Iste ye un articlo sobre una cinta estausunidense de cine de suspenso de 1991; ta atros usos, se veiga Sleeping with the Enemy (desambigación).
Sleeping with the Enemy (títol orichinal en anglés, en aragonés Dormindo con l'enemigo; estrenada en Aragón con o títol en castellano de Durmiendo con su enemigo, Dormindo con o suyo enemigo en aragonés) ye una cinta de cine d'intriga psicolochico neo-noir dramatico de cine estausunidense de l'anyo 1991 dirichida por Joseph Ruben seguntes un guión adaptau por Ronald Bass basau en Sleeping with the Enemy, una novela de Nancy Price publicada en 1987. La Banda Sonora Orichinal ye obra de Jerry Goldsmith y la dirección de fotografía un treballo de John Lindley. Participan en a cinta, entre d'atros, os actors Julia Roberts, Patrick Bergin, Kevin Anderson y Elizabeth Lawrence.
A cinta s'ambienta en os anyos 1990 en Iowa y Massachusetts y se filmó en os estaus de Carolina d'o Norte y Carolina d'o Sud. S'estrenó en os cines d'Estaus Unius l'8 de febrero de 1991, en recebindo criticas negativas. Tanimientres, tenió prou exito de publico, en recaudar 175 millons de dólars frent d'os 19 millons que teneba de presupuesto. Antiparte, batió lo récord de recaudo ta una cinta con protagonista principal femenina en o suyo primer cabo de semana, con un recaudo de 13 millons de dólars, superando lo récord que dica l'inte teneba Aliens, con 10 millons.
Argumento Laura Burney ye una muller con una vida aparentment idilica con un matrimonio perfecto con Martin, un exitoso asesor d'inversions de Boston y vive en una polida casa chunto a la mar. Tanimientres, dezaga d'o exterior atractivo y escantador de Martin se troba en realidat una personalidat obsesiva y controladora que abusa fisicament, emocional y sexual de Laura mientres las cuatro anyadas que han pasau dende la suya voda; y dimpués d'abusar-ne, la banya y la cubre con flors y regalos.
Bel día Martin accepta la invitación d'un d'os suyos vecins, un medico, ta navegar una nueit con o suyo barco, encara que sabe que Laura tien acuafobia, ye decir, que li fa cera l'augua. Mientres a navegación nocturna esclata una tronada y Martin y o medico luitan ta mantener o barco a flote. Laura desaparixe en a mar dimpués d'una ola, aparentment incapable de nadar. Encara que a Coast Guard rechira la mar, no troban o suyo cadavre y finalment consideran que ha muerto afogada en a mar. Martin s'amuestra desconhortau con a suya perdida.
Sindembargo, Laura no ha muerto, so que ye viva. Secretament, Laura aprendió a nadar superando la suya fobia a l'augua y planeyó finchir la suya muerte aproveitando la tronada ta fuyir d'os abusos de Martin. Nadó dica la placha debant d'a suya casa y en dentrar talló lo suyo cabello, se ponió una peluca, pilló os diners que teneba escondius y marchó enta la gara d'autobús ta dirichirse enta Cedar Falls, en Iowa. Li heba dito a Martin que Chloe, su mai, heba muerto; pero en realidat su mai, encara que con ceguera y con un derrame cerebral, ye viva y Laura l'ha levau enta una residencia en Iowa amán de Cedar Falls en preparación d'a suya propia fuchida.
En plegar en Cedar Falls, Laura refa la suya vida. Adopta un nuevo nombre, Sara Waters, loga una casa y troba un treballo. Bien luego lo suyo nuevo vecín, Ben Woodward, un profesor de teatro d'a escuela local, siente atracción por Laura y finalment tienen una cita, pero cuan preba un acercamiento fisico, Laura / Saura lo refusa y li diz que marche. Ben para cuenta que Laura amaga bel pasau problematico y finalment Laura li confiesa que heba fuyiu d'un matrimonio a on padeixeba abusos.
Casualment Martin troba en a suya casa bellas pistas que li fan sospeitar que Laura ye viva. Y ixo se confirma cuan troba en o ixauguadero l'aniello de voda de Laura, que ella heba aventau por o WC. Marcha enta l'asilo a on yera internada la mai de Laura ta prebar de trobar-ie bella pista sobre Laura pero en l'asilo li dicen que la mai no heba muerto, so que Laura la heba portau enta la suya casa con o suyo mariu. Decide contractar uns detectives y finalment troba la pista d'o nuevo asilo de Chloe. Cuan pregunta en o nuevo asilo, li dicen que un choven acaba de visitar a Chloe y Martin comprende que ixe choven ye la propia Laura. Investigando finalment troba la residencia de Laura y tamien conoix a existencia de Ben, qui mica en mica ye repuntando la suya relación con Laura. En aproveitando l'ausencia de Laura, Martin dentra en a casa y deixa pistas que fará que Laura veiga que él l'ha trobau ta que experimente terror en asperando-lo. Y finalment se presenta debant de Laura ta castigar-la por a suya fuyida.
Elenco Sleeping with the Enemy en Internet Movie Database. Actor Papel Notas Julia Roberts Laura Burney / Sara Waters Patrick Bergin Martin Burney Kevin Anderson Ben Woodward Elizabeth Lawrence Chloe Williams Kyle Secor Fleishman Claudette Nevins Dr. Rissner Tony Abatemarco Locke Marita Geraghty Julie Harley Venton Garber Nancy Fish Muller an l'autobús Sandi Shackelford Edna Bonnie Johnson Mrs. Nepper Graham Harrington Mosén John Ward Estudiant en o teatro Sharon J. Robinson Enfermera Sharon John Lindley No acreditau Patt Noday Mesache en o parque d'atraccions No acreditau Ron Reedy Medico No acreditau
Premios Premio Calendata Edición Categoría Premiau Notas Premios BMI 1992 BMI a la Millor Banda Sonora Jerry Goldsmith Premios YoGa / Ganadors d'a 3era edición d'os Premios YoGa en a web oficial d'os premios. 1992 3era edición YoGa a la Pior Cinta Forana Sleeping with the Enemy Premios Saturn 1992 18ena edición Nominada a lo Saturn a la Millor Cinta de Terror Sleeping with the Enemy 1992 18ena edición Nominada a lo Saturn a la Millor Actriz Julia Roberts 1992 18ena edición Nominau a lo Saturn a lo Millor Actor Segundario Patrick Bergin 1992 18ena edición Nominau a lo Saturn a la Millor Banda Sonora Orichinal Jerry Goldsmith
Critica En estrenar-se la cinta, remató con as doce semanas que portaba estando Home Alone la cinta con mas recaudo. Pat H. Broeske: Weekend Box Office: "Sleeping", "L.A." Knock "Home" Out, en Los Angeles Times. En total, recaudó 101,599.005 dólars en Estaus Unius y 73,400.000 dólars mas en o resto d'o mundo, estando asinas un exito por o suyo recaudo. En o Reino Uniu s'estrenó o 12 d'abril de 1991 y en o primer cabo de semana yera en segunda posición dezaga de Highlander II: The Quickening, continando en segunda posición en o siguient cabo de semana.
Tanimientres, a critica especializada no estió tan favorable. Asinas, Roger Ebert comentaba que: Roger Ebert: Sleeping with the Enemy, 8 de febrero de 1991.
En SensaCine, Eulàlia Iglesias diz que: Eulàlia Iglesias: Durmiendo con su enemigo. Me casé con un psicópata, en SensaCine.
Se veiga tamién Cine en 1991. Cintas de 1991.
Referencias
Vinclos externos Sleeping with the Enemy en Internet Movie Database. / Sleeping with the Enemy en FilmAffinity. Sleeping with the Enemy en Rotten Tomatoes. Sleeping with the Enemy en AllMovie. Sleeping with the Enemy en Box Office Mojo. Sleeping with the Enemy en Allociné.
Categoría:Cintas ambientadas en Iowa Categoría:Cintas ambientadas en Massachusetts Categoría:Cintas ambientadas en os anyos 1990 Categoría:Cintas con banda sonora orichinal de Jerry Goldsmith Categoría:Cintas con dirección de fotografía de John Lindley Categoría:Cintas con guión de Ronald Bass Categoría:Cintas con montache de George Bowers Categoría:Cintas d'Estaus Unius Categoría:Cintas de cine de drama Categoría:Cintas de cine d'intriga Categoría:Cintas dirichidas por Joseph Ruben Categoría:Cintas en anglés Categoría:Cintas interpretadas por Elizabeth Lawrence Categoría:Cintas interpretadas por Julia Roberts Categoría:Cintas interpretadas por Kevin Anderson Categoría:Cintas interpretadas por Patrick Bergin Categoría:Cintas producidas por Leonard Goldberg Categoría:Cintas rodadas en Carolina d'o Norte Categoría:Cintas rodadas en Carolina d'o Sud