Iste articlo ye sobre una cinta de cine d'aventuras colonials de cine estausunidense de l'anyo 1953; ta atros usos, se veiga King of the Khyber Rifles.
King of the Khyber Rifles (títol orichinal en anglés, en aragonés King d'os Fusilers de Khyber, estrenada en Aragón con o títol en castellano d'El capitán King, en aragonés O capitán King) ye una cinta de cine estausunidense de cine d'aventuras (d'o subchenero d'aventuras colonials) de tipo romantico de l'anyo 1953 dirichida por Henry King seguntes un guión adaptau por Ivan Goff y Ben Roberts (basau en una historia de Harry Kleiner basada a la vegada en a novela King of the Khyber Rifles publicada por Talbot Mundy en 1916, y sobre la cual ya s'heba basau a cinta The Black Watch dirichida por John Ford en 1929). A dirección de fotografía de King of the Khyber Rifles ye un treballo de Leon Shamroy, estando la suya banda sonora orichinal compuesta por Bernard Herrmann y contando con una producción cinematografica de Frank P. Rosenberg ta la productora cinematografica 20th Century Fox. Fan parte de l'elenco d'a cinta, en os suyos papels principals, os actors Tyrone Power, Terry Moore, Michael Rennie, Murray Matheson, Gavin Muir, John Justin, Richard Wyler, John Farrow, Guy Rolfe, Frank DeKova, Argentina Brunetti y Sujata.
Alan King ye un capitán d'o exercito britanico en o Raj Britanico en l'anyo 1857, formau en a Reyal Academia Militar de Sandhurst en o Reino Uniu. Cuan marcha enta lo suyo destino como capitán en una guarnición en a Provincia d'a Muga Nord-Ueste un afridi desertor d'as filas d'o rebel musulmán Karram Khan lo salva mientres un ataque d'os rebels encara que los companyers d'o capitán no quereban fer caso de l'advertencia d'o desertor sobre un ataque inminent. Cuan os companyers de King conoixen que ye un mestizo en estar su mai una india musulmana y su pai un britanico, ye obchecto de discriminacions y menosprez. O comandant d'a guarnición, o cheneral Maitland, conoix que King heba conoixiu de nino a lo rebel Karram Khan y li encomenda d'entrenar a las tropas nativas de Caballería, a la vegada que la filla d'o cheneral, Susan Maitland, s'enamora de King.
A cinta s'ambienta en 1857 mientres o Raj Britanico en l'actual provincia de Khyber Pakhtunkhwa en Pakistán, y las suyas escenas se filmoron en o rancho Iverson y bellas atras localidaz en California, amás d'en exteriors en a India. Localizacions de King of the Khyber Rifles en Internet Movie Database.
King of the Khyber Rifles recibió bellas noinacions a premios cinematograficos, pero garra d'ellas perteneixe a los premios mas conoixius. D'atra man, o nombre d'os Fusilers de Khyber fa referencia a lo paso Khyber, que connecta Afganistán con l'actual Pakistán en trescruzando la cordelera de Safed Koh.
Elenco King of the Khyber Rifles en Internet Movie Database. {|class="wikitable sortable" style="font-size: 90%;"
! style="background:#ABD2D0;" | Actor ! style="background:#ABD2D0;" | Papel ! style="background:#ABD2D0;" | Notas
| ''
Se veiga tamién Cine en 1953. Cintas de 1953.
Referencias
Vinclos externos King of the Khyber Rifles en Internet Movie Database. King of the Khyber Rifles en TCM Movie Database. King of the Khyber Rifles en AllMovie. King of the Khyber Rifles en l'American Film Institute Catalog de l'American Film Institute''. King of the Khyber Rifles en FilmAffinity. King of the Khyber Rifles en Allociné. King of the Khyber Rifles en Rotten Tomatoes. King of the Khyber Rifles en Letterboxd.
Categoría:Cintas ambientadas en Khyber Pakhtunkhwa Categoría:Cintas ambientadas en 1857 Categoría:Cintas con banda sonora orichinal de Bernard Herrmann Categoría:Cintas con dirección de fotografía de Leon Shamroy Categoría:Cintas con guión de Ben Roberts Categoría:Cintas con guión d'Ivan Goff Categoría:Cintas con montache de Barbara McLean Categoría:Cintas de cine d'aventuras Categoría:Cintas de cine de romance Categoría:Cintas d'Estaus Unius Categoría:Cintas dirichidas por Henry King Categoría:Cintas en anglés Categoría:Cintas en hindi Categoría:Cintas en Cinemascope Categoría:Cintas en Technicolor Categoría:Cintas interpretadas por Argentina Brunetti Categoría:Cintas interpretadas por Frank DeKova Categoría:Cintas interpretadas por Gavin Muir Categoría:Cintas interpretadas por Guy Rolfe Categoría:Cintas interpretadas por John Farrow Categoría:Cintas interpretadas por John Justin Categoría:Cintas interpretadas por Michael Rennie Categoría:Cintas interpretadas por Murray Matheson Categoría:Cintas interpretadas por Richard Wyler Categoría:Cintas interpretadas por Sujata Categoría:Cintas interpretadas por Terry Moore Categoría:Cintas interpretadas por Tyrone Power Categoría:Cintas producidas por Frank P. Rosenberg Categoría:Cintas rodadas en California Categoría:Cintas rodadas en a India