Iste articlo ye sobre una cinta estausunidense de l'anyo 1951; ta atros usos, se veiga Distant Drums (desambigación).
Distant Drums (títol orichinal en anglés, en aragonés Tambors lordos; estrenau en Aragón con o títol en castellano de Tambores lejanos) ye una cinta de western de cine estausunidense dirichida en 1951 por Raoul Walsh y producida por Milton Sperling ta la productora cinematografica United States Pictures, seguntes un guión adaptau por Niven Busch y Martin Rackin basau en una historia d'o mesmo Niven Busch. Con una dirección de fotografía de Sidney Hickox y una Banda Sonora Orichinal de Max Steiner, en l'elenco d'a cinta amanixen destacaus actors como Gary Cooper, Richard Webb, Mari Aldon, Arthur Hunnicutt, Carl Harbaugh, Robert Barrat y Ray Teal.
En ista cinta lo director fa bella cosa pareixida a un remake argumental d'una atra d'as suyas cintas anteriors, Objective, Burma! (1945), en amostrar como parte prencipal de l'argumento una marcha a traviés d'una selva tropical d'un grupo de soldaus arredolaus d'enemigos. Quim Casas: Películas clave del western, Ediciones Robinbook, S.L., Barcelona, 2007, , p.92-93.
Distant Drums s'ambienta en o estau de Florida en 1840 mientres a Segunda guerra seminola. O rodache d'a cinta se fació en as selvas tropicals de Florida, en tenendo que contractar a nativos ta mantener luent d'os actors a aligátors, serpentes, reptils y atros animals periglosos, pero s'aconsiguió una bella escena con una filmación subacuatica d'a baralla entre lo capitán Richard Tufts y lo chefe Ocala.
Argumento Mientres a Segunda guerra seminola en 1840 lo cheneral Zachary Taylor ninvía a lo tenient d'a United States Navy Richard Tufts y a lo suyo aduyant Monk en una remota isla en Florida ta encontrar-se con o capitán Quincy Wyatt, qui bi vive con o suyo fillo de cinco anyadas. Dende ixe puesto han de marchar contra una antiga fortificación espanyola, o castiello de San Marcos, y destruyir-la, en estar la base que fan servir os seminolas ta recibir as armas que lis portan os traficants espanyols; antiparte, en a base se i troban engarcholaus cuantos presoneros estausunidenses que han de liberar. Quincy Wyatt y los suyos soldaus cumplen a misión, en destruyendo lo castiello y liberando-ne-ie a los presoners. Una d'ixos presoners, Judy Beckett, desembolica una atraccción amorosa por Wyatt mientres que fuyen d'una colla de seminolas que los persiguen a traviés d'os Everglades. Lo viache se fa bien difícil por as condicions d'o terreno y tamién en estar perseguius por os indios, y bellos d'os soldaus mueren mientres a fuyida. A la fin Wyatt puet plegar en a suya casa, nomás ta descubrir que ye cremada y que lo suyo fillo ha despareixiu.
Curiosidaz En ista cinta se fa servir por primera vegada un chilo conoixiu en o mundo d'o cine como chilo de Wilhelm en estar devorau un d'os soldaus por un aligátor americano. Se tracta d'un efecto de soniu que dende alavez s'ha feito servir en a-saber-las de cintas.
Elenco Distant Drums en Internet Movie Database. Actor Papel Notas Gary Cooper Capitán Quincy Wyatt Mari Aldon Judy Beckett Richard Webb Tenient Richard Tufts Ray Teal Soldau Mohair Arthur Hunnicutt Monk Robert Barrat Cheneral Zachary Taylor Dany Aldon Papel menor No acreditau Carl Andre Soldau No acreditau Mel Archer Soldau Jeremiah Hiff No acreditau Gregg Barton Soldau James W. Tasher No acreditau Jere Beery Sr. Indio muerto No acreditau George Bell Soldau No acreditau Jimmie Booth Soldau No acreditau Rudy Bowman Soldau No acreditau Beverly Brandon Mme. Duprez No acreditada Bob Burns Mesache indio No acreditau Sidney Capo Mesache indio No acreditau Larry Carper Chefe Ocala No acreditau Clancy Cooper Sarchento Shane No acreditau Bob Folkerson Soldau No acreditau Carl Harbaugh M. Duprez No acreditau Adeline Hiatt Muller india No acreditada George Huggins Soldau No acreditau Roy Jenson Soldau No acreditau Johnny Kern Soldau No acreditau Kenneth MacDonald Oficial d'Estau Mayor d'o cheneral No acreditau Casey MacGregor Soldau Sullivan No acreditau Cactus Mack Soldau No acreditau Angelita McCall Amelia No acreditada Lee Roberts Soldau Tibbett No acreditau Dave Rochlen Soldau No acreditau George Scanlan Bosun No acreditau inger Stanley Muller No acreditada George Walsh Papel menor No acreditau Dan White Cabo Peachtree No acreditau Jack Williams Soldau No acreditau Sheb Wooley Soldau Jessup No acreditau
Se veiga tamién Cine en 1951. Cintas de 1951.
Referencias
Vinclos externos
Distant Drums en Internet Movie Database. / Distant Drums en FilmAffinity. Distant Drums en Rotten Tomatoes. Distant Drums en AllMovie.
Categoría:Cintas ambientadas en Florida Categoría:Cintas ambientadas en 1840 Categoría:Cintas con banda sonora orichinal de Max Steiner Categoría:Cintas con dirección de fotografía de Sidney Hickox Categoría:Cintas con guión de Martin Rackin Categoría:Cintas con guión de Niven Busch Categoría:Cintas con montache de Folmar Blangsted Categoría:Cintas dirichidas por Raoul Walsh Categoría:Cintas de western Categoría:Cintas d'Estaus Unius Categoría:Cintas en anglés Categoría:Cintas interpretadas por Gary Cooper Categoría:Cintas interpretadas por Richard Webb Categoría:Cintas interpretadas por Mari Aldon Categoría:Cintas interpretadas por Arthur Hunnicutt Categoría:Cintas interpretadas por Carl Harbaugh Categoría:Cintas interpretadas por Robert Barrat Categoría:Cintas interpretadas por Ray Teal Categoría:Cintas producidas por Milton Sperling Categoría:Cintas rodadas en Florida Categoría:Cintas sobre as Guerras seminolas