Susín ye un lugar d'o municipio de Biescas, en a comarca de l'Alto Galligo. Perteneixió a lo concello d'Oliván.
Anque o lugar ye albandonato y degún vive de contino astí, as dos casas suyas, Casa Mallau y Casa Ramón, encara son en buenas condicions y son mantenitas por os suyos propietarios.
Ta i plegar bi ha que puyar por un camín forestal dende Oliván.
En a redolata de Susín bi ha unos tormos erraticos de gran mida y de composición granodioritica, y se'n deduce que provienen d'o batolito de Panticosa.
Molimentos thumb|left|210px|Ilesia A ilesia de Santolaria de Mérida de Susín ye una ilesia de orichen prerromanico, que ha estato esviellata y perteneixe a lo grupo d'as ilesias de Sarrablo. Ye adedicada a Santolaria de Mérida y ye la ilesia parroquial d'o lugar. Parroquias del Arciprestazgo de Biescas en o sitio web d'a Diocesi de Chaca. En a ilesia se i conservaban pinturas d'estilo romanico atribuyidas a lo clamau Mayestro d'o Chudicio Final, un pintor itinerant d'orichen italiano que treballó en cuantas ilesias d'Aragón y de Catalunya; as pinturas se conservan actualment y dende l'anyo 1967 en o Museu Diocesano de Chaca, chunto con as procedents de cuantas ilesias d'a diocesi. Pintura mural, en a web d'o Museu Diocesano de Chaca.
Referencias
Vinclos externos Pachina de l'Asociación Mallau de Susín.
Categoría:Lugars de Biescas Categoría:Lugars d'a provincia de Uesca Categoría:Despoblaus d'a provincia de Uesca Categoría:Localidaz d'a diocesi de Chaca en l'Alto Galligo