José María Hernández de la Torre y García (Zaragoza, 1940 - 11 de noviembre de 2018 Fallece el expresidente Hernández de la Torre) estió un avogau y politico aragonés.
Biografía Naixiu de Zaragoza en 1940, yera licenciau en Dreito, Filosofía y Letras y Ciencias Politicas. Fació oposicions pa dentrar en o Cuerpo Cheneral Tecnico de l'Administración Civil d'o Estau y en 1966 s'incorporó a o Districto Forestal de Avila, y posteriorment a la Secretaría Cheneral d'a Delegación d'Agricultura d'a mesma provincia. Dende 1971 estió Secretario Cheneral d'a Delegación d'Información y Turismo de Uesca. En 1974 treballó en os inicios d'a Universidat de Cantabria, ocupando o puesto de cherent.
En 1982 fa parti como politico independient d'o primer gubierno autonomico d'Aragón, presidido por Gaspar Castellano, en o que ye nombrau Consellero de Gubernación BOA 16 d'octubre de 1982. Dimpués de dimitir o Presidente o 26 de noviembre de 1982, se fa cargo d'a Presidencia en funcions, dica a investidura en aviento d'ixe mesmo anyo de Juan Antonio de Andrés.
Dimpués de deixar o gubierno torna a la suya actividat profesional, desempenyando cuantos cargos en l'Administración d'a Comunidat Autonoma, como a Dirección cheneral d'a Función Publica u a dirección de l'Instituto Aragonés d'Administración Publica, encargau d'a selección y formación d'os funcionarios.
Publicó a-saber-los artíclos sobre temas de dreito administrativo, asinas como tamién cuantos libros de poesía.
Referencias
Se veiga tamién Segundo Gubierno Castellano
Vinclos externos In memoriam: José María Hernández de la Torre
Categoría:Avogaus d'Aragón Categoría:Politicos d'Aragón Categoría:Presidents d'a Deputación Cheneral d'Aragón Categoría:Consellers de Presidencia d'a Deputación Cheneral d'Aragón Categoría:Segundo Gubierno Castellano Categoría:Naixius de Zaragoza Categoría:Muertos en Zaragoza Categoría:1940 (naixencias) Categoría:2018 (muertes)