Luisa María Noeno Ceamanos (Almonecir de la Sierra, 1953) ye una politica aragonesa d'o Partido de los Socialistas de Aragón (PSOE-Aragón). Entre os anyos 2004 y 2011 estió consellera de Salut y Consumo d'o Gubierno d'Aragón'.
Biografía Luisa María Noeno ye Graduada Social y diplomada en Ciencias Socials. Obtenió a licenciatura en Filosofía y Letras por a Universidat de Zaragoza y, dimpués, se formó especificament en l'ambito de l'Administración sanitaria, obtenendo o títol de Dirección d'hespitals por a Escuela Nacional de Sanidat, en Dirección financiera en a Escuela de Negocios d'a CAI y máster en Administración sanitaria por l'Instituto Carlos III de Madrit. Los socialistas Velasco, Noeno, Almunia, Larraz y Arguilé reciben a Alfonso Vicente, Broto y Fernández en el Gobierno. El Periódico de Aragón, 2007
A suya trachectoria profesional prencipia en 1969. Dica l'actualidat ha ocupau cuantas responsabilidaz administrativas en os hespitals Sant Chuan de Dios y Clinico Universitario de Zaragoza, estando secretaria en os dos hespitals. En 1989, estando cherent Alberto Larraz obtenió a plaza de tecnico d'a Función administrativa en Institucions Sanitarias y, entre 1988 y 1991, baixo as órdens d'Alberto Larraz plegó a o puesto de libre designación subdirectora de Chestión y Servicios Chenerals d'o Hespital Clinico Universitario. O Sindicato de Medicos SIMA, miembro d'a CESM le pagó os viajes a Madrit con obchecto d'esfender o suyo sueldo en a mesa negociadora d'a integración d'os clinicos; ella yera oficial administrativa, categoría inexistent en l'Insalud por lo que habió d'integrar-se-ie como Administrativa (secretaria). Como secretaria (administrativa) d'a Mesa Provincial d'Integración de Zaragoza, en 1988 tamién fació parti d'o proceso d'integración d'o Hespital Clinico Universitario en l'Insalud. Gobierno de Aragón. Organigrama. Gobierno de Aragón, 2008
En o periodo comprendiu entre 1991 y 1999 o cherent Alberto Larraz la nombró directora de Chestión y Servicios Chenerals d'o Hespital Clinico, coordinando a suya remodelación integral. En 1999 Alberto Larraz la nombró secretaria cheneral tecnica d'o departamento de Salut, Consumo y Servicios Socials. En febrero de 2002 o consellero de Sanidat Alberto Larraz la designó directora cherent d'o Hespital Miguel Servet de Zaragoza y, en octubre de 2003, cherent d'o Sector de Salut Zaragoza 2''. O zaguer nombramiento a propuesta d'Alberto Larraz como consellera de Sanidat d'Aragón, cargo que ocupó mientres a resta d'ixa lechislatura y a siguient, se produció en chunio de 2007.
Se veiga también Deputación General d'Aragón Servicio Aragonés de Salut
Referencias
Categoría:Alumnos d'a Universidat de Zaragoza Categoría:Naixius d'Almonecir de la Sierra Categoría:Consellers de Sanidat d'a Deputación Cheneral d'Aragón Categoría:Politicos d'Aragón Categoría:Segundo Gubierno Iglesias Categoría:Tercer Gubierno Iglesias Categoría:Politicos d'o Partido de los Socialistas de Aragón Categoría:1953 (naixencias)