Murder by Numbers (títol orichinal en anglés, en aragonés Asasinato por numeros; estrenada en Aragón con o títol en castellano de Asesinato...1-2-3, Asasinato...1-2-3 en aragonés) ye una cinta de cine estausunidense d'intriga policiaca de l'anyo 2002 dirichida por Barbet Schroeder seguntes un guión orichinal de Tony Gayton y producida por Richard Crystal, Barbet Schroeder y Susan Hoffman (l'actriz protagonista, Sandra Bullock, tamién n'estió productora executiva) ta las productoras Castle Rock Entertainment y Schroeder/Hoffman Productions. La dirección de fotografía d'a cinta ye de Luciano Tovoli, con una Banda Sonora Orichinal de Clint Mansell y los actors principals d'a cinta son Sandra Bullock, Ryan Gosling, Michael Pitt, Agnes Bruckner, Chris Penn, R. D. Call y Ben Chaplin, entre d'atros.
A cinta se basa en un caso real, o caso Leopold y Loeb, escaiciu en Chicago en 1924, cuan Nathan Freudenthal Leopold Jr. y Richard Albert Loeb, dos estudiants acabalaus d'a Universidat de Chicago, secuestroron y asasinoron a Bobby Franks, de 14 anyadas, nomás que ta poder amostrar o suyo intelecto superior, un caso que ha inspirau obras de cine, de teatro, de televisión y de literatura.
Murder by Numbers se prochectó en mayo de 2002 en a 55ena edición d'o Festival de Cine de Canas, pero no dentraba en a competición. / / / Murder by Numbers en a web oficial d'o Festival de Cine de Canas.
Argumento A detective Cassie Mayweather y lo suyo nuevo companyero Sam Kennedy plegan en una escena d'un crimen a on han trobau lo cadavre d'una muller. En abanzar a investigación, Cassie y Sam prencipian una relación, pero Cassie amuestra estar bien rezelosa d'una relación seria y li marca distancias, como consecuencia d'os malos tractos y intento d'asasinato que padeixió d'a suya primera parella, uns feitos d'o suyo pasau que quiere amagar. As prebas d'o caso parixen implicar a Ray Feathers, o conserche d'un instituto que amás vende drogas a los alumnos. Cuan son de momentos de detener-lo, aparixe aparentment suicidau, pero en realidat ha estau asasinau por Richard Haywood, comprador habitual d'a droga que vendía Ray. Richard tien una estranya relación d'amistat y odio con Justin Pendleton, estando toz dos brilants alumnos de l'instituto.
Cassie y Sam troban en a escena d'o crimen vomeco y, en analizar-lo en o laboratorio, troban que contiene trazas que los adrezan enta Justin, pero lo chefe d'os detectives considera que lo caso ye zarrau con a muerte de Ray, l'aparent culpable d'o crimen. Tanimientres, Cassie no se'n conforma y lo suyo treballo va acumulando prebas que amuestran la culpabilidat de Richard y Justin, encara que parixe que l'inductor y principal culpable ye Richard. Richard cita a Justin en una casa en a placha y Cassie, cuan lo sabe, marcha tamién enta ixe puesto.
Elenco Murder by Numbers en Internet Movie Database. Actor Papel Notas Sandra Bullock Cassie Mayweather Ben Chaplin Sam Kennedy Ryan Gosling Richard Haywood Michael Pitt Justin Pendleton Agnes Bruckner Lisa Mills Chris Penn Ray R.D. Call Capitán Rod Cody Tom Verica Al Swanson Janni Brenn Ms. Elder John Vickery Cherent d'o restaurant Michael Canavan Mr. Chechi Krista Carpenter Olivia Lake Neal Matarazzo Oficial (en o "flashback") Adilah Barnes Técnico d'o laboratorio Jim Jansen Avogau Paula Scarpino Oficial (en o "flashback") Brian Stepanek Marshall d'a Chunta de Libertat Condicional Sharon Madden Enfermera John Doolittle Tecnico de huellas dactilars Dennis Cockrum Criminalista Eric Saiet Criminalista Nancy Osborne Mai de Richard Ralph Seymour Paramedico Christine Healy Mai de Justin Nick Offerman Policía en casa de Richard Todd Leatherbury Policía en a primera escena d'o crimen Jason Flowers Estudiant No acreditau JR Garcia Choven No acreditau Melissa Greenfield Estudiant No acreditada Michael Samluk Carl Hudson No acreditau Valentin Siroon Enfermera No acreditada Dave Thompson Hombre d'o cigarret No acreditau Emily Young Estudiant preocupada No acreditada
Producción Inspiración Ta lo guión orichinal d'a cinta, Tony Gayton se basó en un caso real, o caso Leopold y Loeb, escaiciu en Chicago en 1924, cuan Nathan Freudenthal Leopold Jr. y Richard Albert Loeb, dos estudiants acabalaus d'a Universidat de Chicago, secuestroron y asasinoron a Bobby Franks, de 14 anyadas, nomás que ta poder amostrar o suyo intelecto superior, un caso que ha inspirau bellas atras obras de cine, de teatro, de televisión y de literatura. Loeb, que teneba 18 anyadas cuan cometioron l'asasinato, yera fillo d'un vicepresident de Sears y yera un aficionau fanatico d'as novelas policiacas. Leopold teneba 19 anyadas y ya yera en ixas envueltas un reconoixiu ornitologo. Tanimientres, a productora Susan Hoffman declaró posteriorment que la suya inspiración heba estau mas amanada en o tiempo: d'una man a novela In Cold Blood, de Truman Capote, y d'atra man un asasinato de l'anyo 2000 en que dos chóvens heban asasinau a dos profesors universitarios nomás que ta experimentar ixa emoción. Javier Ocaña: Asesinato... 1, 2, 3, en a revista Cinemanía, numero 102.
Casting Barbet Schroeder declaró que "yera entusiasmau en ufrir a Sandra Bullock un papel que revivise la tradición d'as damas duras y complexas d'os anyos 1940'". L'actriz, qui cobró 15 millons de dólars por a suya participación, sinyaló que "ye un d'ixos escasos papels que pagan a pena. La cinta tien una complexidat que no poseyen a mayor parte d'os guions que me ninvía lo mío achent". O director iraní afirmó que lo que li atrayó d'a historia estió que "son dos mocez de familia rica, que lo tienen absolutament todo y que tanimientres sienten a necesidat de matar, de fer danyo, i ixo planteya una inquietant incognita sobre la naturaleza humana y encara mas sobre las cheneracions chóvens, saturadas d'ocio y sin problemas reals a que entringuillar-se". Juan Moreno: Asesinato... 1-2-3 en Fotogramas, setiembre de 2002.
Ryan Gosling y Michael Pitt interpretan a los chóvens asasins. Gosling dició que "l'uno tien a bala y l'atro la pistola. Por separau no son periglosos pero cuan s'achuntan en una cambra y paran cuenta de que l'uno posee ixo que li falta a l'atro, la combinación ye explosiva". Pitt niega que bi haiga atracción sexual entre éls; "no creigo que ixo que bi ha entre éls sía sexual, ye millor un fuerte magnetismo, una compenetración brutal", deciba. Sandra Bullock, qui tamién en ye productora executiva, se mostró satisfeita con o resultado. "Ye lo que querebamos, una cinta entretenida con trasfondo social. O mío treballo como productora nomás consistió que en escullir un director adecuau y asegurar-me de que o guion se desembolicase en todo lo suyo potencial".
Rodache El rodaje escomencipió o 27 de febrero y s'estendilló dica lo 21 de mayo de 2001, en as localidaz californianas d'Altadena, Los Angeles, Los Osos, Morro Bay y San Luis Obispo. La casa en a ralla se debantó expresament construyida ta la cinta y l'espaldoron en rematar o rodache. As escenas que s'escayecen en a escuela teneban que filmar-se en l'instituto d'a localidat de San Luis Obispo, pero lo director d'o centro escolar cambió d'opinión en conoixer o conteniu d'o guión y tenioron que buscar un puesto alternativo.
Premios Premio Calendata Edición Categoría Premiau Notas Premios de l'Asociación de Criticos de Cine de Chicago Ganadors y nominaus d'os Premios de l'Asociación de Criticos de Cine de Chicago 2003 en a pachina web d'Internet Movie Database. 2003 15ena edición Nominau a lo Premio CFCA a lo Millor Actor Promesa Ryan Gosling Premios Young Artist Ganadors y nominaus d'os Premios Young Artist 2003 en a pachina web d'Internet Movie Database. 2003 24ena edición Nominada a lo Premio Young Artist a la Millor Actriz Segundaria Choven Agnes Bruckner
Criticas La critica ye dispar y bien luent d'a unanimidat, habendo criticas prou favorables pero tamién criticas negativas y mesmo criticas que combinan aspectos positivos con negativos.
Asinas, Lisa Schwarzbaum en Entertainment Weekly califica Murder by Numbers como "mediocre". Lisa Schwarzbaum: [https://web.archive.org/web/20130323034230/http://www.ew.com/ew/article/0%2C%2C231506%2C00.html Murder by Numbers], en Entertainment Weekly, 17 d'abril de 2002. Mark Caro, en o Chicago Tribune, afirmó o 20 de chulio de 2002 que "l'argumento de Murder by Numbers puet estar familiar pero lo director y Bullock fan un buen treballo en omplir-lo de color". Moira MacDonald escribió en o Seattle Times que "no bi ha maltreballo en Murder by Numbers, nomás s'escayece que ya hemos visto tot ixo d'antes mas". Moira MacDonald: Murder by Numbers' is a thriller without the thrills, en o Seattle Times, 19 d'abril de 2002. Omar Khan en Cinemanía deciba que "no parixe tener mas pretensions que d'entretener a novios aborrius una tardada de domingo". Omar Khan: Otro producto para que se luzca Sandra Bullock, en Cinemanía, setiembre de 2002.
Mike LaSalle, en o San Francisco Chronicle, deciba que: Mike LaSalle: Bullock's dark journey / Characters carry murder mystery, en o San Francisco Chronicle, 19 d'abril de 2002.
Israel Paredes en Sensacine diz que: Asesinato... 1-2-3. Crimen perfecto, en Sensacine:
Enrique Colmena en Criticalia.com diz que: Enrique Colmena: Asesinato... 1-2-3 (Murder by numbers). El impulso criminal de la soga, en Criticalia.com.
Se veiga tamién Cine en 2002. Cintas de 2002.
Referencias
Vinclos externos Murder by Numbers en Internet Movie Database. Web oficial de Murder by Numbers en a web de Warner Bros.. / Murder by Numbers en FilmAffinity. Murder by Numbers en Allcinema. Murder by Numbers en Sensacine. Murder by Numbers en Allmovie. Murder by Numbers en Allociné. Murder by Numbers en Rotten Tomatoes. Murder by Numbers en Box Office Mojo.
Categoría:Cintas ambientadas en California Categoría:Cintas con banda sonora orichinal de Clint Mansell Categoría:Cintas con dirección de fotografía de Luciano Tovoli Categoría:Cintas con guión de Tony Gayton Categoría:Cintas con montache de Lee Percy Categoría:Cintas d'Estaus Unius Categoría:Cintas de cine d'intriga Categoría:Cintas de cine policiaco Categoría:Cintas dirichidas por Barbet Schroeder Categoría:Cintas en anglés Categoría:Cintas interpretadas por Agnes Bruckner Categoría:Cintas interpretadas por Ben Chaplin Categoría:Cintas interpretadas por Chris Penn Categoría:Cintas interpretadas por Michael Pitt Categoría:Cintas interpretadas por R. D. Call Categoría:Cintas interpretadas por Ryan Gosling Categoría:Cintas interpretadas por Sandra Bullock Categoría:Cintas producidas por Barbet Schroeder Categoría:Cintas producidas por Richard Crystal Categoría:Cintas producidas por Susan Hoffman Categoría:Cintas rodadas en California