Iste articlo ye sobre una cinta estausunidense de l'anyo 1903; ta atros usos, se veiga The Great Train Robbery.

right|thumb|250px|Justus D. Barnes en una escena promocional d'a cinta. right|thumb|250px|Una escena d'a cinta. right|thumb|250px|Unatra escena d'a cinta. right|thumb|250px|Unatra escena d'a cinta. right|thumb|250px|Unatra escena d'a cinta. right|thumb|250px|Unatra escena d'a cinta. right|thumb|250px|Unatra escena d'a cinta. The Great Train Robbery (títol orichinal en anglés; en aragonés O gran robo d'o tren) ye una cinta estausunidense de cine mudo de cine de western de l'anyo 1903 dirichida por Edwin S. Porter seguntes un guión adaptau por él mesmo y por l'autor d'a obra teatral orichinal (The Great Train Robbery de Scott Marble (1896). O montache d'a cinta estió tamién obra d'o mesmo director, qui estió tamién o director de fotografía, con J. Blair Smith. En a cinta amanixen actors d'ixas envueltas, como Justus D. Barnes, Broncho Billy Anderson, Walter Cameron y Alfred C. Abadie, tenendo una duración de nomás que 12 minutos. Ye a primera cinta de tipo narrativo filmada en o cine estausunidense y no ye pas casual que se tracte d'un primitivo western, uno d'os cheneros cinematograficos mas caracteristicos d'o cine estausunidense. Vincent Pinel: Los géneros cinematográficos. Géneros, escuelas, movimientos y corrientes en el cine, Ediciones Robinbook, S.L., Barcelona, 2007, , p. 318.

Encara que la cinta no destaca especialment, sí que tien importancia, en estar considerada como lo primer western d'a Historia d'o cine, a on quedan marcadas y fixadas bellunas d'as caracteristicas principals d'iste chenero cinematografico. Norman Keim: Our Movie Houses: A History of Film & Cinematic Innovation in Central New York. Syracuse University Press. p. 17. . L.G. Moses: Wild West Shows and the Images of American Indians, 1883-1933. , 1999, UNM Press. p. 225. . Quim Casas: Películas clave del western, Ediciones Robinbook, S.L., Barcelona, 2007, , p.15. Quim Casas: Películas clave del western, Ediciones Robinbook, S.L., Barcelona, 2007, , p.35. Antiparte, en ista cinta se facioron servir bellas tecnicas cinematograficas nuevas u muit poquet emplegadas dica l'inte, como un montache compuesto, lo rodache en exteriors en cuentas d'o rodache en un estudio de soniu u en un plató, y lo movimiento d'a camara. Emilio García Fernández (dir.): Historia Universal del Cine, vol. 1. Madrid, 1982, Editorial Planeta. p. 48-49. . ta representar completament las caracteristicas propias d'o cine de western nomás li faltaba que amostrar un protagonista d'a cinta. Tamién estió una d'as primeras cintas en fer servir o cross-cutting, en amostrar dos escenas que se producen en forma simultania en o tiempo pero en dos localizacions diferents. Tim Dirks: The Great Train Robbery en Filmsite.org.

En l'anyo 1990, a Biblioteca d'o Congreso d'Estaus Unius consideró que la cinta yera "cultural, historica y esteticament significativa" y la seleccionó ta incluyir-la en o National Film Registry. U.S. National Film Registry Titles.

Estructura d'a cinta Amás d'as secuencias d'a cinta, los distribuidors reciben un fragmento en un plano que amuestra a lo chefe d'os bandius en disparando directament a la camara. Iste fragmento ye pensau ta que los exhibidors d'a cinta lo empleguen en o principio u en o final d'a cinta, a la suya elección. En estar la primera vegada que una escena asinas se veyeba en o cine, causaba un gran efecto en os espectadors, similar a l'efecto causau por a locomotora que abanza enta los espectadors en una famosa escena d'a cinta L'Arrivée d'un train en gare de La Ciotat (1896, Louis Lumière). Quim Casas: Películas clave del western, Ediciones Robinbook, S.L., Barcelona, 2007, , p.36.

Secuencia 1 Nomás que una toma, con plano cheneral: Oficina d'o ferrocarril. Os ladrons asaltan a lo radiotelegrafista, a qui fuerzan a aturar un tren y a ordenar que un incheniero replene lo tender d'a locomotora de vapor con l'augua d'o deposito. Atan a lo radiotelegrafista, lo deixan en o suelo y se'n van.

Secuencia 2 Nomás que una toma, con plano cheneral una mica encuadrau enta la dreita: Dezaga d'o deposito d'augua fan o tutón os ladrons, bi plega lo tren y los ladrons bi puyan.

Secuencia 3 Nomás que una toma con plano cheneral: Interior d'un vagón. Un emplegau escuita lo rudio que fan os ladrons y preba d'impedir o robo pero los ladrons fan servir las suyas armas, disparan y l'emplegau caye feriu en lo suelo; preban d'ubrir la caixa fuertey, en no poder, li adbhiben un explosivo y marchan de l'encuadre d'a camara. La caixa d'ubre con a explosión y los ladrons se fan con o botín.

Secuencia 4 Plano A Lo tren se detiene y los ladrons ordenan a lo maquinista que desepare la maquina d'os vagons.

Plano B Os pasachers baixan d'os vagons y se colocan dencima d'as vías d'o tren con as mans en alto, y los ladrons lis van robando un a un as suyas pertenencias. Un d'os viachers preba de fuyir pero los ladrons li disparan y caye feriu en o suelo.

Plano C Los ladrons puyan en a maquina y la fan marchar, albandonando la escena d'o crimen.

Secuencia 5 Plano A Plano cheneral con chicota panoramica a la ezquierda: O tren s'atura, baixan los ladrons y caminan enta una selva amanada.

Plano B Plano cheneral con chicota panoramica a la ezquierda: en dentrar-ie en a selva, trescruzan un arrigacho y plegan en o puesto a on bi tienen amagaus os suyos caballos.

Secuencia 6 Plano A Plano cheneral: en a oficina, lo telegrafista disperta y preba de dar l'alarma pero torna a cayer en o suelo. Aparixe una nina que preba de reanimar-lo y lo desliga.

Plano B Plano cheneral: en un local se bi fa un baile d'estilo country; bi plega lo telegrafista y toz los bailarins pretan a correr.

Secuencia 7 Nomás que una toma, plano cheneral: en un camín en bel meyo d'a selva los ladrons fuyen perseguius y s'intercambian disparos con os suyos perseguidors.

Secuencia 8 Nomás que una toma, plano cheneral: os ladrons se reparten o botín d'o robo cuan i plegan os perseguidors, que lis disparan. en resultando muertos os ladrons.

Reparto* The Great Train Robbery en Internet Movie Database. Actor Papel Notas Alfred C. Abadie Sheriff No acreditau Broncho Billy Anderson Bandiu / Pasachero / Bailarín No acreditau George Barnes ' | No acreditau

| Justus D. Barnes | Bandiu qud dispara enta la camara | No acreditau

| Walter Cameron | Sheriff | No acreditau

| John Manus Dougherty Sr. | Cuatreno bandiu | No acreditau

| Donald Gallaher | Ninón | No acreditau

| Shadrack E. Graham | Nino | No acreditau

| Frank Hanaway | Bandiu | No acreditau

| Adam Charles Hayman | Bandiu | No acreditau

| Morgan Jones | ' No acreditau Robert Milasch Conductor d'o tren / bandiu No acreditau Marie Murray Bailarina No acreditau Frederick T. Scott Hombre No acreditau Mary Snow Nina No acreditau

Se veiga tamién Cine en 1903. Cintas de 1903.

Referencias

Vinclos externos

The Great Train Robbery en YouTube. The Great Train Robbery en Internet Movie Database. The Great Train Robbery en TCM Movie Database. The Great Train Robbery en AllMovie. The Great Train Robbery en Rotten Tomatoes. The Great Train Robbery en Filmsite.org. / The Great Train Robbery en FilmAffinity.

Categoría:Cintas con guión d'Edwin S. Porter Categoría:Cintas con dirección de fotografía d'Edwin S. Porter Categoría:Cintas con dirección de fotografía de J. Blair Smith Categoría:Cintas con guión de Scott Marble Categoría:Cintas con montache d'Edwin S. Porter Categoría:Cintas de cine mudo Categoría:Cintas de western Categoría:Cintas dirichidas por Edwin S. Porter Categoría:Cintas d'Estaus Unius Categoría:Cintas interpretadas por Alfred C. Abadie Categoría:Cintas interpretadas por Broncho Billy Anderson Categoría:Cintas interpretadas por Justus D. Barnes Categoría:Cintas interpretadas por Walter Cameron Categoría:Cintas producidas por Edwin S. Porter Categoría:Cintas rodadas en Nueva Jersey