Daniel Mann (nombre artistico de Daniel Chugerman, naixiu de Nueva York (Estau de Nueva York, Estaus Unius) l'8 d'agosto de 1912 y muerto en Los Angeles (California, Estaus Unius) o 21 de noviembre de 1991, estió un director cinematografico y director teatral estausunidense, formau en a Neighborhood Playhouse d'a suya ciudat natal y activo en o teatro dende nino y dimpués en o cine estausunidense, en iste zaguero dende principios d'os anyos 1950. Mientres a suya carrera como director recibió cuantas nominacions y dirichió a destacaus actors como Burt Lancaster, Shirley Booth, Susan Hayward, Marlon Brando, Elizabeth Taylor, Dean Martin u Anthony Quinn.
Destacó en dirichir cintas con guions adaptaus d'obras teatrals, y en a suya filmografía como director cal destacar cintas como Come Back, Little Sheba (1952, con Burt Lancaster, Shirley Booth, Terry Moore y Richard Jaeckel), I'll Cry Tomorrow (1955, con Susan Hayward, Richard Conte, Eddie Albert, Margo y Jo Van Fleet), The Teahouse of the August Moon (1956, con Marlon Brando, Glenn Ford, Machiko Kyō, Eddie Albert, Paul Ford y Harry Morgan), The Mountain Road (1960, con James Stewart, Lisa Lu y Glenn Corbett), For Love of Ivy (1968, con Sidney Poitier, Abbey Lincoln, Beau Bridges, Nan Martin, Lauri Peters y Carroll O'Connor), u The Revengers (1972, con William Holden, Ernest Borgnine, Woody Strode, Roger Hanin y Susan Hayward).
Filmografía Daniel Mann en Internet Movie Database. Anyo Títol d'a cinta Productor Guionista Reparto Atros1929 '<ref> [ '] en IMDb.</ref>
References
Vinclos externos Daniel Mann en Internet Movie Database. Daniel Mann en Find a Grave. Daniel Mann en a Encyclopedia Britannica.
Categoría:Directors cinematograficos d'Estaus Unius Categoría:Directors teatrals d'Estaus Unius Categoría:Muertos en Los Angeles Categoría:Naixius de Nueva York Categoría:1912 (naixencias) Categoría:1991 (muertes)