Guillén d'Aigrefeuille, o viello, naixiu de La Font (Corresa) en l'anyo 1326 y muerto en Viterbo lo 4 d'octubre de 1369, estió un relichioso catolico, conoixiu como o cardenal de Zaragoza y que estió arcebispe de Zaragoza dende lo 19 de chinero de 1347 dica lo 10 d'aviento de 1350.
Naixió d'a diocesi de Limoches.O epitafio d'o primero d'os cardenals d'Aigrefeuille, diz: «oriundus de loco de Fonte, Diœcesis Lemovicensis» (naixiu en o lugar de la Font, diocesi de Limoches). Pero iste feudo no será d'os Aigrefeuille dica 1343. Segundo fillo de Guillén d'Aigrefeuille y d'Aigline de Tudeils,Amás d'Aymar, Guillén y Faydit, la parella tendrá atros ueito fillos: Pero (bispe), Remón (bispe), Bernal (bispe), Istevan (abat), Alionor (que casó con Bertrand de Vayrac), Florence (abadesa d'Elnon en Rouergue y d'o monesterio cisterciense de Nonenque, comuna de Marnhagas e la Tor en a diocesi de Vabres), Margalida (que casó con Bertrand de Saillac) y Remona (relichiosa en Notre-Dame de la Règle en Limoches). estió chirmán d'Aymar d'Aigrefeuille, mariscal d'a Cort pontificia d'Avinyón, y d'o cardenal Faydit d'Aigrefeuille, y tío d'o cardenal Guillén d'Aigrefeuille o choven.
Biografía Cardenal a os vinticuatre anyos A suya carrera eclesiastica se debió a o suyo primo Pero Rucher, o futuro Climent VI. Prencipió estando benedictino en Bèuluòc y dimpués en o monesterio de La Grassa en a diocesi de Carcasona. O suyo primo, por ixas envueltas arcebispe de Roan, lo nombró prior de Saint-Pierre d'Abbeville. Salvador Miranda, Cardinal Guillaume d'Aigrefeuille l'Ancien, University Park, Miami, FL 33199, 2009
Poco dimpués d'a suya elección como papa, Climent VI lo nombró protonotario apostolico y auditor d'a Sagrada Rota d'Avinyón. Teneneba atamas vinte anyos cuan o suyo primo lo nombró arcebispe de Zaragoza o 19 de chinero de 1347.
Fue nombrau cardenal de Santa María en Trastevere en o consistorio d'o 17 d'aviento de 1350. En iste consistorio amás se convirtioron en cardenals Raymond de Canillac, Pierre de Cros y Étienne de la Garde, tamién parients y aliaus d'o papa.
Legau d'Inocencio VI y d'Urbán V Dos anyos dimpués, o 16 d'aviento, estió entre os 25 cardenals d'o Sacro Colechio que asistioron a o conclau pa trigar a o succesor de Climent VI. o 18 d'aviento de 1352, resultó trigau atro lemosín, o cardenal Étienne Aubert, que prenió o nombre d'Inocencio VI. Iste papa fació a Guillén o suyo legau en Sicilia, en l'anyo 1355 pa administrar o reino de Trinacria, dimpués d'a muerte d'o rei Ludovico.
En morir Inocencio VI, o 22 de septiembre de 1362, fuoron 24 os cardenals que se reunioron en conclau. Seis días dimpués, Guillén de Grimoard, abat de Sant Víctor de Marsiella, fue trigau papa con o nombre de Urbán V. A suya candidatura fue proposada y refirmada por o cardenal Aigrefeuille, aconsellau por o suyo chirmán Pero, bispe d'Usès.Pero d'Aigrefeuille conoixeba muit bien a Guillén de Grimoard, que heba estau o suyo Vicario Cheneral en as diocesis de Clarmont y d'Usès.
En reconoiximiento, o nuevo papa lo ninvió, o 4 d'aviento de 1362, como legau debant de Pero I de Castiella, que plegaba de matar a la suya muller, Blanca de Borbón (cunyada d'o Delfín de Francia, Carlos) y protechida d'o propio papa. thumb|right|150 px|Escudo d'Andorra sumando os de Foix y Urchel
Fundador d'o Prencipau d'Andorra Fue nombrau cardenal presbitero de Santa Susana por Urbán V en octubre de 1363 y convertido en Camarlench d'o papa, y feito Cardenal bispe de Sabina o 17 de setiembre de 1367. Siguió a o papa cuan tornó ta Roma ixe mesmo anyo. Urbán V lo nombró arbitro en o conflicto entre o bispe d'Urchel y Gastón Febus, conte de Foix, sobre Andorra. O cardenal redactó unos estatutos convertindo Andorra en un prencipau gubernau por dos coprencipes.
O cardenal muere empestau thumb|left|Sepulcre d'o cardenal Guillén d'Aigrefeuille, Sant Marcial de Limoches
En 1368, Guillén d'Aigrefeuille, ya cardenal bispe de Sabina, solicitó mercedes pa os suyos primos chirmans Bertrand de VayracBertrand yera o fillo de Bertrand de Vayrac y d'Alionor d'Aigrefeuille. y Jean de Merle. Consagrau por Urbán V en as suyas nuevas funcions, fue nombrau legau en Nápols.
O 4 d'octubre de 1369 morió de peste en Viterbo. Apedecau ascape en a iesia d'os agostins consagrada a la Santisma Trinidat, dimpués as suyas restas se traeladoron ta Sant Marcial, en Limoches, a on se construyió un magnifico sepulcre.
O suyo escudo se troba en as claus d'as bovedas d'a ilesia de La Roche, a on heba fundado a vicaría de Sant Marcial u de Grafeuille-La Font.
Referencias
Bibliografía Fr. du Chesne, Histoire de tous les cardinaux françois de naissance, París, 1660. É. Baluze, Vitae paparum Avenionensium, sive collectio actorum veterum, Vol. I et II. París, 1693. A. de Boyes et Fr. Arbelot, Biographie des Hommes illustres de l’ancienne province du Limousin, Limoches, 1854.
Vinclos externos Guillén d'Aigrefeuille en Catholic-Hierarchy.
Categoría:Arcebispes de Zaragoza Categoría:Arcebispes de Francia Categoría:Cardenals de Francia Categoría:Naixius de Corresa Categoría:1326 (naixencias) Categoría:1369 (muertes)