A ilesia de Sant Tomás d'Aquino u d'os Escolapios de Zaragoza ye una ilesia barroca d'o sieglo XVIII ubicada en a ciudat de Zaragoza (Aragón), perteneixient a las Escuelas Pías y situada en l'avenida de César Augusto, numero 37. A livel eclesiastico ye adintro d'as mugas d'a parroquia de Sant Pavlo d'a que dista bels cientos de metros.
Fa parti d'os Biens d'intrés cultural d'a provincia de Zaragoza, y fue declarada molimento historico artistico o 29 d'aviento de 1978 con o identificador RI-51-0004324.
Ista ilesia presenta una planta parellana a l'amanada ilesia de Santiago, encara que a suya grandaria ye muito mas chicota, seguntes as normas dadas por Sant Chusep de Calasanz, que recomendaba pa a suya orden templos chicoz y modestos.
Fa parti d'o Colechio d'as Escuelas Pías, a on o pintor Francisco de Goya aprendió as suyas primeras letras.
D'o conchunto orichinal nomás i son a ilesia, o patio y parti d'o claustro, ya que a resta d'edificacions de l'actual colechio corresponden a reformas posteriors, de meyaus d'o sieglo XIX y primerías d'o sieglo XX. [https://web.archive.org/web/20170224213424/http://www.zaragoza.es/ciudad/cultura/cont/enlace/cultura/observatorio/directorios/detalle_Monumento?id=43 Iglesia de Santo Tomás de Aquino. Concello de Zaragoza.
Historia Os Pais Escolapios son plegaus ta Zaragoza o 27 d'octubre de 1731. O 19 de febrero de 1740 ubrió as suyas puertas o colechio d'as Escuelas Pías con o patrocinio d'o prelau Tomás Crespo Agüero. Eclesiasticament perteneixe a la parroquia de Sant Pavlo
A ilesia se construyió entre 1736 y 1740. Fue prochectada y dirichida a suya execución por Francisco de Velasco. En facioron parti os canters Juan Bautista Erizmendi y Juan López de Insausti.
A planta ye de cruz latina con una sola nau. Tien o crucero poco acusau y capiellas entre os contrafuertes. As cubiertas son por trampos de canyón con lunetos. A nau se cubre con bovedas vaídas.
O conchunto ye una obra barroca con retablos entre os que destaca o retablo mayor d'o escultor José Ramírez de Arellano.
As escuelas pías fuoron instituyidas baixo o patronache de l'arcebispe de Zaragoza, Tomás Crespo Agüero, en 1733. D'iste antigo edificio, a on que estudioron Francisco de Goya y José de Palafox, nomás se conserva a ilesia y o patio, dimpués d'a reforma feita en os sieglos XIX y XX. A nueva frontera fue disenyada por José de Yarza Echenique.
A ilesia de Sant Tomás d'Aquino fue construyida entre 1736 y 1740 por Francisco Velasco. A sencilla frontera, flanquiada por dos chicoz campanars, ye adornada con tres feguras que rodian a puerta. A dreita y ezquierda as imáchens de Sant Agostín y Sant Tomás de Villanueva y en a parti superior, tamién en una capilleta, Sant Tomás d'Aquino, representau como doctor anchelico con alas. En l'interior, ye d'intrés o retablo rococó con imáchens de José Ramírez de Arellano.
Baixo l'altar adedicau a la Virchen d'o Pilar se troba apedecau o Pai Pedro, Siervo de Dios, qui estió maestro de parvulos mientres 45 anyos en iste colechio y que tien ubierta causa de canonización. Actualment a ilesia ye seu canonica d'a Real y Calasancia Cofradía del Prendimiento del Señor y el Dolor de la Madre de Dios.
Bibliografía 100 motivos para enseñar tu ciudad. Conoce la Zaragoza monumental folleto editado por el Ayuntamiento de Zaragoza Fatás, Guillermo, (coord.) Guía histórico-artística de Zaragoza, Zaragoza, Ayuntamiento (Servicio de acción cultural), 19913. . Izquierdo, Pascual, Guía total. Zaragoza. Madrid: Anaya, 2006. . Laborda Yneva, José, Zaragoza: guía de arquitectura / an architectural guide, Zaragoza, Caja de Ahorros de la Inmaculada de Aragón, D.L. 1995, .
Referencias
Vinclos externos
Presencia de los escolapios de Aragón por Dionisio Cueva. Archivo d'as Escuelas Pías d'Aragón Ficha en gcatholic.org
Tomás d'Aquino Tomás d'Aquino de Zaragoza Tomás d'Aquino de Zaragoza Tomás d'Aquino de Zaragoza Tomás d'Aquino de Zaragoza Zaragoza Tomás d'Aquino de Zaragoza Categoría:Biens d'Intrés Cultural d'a Comarca Central