José Luis Zalde (nombre artistico de José Luis Lizalde), naixiu d'Exeya d'os Caballers (Cinco Villas, Aragón) en 1910 y muerto en Madrit (Comunidat de Madrit, Espanya) o 27 de chinero de 1977, estió un actor y cantaire de zarzuela aragonés, activo en o teatro y la zarzuela dende muit choven y en o cine espanyol dende principios d'os anyos 1960, con arredol de 70 interpretacions en cintas, siempre en papels segundarios.
Naxió en una familia adedicada a l'artesanía d'a fusta, que cuan él no teneba so que dos anyadas marchoron enta Zaragoza, a on José Luis s'educó. Encara que la familia li presionó ta que continase con a tradición familiar, de muit choven ya amostró lo suyo intrés por o mundo d'a escena, destacando en l'Agrupación Artística Aragonesa por a suya predisposición a interpretar papels de comedia, pasando-se bien luego enta lo campo profesional, a on treballó en as companyías de Carmen Díaz y de Manolo París, treballando dimpués en o Teatro Novedades de Barcelona convertindo-se dimpués en director artistico d'o Salón Oasis de Zaragoza y continando una exitosa carrera interpretativa.
D'entre la suya ampla filmografía, pueden mencionar-se bellas cintas, como Escuela de seductoras (1962, León Klimovsky), Isidro el labrador (1964, Rafael J. Salvia), Más bonita que ninguna (1965, Luis César Amadori), Pochi dollari per Django (1966, León Klimovsky), El hombre que mató a Billy el Niño (1967, Julio Buchs), Cuatro noches de boda (1969, Mariano Ozores), No somos ni Romeo ni Julieta (1969, Alfonso Paso), Los novios de mi mujer (1972, Tito Fernández), Lo verde empieza en los Pirineos (1973, Vicente Escrivá), ...altrimenti ci arrabbiamo! (1974, Marcello Fondato), El insólito embarazo de los Martínez (1974, Javier Aguirre Fernández), Yo soy Fulana de Tal (1975, Pedro Lazaga), u La lozana andaluza (1976, Vicente Escrivá).
Filmografía José Luis Zalde en Internet Movie Database. Actor Anyos 1960 Anyo Títol d'a cinta Papel Director Reparto Atros 1962 '<ref> [ '] en Internet Movie Database.</ref>
Se veiga tamién Cintas interpretadas por José Luis Zalde.
Referencias
Vinclos externos José Luis Zalde en Internet Movie Database. José Luis Zalde en a Enciclopedia del Cine Español.
Categoría:Actors d'Aragón Categoría:Cantaires de zarzuela d'Aragón Categoría:Cantaires d'Aragón Categoría:Muertos en Madrit Categoría:Naixius d'Exeya d'os Caballers Categoría:1910 (naixencias) Categoría:1977 (muertes)