en os equipos de fútbol americano Kentucky Wildcats y Houston Cougars. Jim fue seleccionau por os Green Bay Packers ta a National Football League (NFL) en a 27ena ronda d'o draft d'a NFL en 1953, pero lo liberoron antis d'escomencipiar a temprada y mai no plegó a chugar en a NFL. McConaughey tien entre los suyos abantpasaus angleses, alemans, irlandeses, escoceses y suecos, estando as suyas radices irlandesas en os condaus de Cavan y Monaghan. Ye familia d'o cheneral de l'Exercito confederau Dandridge McRae. Recibió una educación metodista.
Os pais de McConaughey casoron tres vegadas y s'esvurcioron dos vegadas. Tien dos chirmans mas grans, Michael y Patrick (iste zaguero, adoptau). Michael, clamau "Rooster", ye un millonario que s'ha feito a sí mesmo y que protagonizó la docuserie d'a CNBC West Texas Investors Club y tamién, en 2018, ta l'A&E o reality show Rooster & Butch con Wayne (Butch) Gilliam.
McConaughey se tresladó en 1980 enta Longiew (Texas), asistindo-ie en a Longview High School. En 1988 marchó enta Australia en pensando que i asistiría a una escuela segundaria en Sydney. Tanimientres residió en Warnervale (Nueva Galas d'o Sud) una anyada mientres que estudiaba en a Gorokan High School (se tractaba d'un intercambio d'estudiants d'o Rotary Youth Exchange) y treballaba como asistent ta un avogau y como caixero en una oficina de l'Australia and New Zealand Banking Group. Dimpués asistió a la Universidat de Texas en Austin, a on se incorporó como miembro d'a chimandat estudiantil Delta Tau Delta. Prencipió los suyos estudios en agüerro de 1989 y los remató en a primavera de 1993 con una licenciatura en Ciencias de Radio, Cine y Televisión. Tanimientres, iste no yera pas o suyo plan orichinal, que yera d'asistir a la Universidat Metodista d'o Sud, una universidat privada, pero un de sus chirmanos li deció que matricular-se en una universidat privada estaría una carga masiau pesada ta la familia. Inicialment heba planificau tamién estudiar Dreito, "Matthew McConaughey, Getting Serious Again". , en Fresh Air, 21 de febrero de 2014. pero finalment descubrió que no teneba garra intrés en convertir-se en avogau. Jason Cohen: His Time to Kill, en o Texas Monthly, agosto de 1996.
Filmografía
Referencias
Se veiga tamién Cintas interpretadas por Matthew McConaughey.
Vinclos externos
Cuenta de Matthew McConaughey en Facebook. Matthew McConaughey en Internet Movie Database. Matthew McConaughey en AllMovie. Matthew McConaughey en Rotten Tomatoes. Matthew McConaughey en Box Office Mojo. Aparicions de Matthew McConaughey en C-SPAN.
Categoría:Alumnos d'a Universidat de Texas Categoría:Globo d'Oro a o Millor Actor Dramatico Categoría:Naixius de Texas Categoría:Nominau a lo Premio Primetime Emmy a lo Millor Actor en Serie Dramatica Categoría:Premio Oscar a o Millor Actor Categoría:1969 (naixencias)