Fernando Gimeno Marín (Chaca, 1949) ye un funcionario de l'Administración Cheneral d'o Estau y politico aragonés. Estió Consellero d'Hicienda y Administración Publica d'Aragón entre 2015 y 2019 en o primer gubierno d'o socialista Javier Lambán. D'antis mas estió vicealcalde d'o concello de Zaragoza Ficha de Fernando Gimeno Marín. Concello de Zaragoza y deputau en o Congreso mientres cinco mandatos. Ficha de Gimeno Marín, Fernando. Congreso de los Diputados
Biografía Licenciau en Dreito por a Universidat de Barcelona, ye inspector de treballo y seguridat social de l'Administración Cheneral d'o Estau. En l'ambito politico, ye miembro d'o Partido Socialista Obrero Español (PSOE), formación con la que concurrió y obtenió escanyo a o Congreso d'os Deputaus por a circunscripción de Zaragoza en as eleccions chenerals de 1982, 1986, 1989, 1993 y 1996. En a suya actividat como parlamentario, estió vocal d'a Comisión de Politica Social y Emplego en cuatre d'os cinco mandatos, estió vicepresident d'a Comisión Mixta de relacions con o Tribunal de Cuentas en a VI Lechislatura, estió ponent d'as ponencias de deciséis prochectos de lei (entre os que se trobaban cuantos de presupuestos chenerals, o de creyación d'o Consello Economico y Social y a lechislación sobre cooperativas), asinas como en dos proposicions de lei.
Mas tardi estió concellero d'o Concello de Zaragoza, a on ocupó cuantas responsabilidaz dende 2007, entre as que destaca haber estau vicealcalde d'o municipio dica chunio de 2015.
Dimpués d'as eleccions de mayo de 2015, pasó d'o Concello de Zaragoza a la Deputación Cheneral d'Aragón, pa exercer como Consellero d'Hicienda y Administración Publica d'Aragón baixo a presidencia de Javier Lambán. Vicente Guillén, consejero de Presidencia, y Fernando Gimeno llevará la cartera de Hacienda. Heraldo de Aragón, 5 de chulio de 2015 Posteriorment, dimpués d'as eleccions de 2019 fue sustituyiu en o cargo por o tamién socialista Carlos Pérez Anadón. Lambán apela a la ejemplaridad de un gobierno diverso y comprometido con Aragón. Heraldo de Aragón, 7 d'agosto de 2019
Referencias
Categoría:Avogaus d'Aragón Categoría:Concellers d'o Concello de Zaragoza Categoría:Consellers d'Hicienda d'a Deputación Cheneral d'Aragón Categoría:Deputaus d'a II Lechislatura d'o Congreso d'os Deputaus Categoría:Deputaus d'a III Lechislatura d'o Congreso d'os Deputaus Categoría:Deputaus d'a IV Lechislatura d'o Congreso d'os Deputaus Categoría:Deputaus d'a V Lechislatura d'o Congreso d'os Deputaus Categoría:Deputaus d'a VI Lechislatura d'o Congreso d'os Deputaus Categoría:Deputaus en o Congreso d'os Deputaus por a provincia de Zaragoza Categoría:Primer Gubierno Lambán Categoría:Naixius de Chaca Categoría:1949 (naixencias)