thumb|right|250px|Podarcis muralis, una d'as especies que reciben o nombre. SargantanaVarios autors. Endize de bocables de l'aragonés (tomo IV). Instituto de Estudios Altoaragoneses, Uesca, 1999. ye o nombre popular que mas a sobén se da en Aragón a os reptils escamosos de cuatro patas y mida de meyana a chica. Manimenos, seguntes a comarca, puestar que se le dé atros nombres, como engardaixina, que ye lo mas común en a zona oriental d'an se charra aragonés (en especial a comarca de Ribagorza y a Val de Chistau, en Sobrarbe) u que coexistan formas d'es dos tipos lexicos (sargantana y engardaixina) por igual, como pasa en buena cosa de Sobrarbe y Semontano de Balbastro.
O tipo lexico «sargantana»
D'acuerdo con Manuel Alvar, «sargantana» ye o nombre mas cheneralizau en Tierra Plana y Semontanos d'Aragón, y tamién en Navarra.ALVAR LÓPEZ, Manuel, El habla del Campo de Jaca. Ediciones Universidad de Salamanca, 1997. . Atros autors posteriors, como Rafael Andolz, ofreixen un replego de localidaz que encaixa bien con ixa afirmación. O Diccionario de Gerónimo Borao ya replegó ixe nombre popular en Zaragoza en 1859,BORAO CLEMENTE, Gerónimo. Diccionario de voces aragonesas, precedido de una introducción filológico-histórica (facsímil). Valladolid. Editorial MAXTOR, 2009. como tamién enantes en fue, de replegau, entre as contribucions de Siesso de Bolea a lo Diccionario de Autoridades (1724).SIESSO DE BOLEA, Joseph, Borrador de un diccionario de voces aragonesas; Institución «Fernando el Católico» + Gara d'Edizions. Zaragoza, 2008. .
Seguntes Joan Coromines, «sagartana», «nombre diminutivo que se usa como tal en Aragón, La Rioja, O. y S. de Cataluña», se trata d'una evolución de <*sagarta con l'anyadiu d'una desinencia diminutiva, -ana. <*sagarta estaría una variant de l'etimo latín <*lacarta. En a suya tesi sobre El habla del Campo de Jaca (1946), Manuel Alvar documenta las variants siguients sin salir de Chacetania: sagartana en Badaguás y Caniás, sagardana, sagardiana, sangardana, sangartana, sangardiana, xargantana en Navasiella, chargantana, chardangana, chargandiana, zargantana, y, por fin, sangariana en Borrés. En l'aragonés ansotano se documenta sargandanaBARCOS, Miguel Ánchel, El Aragonés Ansotano: estudio lingüístico de Ansó y Fago; Institución «Fernando el Católico» + Gara d'Edizions. Zaragoza, 2007. y sangradana.
Atras varians, fueras d'ixa comarca, son sargantina en Magallón, ANDOLZ CANELA, Rafael, Diccionario Aragonés, Aragonés-Castellano Castellano-Aragonés (5ena ed.); Mira Editores. Zaragoza 2004. sangardiana en Fuencalderas, sarguentana en Exeya y en Val Palmas y tamién en Ayerbe, y sargantalla en Agüero. En a comarca de Tarazona y Moncayo se documenta sargantesa y sargantina.LAHIGUERA ALBERICIO, Dabi, A Fabla de Moncayo. Estudio comparativo con a lengua aragonesa; Edicions Transiberiano. Zaragoza, 2017.
Sangardana ye un nombre que tamién se documenta en Sallent de Galligo pero, de vez, apareixe en puestos diferents por o Semontano de Balbastro, como Radiquero y Salas Altas. En o Semontano se conoixe tamién una forma con a terminación -icha, sangardicha.
O tipo lexico «engardaixina»
Os nombres relacionaus con «engardaixina» se troban mas que mas entre as comarcas de Ribagorza, Sobrarbe y norte de Semontano de Balbastro. Engardaixina se troba en a Baixa Ribagorza occidental,ARNAL PURROY, Mª Luisa, Diccionario del habla de la Baja Ribagorza Occidental -Huesca-; Institución «Fernando el Católico» + Gara d'Edizions. Zaragoza, 2003. y en Fonz.Varios autors. Endize de bocables de l'aragonés (tomo II). Instituto de Estudios Altoaragoneses, Uesca, 1999. Seguntes Chabier Tomás, a forma con -ix- ye a mas conservadera, entre que as formas con -ch- (que son mas comuns en a comarca de Sobrarbe) serían mas modernas.TOMÁS ARIAS, Chabier, El aragonés del Biello Sobrarbe. Instituto de Estudios Altoaragoneses. Uesca, 1999. En Fonz se documenta tamién unatra forma minoritaria, engardaixeta.
«Engardaixina» nos la podemos trobar amás amás en Nabal, en A Buerda y en A Espunya. Manimenos, en A Buerda tamién s'emplega la pronunciación -ch-, engardachina, igual como en Puyarruego y Reviella, sin salir de Sobrarbe. Tamién en A Buerda se conoixe a forma engardaichina. En o Semontano, nos trobamos que s'ha documentau «engardachina» en Salas AltasRÍOS NASARRE, Paz, Bocabulario d'o Semontano de Balbastro (de Salas Altas y a Redolada); Publicazions d'o Consello d'a Fabla Aragonesa. Uesca, 1997. y en Adauesca,VIDALLER TRICAS, Rafel, Dizionario sobre espezies animals y bexetals en o bocabulario altoaragonés. Instituto de Estudios Altoaragoneses, Uesca, 1989. que pueden estar relacionadas con a forma engardicha, de Balbastro.
Se veiga tamién
Fardacho. Salamanquesa.
Referencias
Categoría:Zoonimia Categoría:Squamata