thumb|300px|Asma.
L' asma (d'o griego antigo ἆσθμα āsthma "manca d'alentada") u argolla, tamién dita plenura de peito u pretura de peito, ye una malotía inflamatoria a luengo plazo d'as vías respiratorias d'os polmons. Se caracteriza per simptomas variables y recurrents, obstrucción reversible d'o fluxo d'aire y broncoespasmos desencadenaus facilment. National Asthma Education and Prevention Program (2007). "Guidelines for the Diagnosis and Management of Asthma". National Heart Lung and Blood Institute. 2007, pp. 11–12 Os simptomas incluyen episodios de sibilancias, tos, opresión en o peito y dificultat pa alentar. Istos pueden ocurrir cualques vegadas a lo día u cualques vegadas a la semana. Seguntes a persona, os simptomas de l'asma pueden empiorar de nueiz u con l'exercicio.
Se creye que l'asma ye causau per una combinación de factors cheneticos y ambientals. Os factors ambientals incluyen la exposición a la contaminación de l'aire y los alerchenos. Atros desencadenants potencials incluyen medecinas como l'aspirina y los bloquiadors beta. Per un regular, o diagnostico se basa en o patrón d'os simptomas, a respuesta a lo tractamiento a lo largo d'o tiempo y las prebas de función polmonar per meyo d'espirometría. L'asma se clasifica seguntes a frecuencia d'os simptomas, o volumen espiratorio forzau en un segundo (FEV1) y la taxa de fluxo espiratorio maximo. Yawn BP (September 2008). "Factors accounting for asthma variability: achieving optimal symptom control for individual patients". Primary Care Respiratory Journal. 17 (3): 138–147. Tamién se puede clasificar como atopico u no atopico, an atopia se refiere a una predisposición a desarrollar una reacción d'hipersensibilidat tipo 1. Kumar V, Abbas AK, Fausto N, Aster J (2010). Robbins and Cotran pathologic basis of disease (8th ed.). Saunders. p. 688. .
No existe una cura conoixida pa l'asma, pero se puede controlar. Os simptomas pueden precaver-se privando los desencadenants, como los alerchenos y os irritants respiratorios, y suprimir-se con l'emplego de corticosteroides inhalaus. Se pueden fer servir agonistas beta d'acción alongada (LABA) u achents antileucotrienos amás d'os corticosteroides inhalaus si los simptomas de l'asma no se controlan. O tractamiento d'os simptomas que empioran rapidament gosa consistir en un agonista beta-2 d'acción breu inhalau, como salbutamol, y corticosteroides per vía oral. En casos muit grieus, ye posible que se requieran corticosteroides intravenosos, sulfato de magnesio y hespitalización.
En 2019, l'asma afectó alto u baixo a 262 millons de personas y causó a la raya de 461.000 muertes. A mayoría d'as muertes ocurrioron en o mundo en desarrollo. L'asma a ormino prencipia en a nineza, y las taxas han augmentau significativament dende a lo decenio de 1960. Anandan C, Nurmatov U, van Schayck OC, Sheikh A (February 2010). "Is the prevalence of asthma declining? Systematic review of epidemiological studies". Allergy. 65 (2): 152–67.
Referencias
Categoría:Malautías de l'aparato respiratorio