A ilesia d'a Santa Cruz de Plou ye una ilesia d'estilo barroco construyida en sieglo XVIII que se troba en Plou (Cuencas Meneras, Aragón).
Historia Prencipió a construyir-se en 1710 y se remató en 1777.
Descripción Ye un edificio de grans proporcions y planta rectangular, constituyiu de tres nau d'a mesma altaria, un campanal y una gran cupula central.
A torre campanal ye situada a os piez d'o templo, en o costau d'a epistola. Consta de dos cuerpos, estando o primero construyiu en piedra y o segundo, con anglos curvos, en ladriello. No ye rematada, por lo que a suya altaria ye menor que a d'as ilesias d'atros lugars d'a redolada.
A dentrada a la ilesia se fa a traviés d'una portalada con pilastras bulbosas a os dos costaus y rematada por una capilleta con o relieu de dos lions y dos oculos.
En l'interior a nau central ye cubierta con una vuelta meyo canyón con lunetos. O crucero se cubre a la vegada con cupula y linterna. I hai o relieu d'os cuatre evanchelistas en as suyas pichinas. As naus laterals d'atra man son cubiertas por vueltas de ariesta.
Vinclos externos
Ilesia d'a Santa Cruz de Plou Ficha en gcatholic.org
Cruz de Plou Cruz de Plou Cruz de Plou Plou Cruz de Plou Cruz de Plou Categoría:Molimentos de Plou