Charade (cinta de 1963)

Iste articlo ye sobre una cinta de cine estausunidense de l'anyo 1963; ta atros usos, se veiga Charade.

right|thumb|250px|Os actors Cary Grant y Audrey Hepburn en una escena d'a cinta. right|thumb|250px|As actrices Dominique Minot y Audrey Hepburn en una escena d'a cinta. right|thumb|250px|L'actor James Coburn en una escena d'a cinta. right|thumb|250px|Os actors Cary Grant y Audrey Hepburn en una escena d'a cinta. Charade (títol orichinal en anglés, Charada en aragonés, estrenau con iste zaguer títol en Aragón traduciu enta lo castellano) ye una cinta de cine estausunidense de cine de comedia romance y intriga de l'anyo 1963 dirichida y producida por Stanley Donen ta la suya productora Stanley Donen Productions seguntes un guión adaptau de Peter Stone basau en The Unsuspecting Wife, un relato curto d'o mesmo Peter Stone y de Marc Behm de l'anyo 1961. Con una Banda Sonora Orichinal de Henry Mancini (incluyiendo-ie la canción Charade, nominada a l'Oscar a la Millor Canción Orichinal) y una direccion de fotografía de Charles Lang, en l'elenco d'a cinta bi amanixen destacaus actors como Cary Grant, Audrey Hepburn, Walter Matthau, James Coburn, George Kennedy, Ned Glass, Jacques Marin, Paul Bonifas y Dominique Minot.

Argumento Mientres as suyas vacacions en Megève, en os Alpes franceses, Regina "Reggie" Lampert, una ciudadana estausunidense que treballa como interprete, li diz a la suya amiga Sylvie que piensa esvurciar-se d'o suyo esposo Charles. En ixe inte conoix a Peter Joshua, un atro estausunidense que li parixe escansador.

En rematar as vacanzas y tornar en París, Regina troba lo suyo apartamento vuedo. Un inspector de policía li explica que lo suyo mariu ha vendiu todas las suyas propiedaz y dimpués l'asasinoron cuan marchaba de Paría, y tamién han despareixiu los suyos diners. Nomás li tornan que la chicota bolsa de viache d'o suyo mariu a on nomás bi ha que una carta dirichida a ella, un billet de barco enta Venezuela, cuatre pasaportes con a fotografía d'o difunto pero cadagú d'éls expediu con un nombre diferent, y bellatros articlos personals. En o funeral nomás aparixen tres personas, todas tres sospeitosas, y una d'istas personas mesmo plega a clavar una agulla de cabeza en o cuerpo d'o difunto ta comprobar que sí que ye muerto.

Bien luego citan a Regine en l'embaixada d'Estaus Unius, a on se troba con Hamilton Bartholomew, qui li diz que ye l'administrador d'a CIA en la ciudat y li explica que los tres hombres que heban acudiu a lo funeral d'o suyo mariu yeran Herman Scobie, Leopold W. Gideon y Tex Panthollow y que toz tres, amás d'o suyo difunto mariu Charles y de Carson Dyle yeran cinco miembros de l'OSS mientres a Segunda Guerra Mundial y que heban recibiu la misión d'infiltrar-se en o territorio ocupau por os alemans ta entregar a la Resistencia francesa una important cantidat de diners, 250.000 dólars. Tanimientres, en cuentas de cumplir la suya misión os cinco hombres decidioron quedar-se con ixe dinero. Carson morió en una emboscada d'una patrulla alemana y Charles traicionó a los suyos companyers y se quedó todos los diners ta él. Dende alavez, os tres supervivients buscan recuperar os diners, mesmo que lo Gubierno estausunidense. Hamilton Bartholomew li diz a Regine que él creye que Regina tiene ixos diners u que a lo menos en sabe a on se troban, conscient u inconscientment, y que en consecuencia mesmo la suya vida se troba en periglo.

En marchar de l'embaixada, Regina troba una atra vegada a Peter Joshua, qui l'aduya a instalar-se en un hotel. Pero los tres hombres la troban y la visitan por separau, estando cadagún d'él convenciu de que Regina se troba en posesión d'os diners. Herman Scobie mesmo li diz que en realidat Peter ye aliau con éls; cuan Regina li pregunta a Peter, iste li confiesa que él en realidat ye lo chirmán de Carson Dyle, Alexander, y que lo suyo obchectivo ye de trobar a los culpables d'a muerte d'o suyo chirmán y fer-los compareixer debant d'a Chusticia ta que en reciban lo suyo castigo. Bien luego, mientres roz buscan os diners, Herman y Leopold son asasinaus. alavez, Hamilton li diz a Regina que Carson no en teneba pas, de chirmans. Regina s'encara con Peter y iste li diz que en realidat ye Adam Canfield, un ladrón profesional. Encara que sorprendida, Regina encara li fa confianza.

Reggie y Adam marchan enta lo zaguer puesto a on se conoix que Charles yera present mientres que yera vivo, un mercau d'estampetas a l'aire libre. En veyer a Tex, Adam lo sigue, y bien luego toz dos paran cuenta de que Charles gastó los diners en mercar estampetas valuosas y que ixas istampetas se trobaban en o sobre d'a carta que Charles ninviaba a la suya muller. Toz dos tornan ascape en l'hotel nomás ta trobar que lo sobre ha desapareixiu. Antiparte, por a suya cuenta Regine tamién descubre lo valor d'as estampetas d'o sobre, pero s'escayece que los li heba regalau a lo nino d'a suya amiga Sylvie y que iste los ha vendiu en ixe mesmo mercau a un filatelico. Cuan troban a lo filatelico, iste lis diz que yera asperando que plegasen, que sabeba que se tractaba d'una error, y lis torna las valuosas estampetas, amás de decir-les que las tres estampetas valen 250.000 dólars, que chustament ye la cantidat de diners desapareixida.

Cuan Reggie torna con as estampetas en lo suyo hotel troba en la suya cambra lo cuerpo de Tex, asasinau. En os suyos zaguers momentos de vida, Tex ha escrito un nombre, "Dyle". Regina creye alavez que Adam ye qui l'ha asasinau y truca por telefono a Hamilton, qui la cita en o Palais-Royal. Cuan marcha enta la suya cita, Adam la veye y la segundia. Bien luego Reggie se troba encaixada entre Hamilton y Adam. Adam li explica que Hamilton ye en realidat o propio Carson Dyle, qui heba sobreviviu a las suyas feridas luego d'o combate con a patrulla alemana y que dende alavez yera obsesionau con a venganza y con a recuperación d'os diners. Reggie preba de fuyir pero Carson Dyle la persigue, y Adam finalment logra salvar-la.

Cuan a lo día siguient Reggie y Adam plegan en l'embaixada estausunidense ta tornar-lis las estampetas, Adam no i dentra. Cuan Reggie dentra descubrirá qui ye en realidat Adam, que ye Brian Cruikshank, achent d'o Departamento d'o Trasoro d'o Gubierno. Bien luego, Brian li proposa matrimonio a Regina.

Rodache O rodache d'a cinta de fació en os Studios de Boulogne en a comuna de Boulogne-Billancourt (Francia), con rodache d'exteriors en a ciudat de París.

Elenco* Charade en Internet Movie Database. Actor Papel Notas Cary Grant Brian Cruikshank (alias Peter Joshua, Alexander Dyle y Adam Canfield) Audrey Hepburn Regina "Reggie" Lampert Walter Matthau Carson Dyle (alias Hamilton Bartholomew) James Coburn Tex Panthollow George Kennedy Herman Scobie Dominique Minot Sylvie Gaudet Ned Glass Leopold W. Gideon Jacques Marin Inspector de policía Edouard Grandpierre Paul Bonifas Mr. Felix Thomas Chelimsky Jean-Louis Gaudet Marc Arian Pasachero d'o metro No acreditau Claudine Berg Sirvienta No acreditau Marcel Bernier Taxista No acreditau Georges Billy Hombre en o mercau d'estampetas No acreditau Albert Daumergue Hombre en o mercau d'estampetas No acreditau Raoul Delfosse Taxista No acreditau Lucien Desagneaux Paseyant en o chardín publico No acreditau Stanley Donen Hombre en l'ascensor No acreditau Colin Drake Hamilton Bartholomew No acreditau Mel Ferrer Hombre que fuma un petillo en a sala de fiestas No acreditau Jean Gold Hombre qui escribe en a terraza d'a cafetería No acreditau Chantal Goya Extra No acreditau Clément Harari Turista alemán No acreditau Monte Landis Mayestro de Ceremonias en "Les Black Sheep Club" No acreditau Bernard Musson Recepcionista de l'hotel No acreditau Antonio Passalia Representant d'Italia en EURESCO No acreditau Jacques Préboist Vendedor de chelaus No acreditau Peter Stone Hombre en l'ascensor / Voz d'o marine No acreditau Anthony Stuart Representant d'o Reino Uniu en EURESCO No acreditau Michel Thomass Chofer de l'embaxaidor No acreditau André Tomasi Pasachero d'o metro No acreditau Roger Trapp Emplegau d'a funeraria No acreditau Louis Viret Emplegau d'o metro No acreditau

Premios Premio Calendata Edición Categoría Premiau Notas Premios Oscar<ref> Ganadors y nominaus d'os Premios Oscar 1964 en a pachina web de lAcademia d'as Artes y as Ciencias Cinematograficas de Hollywood.</ref> | 1964 | 36ena edición | Nominada a l'Oscar a la Millor Canción Orichinal | Charade, de Henry Mancini (musica) y Johnny Mercer (letra)

| 1965 | 36ena edición | Nominau a lo BAFTA a lo Millor Actor Forano | Cary Grant

| 1964 | 21ena edición | Nominada a lo Globo d'Oro a la Millor Actriz de Musical u Comedia | Audrey Hepburn

| 1964 | ? | Nominada a lo Laurel a la Millor Canción | Charade'', de Henry Mancini (musica) y Johnny Mercer (letra) 5ena posición

Se veiga tamién Cine en 1963. Cintas de 1963.

Referencias

Vinclos externos

Charade en Internet Movie Database. / Charade en FilmAffinity. Charade en Rotten Tomatoes. Charade en TCM Movie Database. Charade en AllMovie.

Categoría:Cintas ambientadas en París Categoría:Cintas ambientadas en os anyos 1950 Categoría:Cintas con banda sonora orichinal de Henry Mancini Categoría:Cintas con dirección de fotografía de Charles Lang Categoría:Cintas con guión de Peter Stone Categoría:Cintas con montache de James Clark Categoría:Cintas d'Estaus Unius Categoría:Cintas de cine de comedia Categoría:Cintas de cine de romance Categoría:Cintas de cine d'intriga Categoría:Cintas dirichidas por Stanley Donen Categoría:Cintas en anglés Categoría:Cintas interpretadas por Audrey Hepburn Categoría:Cintas interpretadas por Cary Grant Categoría:Cintas interpretadas por Dominique Minot Categoría:Cintas interpretadas por George Kennedy Categoría:Cintas interpretadas por Jacques Marin Categoría:Cintas interpretadas por James Coburn Categoría:Cintas interpretadas por Ned Glass Categoría:Cintas interpretadas por Paul Bonifas Categoría:Cintas interpretadas por Walter Matthau Categoría:Cintas producidas por Stanley Donen Categoría:Cintas rodadas en os Altos d'o Sena Categoría:Cintas rodadas en París

Charade (cinta de 1963)

Źródło i licencja