A consonant fricativa bilabial sonora ye un tipo de soniu consonantico emplegau en bellas luengas parladas.
En aragonés, iste fonema puet trobar-se como alofono d'a consonant oclusiva bilabial sonora (que s'escribe como b, v y a vegadas w) Ortografía de l'aragonés. AAL. Manimenos, l'alofono mas común ye l'aproximant bilabial; tanto l'aproximant como a fricativa apareixen cuan o fonema se troba entre vocals u dezaga d'una consonant que no siga nasal, como por eixemplo en "lavar", "la vaca", "alba" u "beber". L'alofono fricativo se da mas que mas en a parla enfatica, lo habitual ye l'alofono aproximant. Istos alofonos nunca no apareixen a o principio d'una palabra.
A consonant aproximant bilabial, se diferencia d'a fricativa bilabial en que os labios no se tocan ni se produce a estridencia tipica d'una consonant fricativa. Os sonius aproximants se diferencian en transcripción fonetica adhibindo-ie o diacritico " ̞". Asinas, crompaba se transcribe como [kɾo̞m'paβ̞a]
Simbolo En l'Alfabeto Fonetico Internacional, a fricativa bilabial sonora se representa con a grafía beta (β), que proviene de l'alfabeto griego. L'idioma griego moderno poseye ista grafía, pero ya no sona como una fricativa bilabial sonora, sino como una fricativa labiodental sonora. Iste cambio apareixió por contaminación fonetica por parti d'o latín, talment debiu a la influyencia de l'Imperio Romano.
Caracteristicas Ye una consonant fricativa, lo que significa que parti d'o suyo soniu ye produciu por una turbulencia d'aire; no nomás con as cuerdas vocals. Ye un fonema sonoro, lo que significa que as cuerdas vocals vibran mientres l'articulación d'o fonema. Ye un fonema central, lo que significa que l'aire fluye por dencima d'a luenga; no por os cantos de ella. Ye una consonant bilabial, lo que significa que, pa a suya articulación, nomás s'embrecan os labios.
Presencia En aragonés En aragonés, como en atras luengas vecinas, existe iste soniu, pero no tien caracter de fonema, sino que se considera un alofono u variant d'a oclusiva bilabial sonora. O soniu fricativo gosa apareixer dimpués de fricativas y entre vocals.
Eixemplos en diferents luengas Idioma Palabra AFI Significau Notas Alemán aber pero Se veiga fonetica de l'alemán Portugués sábado sabado Se veiga fonetica d'o portugués Turco vücut cuerpo Se veiga fonetica d'o turco
Se veiga también Beta Aproximant bilabial sonora Oclusiva bilabial sonora
Referencias
Bilabial sonora Categoría:Consonants bilabials Categoría:Consonants sonoras Categoría:Fonemas de l'aragonés