Os anapsidos (, en latín) son una subclase de vertebraus sauropsidos ya extintos que se caracteriza porque no teneban garra fenestra parietal en o cranio dezaga d'as cuencas oculars.
Etimolochicament, o nombre d'iste grupo se forma con o prefixo a(n)- que significa "no" y αψιδως «hápsidos», que significa "arco" u "vuelta". Conque os anapsidos son «os que no tienen arcos» u «no tienen vueltas» en a capeza.
Formaban una d'as tres brancas mayors d'os amniotas en chunto con os sinapsidos y os diapsidos, estando a unica d'as tres en extinguir-se de raso. Lo mas probable ye que no pasasen d'a extinción masiva d'o Permico-Triasico, por lo que la suya existencia habría quedau de tot limitada con a era Paleozoica.
Buens tiempos se pensó que as tortugas (Testudines) yeran parte d'os anapsidos porque no i hai fenestras cranials en as capezas d'ellas, pero os troballos paleontolochicos que s'ha iu fendo han rematau demostrando que en verdat son diapsidos que las han perdidas dimpués, entre o suyo proceso evolutivo.
Se veiga tamién
Amniota. Sauropsida. Pantestudines.
Enlaces externos
*