A ilesia de Sant Felipe y Sant Chaime o Menor de Zaragoza ye una ilesia barroca que se troba en Zaragoza (Aragón). Se troba en a plaza de Sant Felipe y ye adedicada a os apóstols Sant Felipe y Sant Chaime o Menor.
Historia Prencipió a construyir-se en 1686 por iniciativa d'os marqueses de Villaverde, sustituyindo a atra ilesia menor que s'heba quedau chicota. Os marqueses, que viviban en un palacio adchacent, o mesmo que ocuparían os contes d'Argillo dimpués, cedioron o terreno y parti d'os diners necesarios pa a construcción con a condición de tener acceso directo dende a suya casa. En 1752 Ventura Rodríguez intervino, modernizando l'edificio en estilo clasicista. A ilesia no se remató dica meyaus d'o sieglo XVIII.
Descripción En l'exterior destaca a portalada, flanqueada por dos columnas salomonicas esculpidas en piedra negra de Calatorau y rematada por una fegura de Santa Helena y un relieu d'a Eucaristía.
L'interior ye de tres naus, con un atrio y o coro a os piez. A nau central ye decorada con tallas policromadas de nueu apóstols realizadas por José Ramírez de Arellano, que amás s'encargó d'o pulpito dorado y d'o retablo mayor, con as tallas tamién policromadas d'os dos santos titulars. O colechio apostolico se completa en l'altar a os piez d'a nau d'o canto de l'Evanchelio con as feguras, tamién policromadas, de Sant Simón y Sant Chudas Tadeu. As capiellas presentan a-saber-los retablos barrocos. Tamién resulta interesant un templete neoclasico en a nau dreita, en a que se troba un Ecce Homo d'aire flamenco posau y no ligau a la columna. Destaca tamién o baldaquino a imachen d'o de Sant Pero de Roma, encara que de menor grandaria, como ye de dar.
D'antes mas, en o primitivo templo, teneba un retaulo mayor, hue desapareixiu, que s'establió por contracto como modelo ta lo retaulo mayor d'a ilesia de Santa María Malena de Tudela, treballo subhastau en 1551 y rematau en 1556. O retaulo desapareixiu yera obra de Juan de Moreto y Juan Picart, y s'heba contractau en l'anyo 1525.
Se veiga tamién Cofradía de Jesús de la Humillación, María de la Amargura, San Felipe y Santiago el Menor naixida de miembros d'a Real Cofradía del Santísimo Rosario de Nuestra Señora del Pilar
Bibliografía 100 motivos para enseñar tu ciudad. Conoce la Zaragoza monumental pasquín editau por o Concello de Zaragoza Guía histórico-artística de Zaragoza. Guillermo Fatás, (coord.), Concello de Zaragoza (Servicio d'acción cultural), 19913. . Guía total. Zaragoza. Pascual Izquierdo, Madrid: Anaya, 2006. . Zaragoza: guía de arquitectura / an architectural guide, José Laborda Yneva, Zaragoza, Caja de Ahorros de la Inmaculada de Aragón, D.L. 1995, .
Vinclos externos Ficha en gcatholic.org
Felipe y Chaime o Menor Felipe y Chaime o Menor de Zaragoza Felipe y Chaime o Menor de Zaragoza Felipe y Chaime o Menor de Zaragoza Felipe y Chaime o Menor de Zaragoza Felipe y Chaime o Menor de Zaragoza Zaragoza Zaragoza Felipe y Chaime o Menor de Zaragoza