Apollo 11 estió la cinquena misión tripulada d'o Programa Apollo d'os Estaus Unius y la primera d'a historia en aconseguir que un ser humán plegase a la Luna. A nau Apollo d'a misión se ninvió a l'espacio lo 16 de chulio de 1969, realizó lo suyo alunizache lo 20 de chulio d'ixe mesmo anyo y a l'atro'l día dos astronautas (Armstrong y Aldrin) se convirtioron en os primers en caminar sobre a superficie lunar. L'Apollo 11 estió empentau per un codete Saturn V dende la plataforma LC 39A y lanzau a las 13:32 UTC dende lo complexo d'o Kennedy Space Center, en Florida (Estaus Unius). Oficialmente se conoixió a la misión como AS-506. A misión estió un fito decisivo d'a NASA contra lo programa espacial d'a Unión Sovietica y ye considerada como un d'os intes mas significativos en a historia d'a humanidat.
A tripulación de l'Apollo 11 yera constituyida per o comandant d'a misión Neil Armstrong, de 38 anyos; Edwin E. Aldrin Jr., de 39 anyos y piloto d'o LEM, embotau Buzz; y Michael Collins, de 38 anyos y piloto d'o modulo de mando.
A denominación d'as naus, privilechio d'o comandant, estió Eagle pa lo modulo lunar y Columbia pa lo modulo de mando.
O comandant Armstrong estió lo primer ser humán que pisó la superficie d'o satelite terrestre lo 21 de chulio de 1969 a las 2:56 UTC a lo sud d'a Mar d'a Tranquilidat (Mare Tranquillitatis), seis horas y meya dimpués d'haber alunizaz. Ye alavez cuan pronunció las famosas parolas: «Ye un chicot paso pa un hombre, pero un gran blinco pa la humanidat». One Small Step en https://history.nasa.gov/ Iste fito historico se retransmitió a tota la planeta dende as instalacions de l'Observatorio Parkes (Australia).
Lo 24 de chulio, os tres astronautas aconsiguioron un perfecto amerizache en auguas de l'oceano Pacifico, rematando asinas a misión. Orloff, Richard W. (2000). Apollo by the Numbers: A Statistical Reference. NASA History Series. Washington, D.C.: NASA History Division, Office of Policy and Plans. .
Referencias
Vinclos externos
Categoría:Programa Apollo