Eduardo Martín Bandrés Moliné (Erla, Zaragoza, 11 de noviembre de 1957) ye un politico aragonés, catedratico d'Economía Aplicada d'a Universidat de Zaragoza dende 1996. Ye director d'Economía Publica y Bienestar de Funcas y editor d'a revista "Cuadernos de Información Económica". Amás, ye tresorero d'a Federación Espanyola de Fútbol.
Biografía Doctor en Ciencias Economicas y Empresarials. Academico correspondient d'a Reyal Academia de Ciencias Morals y Politicas.
En as I (1983-1987) y VI (2003-2006) lechislaturas estió deputau por o PSOE en as Corz d'Aragón, estando tamién Consellero d'Economía, Hicienda y Emplego d'o Gubierno d'Aragón entre 1999 y 2003.
Dende o 20 de chunio de 2006 dica o 30 d'aviento de 2009 estió president executivo y profesional d'o Real Zaragoza, prenendo o releu d'Alfonso Soláns Soláns, dimpués de que o empresario soriano Agapito Iglesias crompara a mayoría d'as accions d'o club. A dimisión se produció mientres o tercer anyo de mandato y o suyo succesor estió o propio Agapito Iglesias. Dimite Eduardo Bandrés, presidente del Zaragoza. El País.com, 30 d'aviento de 2009
A suya actividat academica y investigadora s'ha orientau mas que mas a l'ambito d'a Economía Publica, fendo especial atención en as custions relacionadas con o gasto publico, a distribución de la renta y o estau d'o bienestar. Ha publicau a-saber-los artíclos en revistas cientificas nacionals y internacionals, asinas como cuantos libros individuals y colectivos. Actualment ye director d'Economía Publica y Bienestar de Funcas y editor d'a revista "Cuadernos de Información Económica". Eduardo Bandrés Moliné, Autor en Funcasblog. blog.funcas.es
Ha feito parti d'a chunta directiva d'a RFEF dende octubre de 2006 dica febrero de 2017 y actualment ye o suyo tresorero. Eduardo Bandrés, tesorero de la Federación Española en la directiva de Rubiales. Heraldo de Aragón
Referencias
Categoría:Catedraticos d'Aragón Categoría:Catedraticos d'a Universidat de Zaragoza Categoría:Consellers d'Economía d'a Deputación Cheneral d'Aragón Categoría:Consellers d'Hicienda d'a Deputación Cheneral d'Aragón Categoría:Deputaus en as Corz d'Aragón por a circumscripción electoral de Zaragoza Categoría:Deputaus d'a I Lechislatura d'as Corz d'Aragón Categoría:Deputaus d'a VI Lechislatura d'as Corz d'Aragón Categoría:Economistas d'Aragón Categoría:Naixius d'Erla Categoría:Presidents d'o Real Zaragoza Categoría:Primer Gubierno Iglesias Categoría:Segundo Gubierno Iglesias Categoría:Politicos d'Aragón Categoría:Politicos d'o Partido de los Socialistas de Aragón Categoría:1957 (naixencias)