A ilesia de Nuestra Sinyora d'as Victorias d'Aflor ye una ilesia d'estilo gotico tardano Historia d'Aflor perteneixient a la diocesi de Uesca y l'arcipestrau de Semontano-Sobrarbe y situada en o lugar d'Aflor, en a comarca d'o Semontano de Balbastro, en a provincia de Uesca (Aragón). Ye adedicada a Nuestra Sinyora d'as Victorias, baltizada asinas en commemoración d'a batalla de Lepanto.
Historia Construyida entre zaguerías d'o sieglo XVI y primerías d'o XVII en estilo gotico tardano, a suya portalada de l'anyo 1610 preanuncia o barroco. Feita por o mayestro d'obras Chuan de Torón, autor chunto a Antonio Torón, d'atras grans construccions d'o Semontano como as ilesias de Nabal (1580), Colungo, Guardia (1585) y Sobrarbe como a ilesia de Santa Olaria d'o Elsón.
Descripción 200px|thumb|left|Torre Ye un edificio de nau unica con capiellas laterals y cabecera poligonal. Feito en sillería, a suya portalada s'ubre a os suyos piez con un arco de meyo punto doblau sobre columnas que son flanquiadas por atras dos columnas que sirven pa refirmar l'entablamento. A decoración en relieu, distribuyida por columnas, exutas y roscas d'os arcos ye profusa. Dencima de l'entablamento i hai un atro cuerpo rematau por un frontón en que s'incluye una capilleta.
Sobre a nau i ha en l'exterior una galería d'arquiellos de meyo punto feita en ladriello. As finestras que s'ubren en l'abside son en arco apuntau. Una caracteristica sinyalera d'ista ilesia ye a suya torre, que ye exempta, alacetada sobre una penya de piedra panal y se i accede a traviés d'un trampo d'escaleras entretalladas en a propia roca. Se divide en tres cuerpos, uno cuadrangular y dos octogonals deseparaus entre sí por imposta. En o trampo inferior i hai garitons en as esquinas que d'antis mas s'emplegaban pa esconchurar tronadas, pestes y atros periglos pa os cautivos. En o superior s'ubren en cada cara de l'octogono vanos de meyo punto pa as campanas.
Referencias
Vinclos externos
En a web d'o SIPCA En Turismo Somontano Ficha en gcatholic.org
Nuestra Sinyora d'as Victorias d'Aflor Nuestra Sinyora d'as Victorias d'Aflor Nuestra Sinyora d'as Victorias d'Aflor Nuestra Sinyora d'as Victorias d'Aflor Aflor Nuestra Sinyora d'as Victorias d'Aflor Categoría:Molimentos d'Aflor