Braddock: Missing in Action III (títol orichinal en anglés, en aragonés Braddock: Desapareixiu en acción III, estrenada en Aragón con o títol en castellano de Braddock: Desaparecido en combate 3, en aragonés Braddock: Desapareixiu en combat 3) ye una cinta de cine d'acción de cine estausunidense de l'anyo 1988 dirichida por Aaron Norris seguntes un guión orichinal de James Bruner y Chuck Norris (encara que basau en os personaches creyaus por Arthur Silver, Larry Levinson y Steve Bing), con una dirección de fotografía de João Fernandes, una banda sonora orichinal de Jay Chattaway y una producción cinematografica de Menahem Golan y Yoram Globus ta las productoras The Cannon Group y Golan-Globus Productions. L'elenco d'actors d'a cinta ye formau por, entre d'atros, Chuck Norris, Aki Aleong, Roland Harrah III, Yehuda Efroni, Floyd Levine, Miki Kim, Ron Barker, Jack Rader y Keith David.
Braddock: Missing in Action III, encara que secuencialment ye rodada dimpués de Missing in Action 2: The Beginning (1985, Lance Hool), en realidat ye una secuela de Missing in Action (1984, Joseph Zito), cinta d'a cual Missing in Action 2: The Beginning ye una precuela. A cinta conta cómo lo coronel James Braddock recibe la visita de mosen Polanski, qui li explica que su muller Lin Tan Cang no morió mientres a clamada operación Frequent Wind os días 29 y 30 d'abril de 1975 cuan os Estaus Unius albandonaban Vietnam y evacuoron a bels mils de civils vietnamitas que se consideraba que se trobaban en risque de padeixer represalias por a suya colaboración con os estausunidenses mientres a guerra de Vietnam. Mosén Polansli li conta tamién que su muller heba teniu un fillo d'o coronel, Van Tan Cang, que en ixas envueltas ya tien 12 anyadas, y que en estar fillo d'un estausunidense padeixe mals tractos y se troba internau con su mai en un campo de presoneros. En primeras Braddock no para masiada cuenta a lo que li dicen, pero cuan dimpués lo visita Littlejohn, un achent d'a Central Intelligence Agency ta decir-le que no pare cuenta d'ixas informacions, comprén que lo que li heba dito lo mosen yera verdat y decide marchar enta Vietnam ta rescatar a su muller y su fillo.
A cinta s'ambienta en 1975 en Saigón (hue Ciudat Ho Chi Minh) mientres a guerra de Vietnam y en epoca actual d'a cinta (1988) en Estaus Unius, Bangkok en Tailandia y en Vietnam, y las suyas escenas se filmoron en bellas localizacions en Filipinas. Localizacions de Braddock: Missing in Action III en Internet Movie Database.
Encara que la cinta recibió bella nominación a bel premio cinematografico, no se tracta de garra premio d'os mas conoixius u destacaus.
Elenco Braddock: Missing in Action III en Internet Movie Database. Actor Papel Notas ''''
Se veiga tamién Cine en 1988. Cintas de 1988.
Referencias
Categoría:Cintas ambientadas en Bangkok Categoría:Cintas ambientadas en Estaus Unius Categoría:Cintas ambientadas en Ciudat Ho Chi Minh Categoría:Cintas ambientadas en Vietnam Categoría:Cintas ambientadas en 1975 Categoría:Cintas ambientadas en 1988 Categoría:Cintas con banda sonora orichinal de Jay Chattaway Categoría:Cintas con dirección de fotografía de João Fernandes Categoría:Cintas con guión de Chuck Norris Categoría:Cintas con guión de James Bruner Categoría:Cintas con montache de Michael J. Duthie Categoría:Cintas de cine d'acción Categoría:Cintas d'Estaus Unius Categoría:Cintas dirichidas por Aaron Norris Categoría:Cintas en anglés Categoría:Cintas interpretadas por Aki Aleong Categoría:Cintas interpretadas por Chuck Norris Categoría:Cintas interpretadas por Floyd Levine Categoría:Cintas interpretadas por Jack Rader Categoría:Cintas interpretadas por Keith David Categoría:Cintas interpretadas por Miki Kim Categoría:Cintas interpretadas por Roland Harrah III Categoría:Cintas interpretadas por Ron Barker Categoría:Cintas interpretadas por Yehuda Efroni Categoría:Cintas producidas por Menahem Golan Categoría:Cintas producidas por Yoram Globus Categoría:Cintas rodadas en Filipinas Categoría:Cintas sobre a Guerra de Vietnam