Antonio Tejero Molina (Alhaurín el Grande, Malaga, 1932 - Alchecira, Valencia, 25 de febrero de 2026), ex-tenient coronel d'a Guardia Civil, estió un d'os prencipals capitostes d'a prebatina de golpe d'estato d'o 23 de febrero de 1981 en Espanya, popularment conoixito como 23-F.
Ya lo procesoron en 1979 per una prebatina de golpe d'estato conoixita como Operación Galaxia. Per este feito fue condenato a siet meses en a garchola.
A tardi d'o 23-F, a o mando de bels 200 guardias civils asaltó o Congreso d'os Deputatos, que en l'inte celebraba a sesión d'investidura como president d'o Gubierno de Leopoldo Calvo Sotelo. Secuestró a toz os deputatos dica as 10 d'o maitín d'o 24 de febrero de 1981, cuan s'entregó dezaga d'a prebatina fallita de golpe d'estato.
Fue procesato y engarcholato, permaneixendo en a garchola d'Alcalá de Henares dica o 2 d'aviento de 1996 cuan salió en libertat condicional. Dende setiembre de 1993 ya yera en rechimen ubierto. En 1982 organizó dende a garchola un efimero partito politico d'estrema dreita ta presentar-se a las eleccions chenerals; Solidaridad Española, que disapareixió dezaga d'istas debito a os suyos malos resultatos.
Lo facioron fuera d'a Guardia Civil y vivió posteriorment entre Madrit y Alhaurín de la Torre; escribindo en os suyos zaguers anyos bellas cartas a o director d'o diario Melilla Hoy criticando o estatuto de Catalunya. Morió o 25 de febrero de 2026 en Alchecira.
Vinclos externos
Categoría:Alumnau de l'Academia Cheneral Militar Categoría:Militars d'Espanya Categoría:Muertos en Alchecira (Valencia) Categoría:Naixius d'Alhaurín el Grande Categoría:1932 (naixencias) Categoría:2026 (muertes)