Cine negro

right|thumb|250px|Póster de Raw Deal (1948, Anthony Mann). right|thumb|250px|Imachen publicitaria de Robert Coburn de Rita Hayworth ta a cinta The Lady from Shanghai (1947, Orson Welles). right|thumb|250px|Os actors Humphrey Bogart y Lauren Bacall en una escena de To Have and Have Not (1944, Michael Curtiz). right|thumb|250px|Póster de The Maltese Falcon (1941, John Huston). right|thumb|250px|Póster de In a Lonely Place (1950, Nicholas Ray). right|thumb|250px|L'actor Victor Mature en un tráiler de Cry of the City (1948, Robert Siodmak). right|thumb|250px|Póster de The Third Man (1949, Carol Reed). right|thumb|250px|Póster Robert Coburn de Gilda (1946, Charles Vidor). right|thumb|250px|Imachen publicitaria de Robert Coburn de Rita Hayworth ta a cinta Gilda (1946, Charles Vidor). right|thumb|250px|Os actors Barbara Stanwyck y Fred MacMurray en una escena de Double Indemnity (1944, Billy Wilder). right|thumb|250px|Os actors Lynn Bari y Vincent Price en una escena de Shock (1946, Alfred L. Werker). right|thumb|250px|Os actors Lizabeth Scott y Van Heflin en una escena de The Strange Love of Martha Ivers (1946, Lewis Milestone). right|thumb|250px|Os actors Paul Henreid, Ingrid Bergman, Claude Rains y Humphrey Bogart en una escena de Casablanca (1942, Michael Curtiz). right|thumb|250px|L'actriz Lauren Bacall en una forografía de 1945, vestida como femme fatale en beluna d'as suyas cintas de cine negro. right|thumb|250px|Os actors Lee Van Cleef y Dona Drake en una escena de Kansas City Confidential (1952, Phil Karlson).

O cine negro (u film noir, en francés, como gosa emplegar-se en a mayor parte d'o mundo) ye un chenero cinematografico prou difícil de definir y de precisar, pero que ye un termin que gosa emplegar-se a sobén en o suyo sentiu mas restrictivo ta referir-se a cintas d'o cine estausunidense filmadas mas que mas en blanco y negro mientres os anyos 1930, anyos 1940 y anyos 1950 y que gosan presentar una sociedat violenta, corrupta y dominada por bandas de gángsters; os protagonistas d'as cintas gosan estar herois pero muit impregnaus de cinismo, fatalismo y pesimismo. Antiparte, os papels femeninos en as cintas de cine negro son a sobén papels de femme fatale u de victimas, y lo protagonista d'a cinta gosa estar un detective privau, un antigo policía con un pasau turbio. Bels escritors de novela negra, como Dashiell Hammett (con o suyo detective Sam Spade) u Raymond Chandler (con o suyo detective Philip Marlowe) son autors frecuents en os títols de credito d'as cintas como autors d'as novelas en as que se ha basau lo guión adaptau d'a cinta.

En un sentiu mas amplo, ta bel-uns cal incluyir aintro d'o cine negro cintas d'anyos anteriors y posteriors, amanando asinas lo cine negro a lo cine policiaco y especialment a lo cine de gángsters, en fendo-los cuasi sinonimos; ta belatros cal incluyir-ie tamién muitas cintas de cine europeu, mas que mas cintas d'o cine italiano, d'o cine alemán y d'o cine francés; y tamién atros son partidarios d'incluyir-ie cintas de cine en color; entre d'atras, tot ixo con as suyas variants de combinacions.

Cal remarcar que lo cine negro ye radicalment diferent d'o black film, Noël Simsolo: El cine negro. Pesadillas verdaderas y falsas, Alianza Editorial, Madrit, 2007. , p.17. que ye la suya traducción enta l'idioma anglés, pero que no se refiere a lo cine negro en o sentiu que l'emplegamos astí, so que se refiere a un chenero cinematografico muit propio d'o cine estausunidense en lo cual os actors, directors y, a sobén, tamién os productors son de raza negra, estando las cintas dirichidas especificament a lo suyo consumo por personas estausunidenses d'ixa color.

Encara que se cite siempre a lo chenero (si en verdat en ye, un chenero cinematografico, que mesmo ixo cuestionan belos especialistas) como naixiu en Estaus Unius, en bel meyo d'una sociedat convulsionada por as consecuencias d'a Gran Depresión d'os anyos 1930 y por a participación d'o país en a Segunda Guerra Mundial, ta la suya consolidación estió imprecindible la colaboración de muitismos actors, directors y guionistas europeus que albandonoron Europa dende primerías d'os anyos 1930 en fuyindo d'o faixismo italiano y d'o nazismo y dimpués en fuyindo d'a Segunda Guerra Mundial; istos exiliaus aportan elementos d'o cine alemán anterior a lo nazismo (lo cine expresionista), d'o cine italiano (o neorrealismo italiano) u d'o cine francés (o realismo poetico) , en destacando lo recurso a una voz en off que relata lo pasau d'o protagonista, como feba lo director Sacha Guitry en a cinta Le Roman d'un tricheur de 1936, u l'emplego de flash-backs. Noël Simsolo: El cine negro. Pesadillas verdaderas y falsas, Alianza Editorial, Madrit, 2007. , p.19.

Difuera de belas cintas clasicas d'o chenero que cualsiquier cinefilo conoixe, lo cine negro ha estau siempre un chenero de serie B, que no s'ha beneficiau mai de grans superproduccions cinematograficas. Fácil que por ixo belas d'as cintas mas perfeccionadas d'o chenero seigan cintas dirichidas por directors y interpretadas por actors poco conoixius u como cintas de segundo nivel en actors conoixius. Puet estar que una d'as mas conoixidas excepcions a ista caracteristica seiga l'actor Humphrey Bogart, qui actuó en cuasi todas las cintas clasicas d'o chenero en interpretando a lo detective Sam Spade, un personache creau por o novelista Raymond Chandler y que Bogart interpretó en The Maltese Falcon de John Huston, a lo detective Philip Marlowe creau por Raymond Chandler y que Bogart interpretó en The Big Sleep de Howard Hawks, u a lo detective Harry 'Steve' Morgan creau por Ernest Hemingway que interpretó en a cinta To Have and Have Not de Howard Hawks.

Orichen d'a expresión cine negro Como cuasi tot lo que arredola a lo cine negro, mesmo las oríchens d'a expresion film noir son obchecto de discusión. Gosa citar-se a lo critico cinematografico francés d'orichen italiana Nino Frank qui, en un articlo publicau en 1946 en a revista especializada francesa L'Écran Français constataba l'existencia de belas caracteristicas comuns en cuatre cintas d'o cine estausunidense que s'heban estrenau en ixa mesma anyada en Francia y lo rodache d'as cuals s'heba feito entre 1941 y 1944: The Maltese Falcon de John Huston, Double Indemnity de Billy Wilder, Laura d'Otto Preminger y Murder, My Sweet d'Edward Dmytryk; Jean-Pierre Esquenazi: Le Film Noir: Histoire et signification d'un genre populaire subversif, París, CNRS Éditions, coll. «Biblis», 2012, 438 p. , p.5. expresión que Jean-Pierre Chartier reculliba bien luego en a revista La Revue du cinéma. Tanimientres, la expresión film noir ya s'heba emplegau en Francia antis d'a Segunda Guerra Mundial ta clamar a un conchunto de cintas d'o cine francés perteneixents a lo movimiento cinematografico francés dito realismo poetico. Thomas Pillard: Une histoire oubliée: la genèse française du terme «film noir» dans les années 1930 et ses implications transnationales, en TransAtlantica: révue d'etudes américaines. Charles O'Brien: Film Noir in France: Before the Liberation, Iris, num. 21 European Precursors of Film Noir/Précurseurs européens du film noir,‎ primavera de 1996, p. 7–30. Fácil que Nino Frank emplegase ista expresión en haber-se creyau una Série Noire por Éditions Gallimard en 1945 que reculliba, entre d'atras, muitas d'as novelas policiacas que yeran la base d'os guions adaptaus d'as cintas en cuestión; d'atra man, o 12 de setiembre de 1945 Alexandre Astruc tamién heba feito servir ixa referencia a la novela negra estausunidense en a suya d'a cinta Each Dawn I Die (William Keighley, 1939). Noël Simsolo: El cine negro. Pesadillas verdaderas y falsas, Alianza Editorial, Madrit, 2007. , p.23.

Sindembargo, l'emplego d'a color negra ta identificar publicacions de novelas policiacas u de gángsters yera encara mas antiga, podendo remontar-se dica los anyos 1920, cuan a color negra yera la marca identificativa d'una revista estausunidense, Black Mask, a on se i publicaba literatura policiaca y que amás ye a on Dashiel Hammett bi publicó cuantos d'os suyos primers escritos, en emplegando una prosa ruda y directa y fuyindo de l'arquetipo existent dica l'inte que construyiba lo relato d'o descubrimiento d'o culpable d'un crimen a partir d'as deduccions lochicas d'un policía u investigador. Noël Simsolo: El cine negro. Pesadillas verdaderas y falsas, Alianza Editorial, Madrit, 2007. , p.24. D'atra man, ixa black mask d'o nombre d'a revista yera un homenache directo a los herois d'a literatura popular que feban servir una black mask u antifaz, como Lone Ranger u El Zorro. Noël Simsolo: El cine negro. Pesadillas verdaderas y falsas, Alianza Editorial, Madrit, 2007. , p.24-25.

En 1955 los criticos franceses Raymond Borde y Étienne Chaumeton publicoron o suyo libro Panorama du film noir américain 1941–1953 en lo que estió la consagración oficial de l'expresión film noir en a literatura cinematografica, Raymond Borde y Étienne Chaumeton: Panorama du film noir américain 1941–1953, coll. Champs Contre-Champs, Éditions Flammarion, París, 1993, ISBN 978-2080815088. Noël Simsolo: El cine negro. Pesadillas verdaderas y falsas, Alianza Editorial, Madrit, 2007. , p.35. expresión que contina emplegando-se actualment. Bels autors, como lo critico estausunidense Thom Anderson propugnan la expresión cine griso ta referir-se a cintas situadas en a muga con o cine social u con o cine policiaco, en estar conscients d'a frachilidat d'as mugas d'o chenero. Noël Simsolo: El cine negro. Pesadillas verdaderas y falsas, Alianza Editorial, Madrit, 2007. , p.33.

Tamién se produció una reacción de recluso respecto d'o cine negro, d'una man enta l'emplego d'as palabras y d'atra man en considerar que se tractaba d'un cine de segunda fila, basau no en obras serias so que en obras populars de literatura barata. En Francia los prencipals representants d'ista corrient se reuniban arredol d'a revista Cahiers du cinéma, que sistematicament se negaban a fer servir la expresión y preferiban emplegar cine policiaco. Noël Simsolo: El cine negro. Pesadillas verdaderas y falsas, Alianza Editorial, Madrit, 2007. , p.34. Iste recluso connectaba con o recluso respecto d'o chenero por parte de belos criticos estausunidenses que renegaban d'o chenero por la suya violencia y morbideza. Noël Simsolo: El cine negro. Pesadillas verdaderas y falsas, Alianza Editorial, Madrit, 2007. , p.27-28. Asinas, en a suya lista d'as millors cintas estrenadas en l'anyo 1955, Erich Rohmer no incluye dos destacadas cintas de cine negro estrenadas ixe anyo, como son Kiss Me Deadly (Robert Aldrich) y Du rififi chez les hommes (Jules Dassin). Noël Simsolo: El cine negro. Pesadillas verdaderas y falsas, Alianza Editorial, Madrit, 2007. , p.38.

En cualsiquier caso, ye bi heba a-saber-los directors d'arredol d'o mundo que heban recibiu as influyencias d'o chenero, en plasmadondo-lo y fendo-ne lo desarrollo en as suyas obras: Carol Reed en o Reino Uniu, Youssef Chahine en Echipto, Akira Kurosawa en Chapón, Federico Fellini, Roberto Rossellini, Luchino Visconti y Michelangelo Antonioni en Italia... Noël Simsolo: El cine negro. Pesadillas verdaderas y falsas, Alianza Editorial, Madrit, 2007. , p.39-40. Como consecuencia, la expresión film noir prencipió a emplegar-se arredol d'o mundo, plegando asinas en os anyos 1970 en os Estaus Unius, que dica l'inte no la feban servir. Noël Simsolo: El cine negro. Pesadillas verdaderas y falsas, Alianza Editorial, Madrit, 2007. , p.40.

As fuents Literatura