Samuel Goldwyn u Samuel Goldfish y naixiu como Szmuel Gelbfisz de Varsovia, Polonia, Imperio ruso o 17 d'agosto de 1879 y muerto en Los Angeles o 31 de chinero de 1974 estió un productor de cine estausunidense d'orichen chudeopolaco.
Estió o pai d'o tamién productor Samuel Goldwyn, Jr. y agüelo de l'actor Tony Goldwyn.
Estió fundador de cuantas productoras entre as que destaca a cofundación, chunto a o suyo cunyado Jesse L. Lasky, Cecil B. DeMille y Arthur Friend d'a The Jesse L. Lasky Feature Play Company, que dimpués se fusionó con Famous Players Film Company d'a cual surtió a Famous Players-Lasky Corporation integrando-se ista a la fin en Paramount Pictures Corporation. Per discrepancias con a dirección d'a Paramount sale d'a companyía y s'asocia con os chirmans Edgar y Archibald Selwyn productors de Brodway, pa fundar Goldwyn Pictures, fendo un mezclayo d'os dos apellius (Goldfish y Selwyn). Samuel aprofita esta oportunidat pa cambiar o suyo apelliu de forma legal pa pasar a decir-se Samuel Golwyn definitivament mientres a resta d'a suya vida, nombre con o cual ye mas conoixiu. A presentación d'as cintas producidas per Goldwyn Pictures se feba con un lión, conoixiu posteriorment como o "Lión d'a Metro" per o cual se le recuerda encara en l'actualidat. En l'anyo 1924 o empresario Marcus Loew compra Goldwyn Pictures y la fusiona con Metro Pictures Corporation, que a la suya vegada heba mercau en 1920, orichinando Metro-Goldwyn-Mayer. Paradoxalment ni Golwyn ni Louis B. Mayer estioron parte d'a dirección d'a empresa encara que o nombre d'a productora incluye os suyos apellius.
Bibliografía Arthur Marx: Goldwyn. A Biography of the Man Behind the Myth. Norton, Nueva York 1976, . Andrew Scott Berg, Sam Goldwyn : La Légende d'Hollywood, traducción a lo francés per Georges Goldfayn.
Se veiga tamién Cintas producidas por Samuel Goldwyn.
Vinclos externos
Samuel Goldwyn en IMDb.
Categoría:Productors cinematograficos d'Estaus Unius Categoría:Empresarios d'Estaus Unius Categoría:Naixius de Varsovia Categoría:Muertos en Los Angeles Categoría:1879 (naixencias) Categoría:1974 (muertes)