Jusepe Ximénez u José Ximénez, naixiu de Tudela (Navarra) alto u baixo en 1600 y muerto en Zaragoza (Comarca Central, Aragón) o 9 d'agosto de 1672, estió un organista y compositor barroco espanyol disciplo d'Aguilera d'Heredia y tío d'Andrés de Sola.
Ximénez fácil que empecipiase la suya carrera musical en Tudela, mesmo que lo suyo chirmán Melchor Ximénez, qui treballó d'organista en a suya ciudat natal. Jusepe se tresladó antis de 1619 enta Zaragoza ta fer-se infant en o coro d'a Seu, estando-ne alumno d'Aguilera d'Heredia. Con deciueito anyadas se convertió en aduyant d'organista en a Seu a petición d'Heredia, dimpues d'a muerte de Diego Gascón, qui ocupaba ixe puesto dica l'inte. O prestichio d'Heredia permitió que lo capítol acceptase la decisión d'esleyir a lo millor escolano ta lo puesto y no fer-lo per oposición. En 1625 consiguió lo puesto a perpetuidat, en a mesma anyada en que s'ordenó sacerdote.
En morir Aguilera en 1627, y dimpués de ueito anyadas como segundo organista, se convertió en l'organista prencipal, permaneixiendo-ne en o puesto mientres 45 anyadas, dica la suya muerte en 1672. A l'igual que s'heba escaiciu con Aguilera, Ximénez podió esleyir succesor, estando l'afortunau o suyo sobrino Andrés de Sola.
Vinclos externos Jusepe Ximénez en a Gran Enciclopedia de Navarra. Jusepe Ximénez en a Enciclopedia Auñamendi.
Categoría:Compositors de Navarra Categoría:Compositors d'o Barroco Categoría:Muertos en Zaragoza Categoría:Musicos d'o Barroco Categoría:Naixius de Tudela Categoría:Organistas de Navarra Categoría:1600 (naixencias) Categoría:1672 (muertes)