A basilica de Nuestra Sinyora de Badaín ye una ilesia romanica situada en o lugar de Badaín, en o municipio sobrarbés de Tella-Sin (Uesca, Aragón). O templo perteneixient a la diocesi de Balbastro-Monzón tien o rango de basilica menor ab immemorabili y ye declarau Bien d'Intrés Cultural. Ficha en gcatholic.org Ilesia de Santa María de Badaín en o SIPCA
Historia A remota aldeya de Badaín estió en os suyos oríchens un convento de monchas d'a orden benedictina "Nuestra Señora de Badaín". Marina Sáez A suya ilesia d'orichen romanico d'o sieglo XII se troba situada a 738 metros d'altaria y fue enamplada en a segunda metat d'o sieglo XVI, por lo que l'exterior d'ista bellament deixa veyer os suyos oríchens medievals.
A ilesia primitiva constaba d'un sola nau con abside teflau, estructura parellana a las ilesias de Sant Chuan d'o Toledo d'a Nata y de Sant Remón Nonato de Monflorite. En l'ampliación d'o sieglo XVI s'adhibió una segunda nau, mas ampla y elevada que a primera, con dos capiellas laterals y un coro alto en o suyo estrimo occidental. D'ista epoca ye tamién a torre, de planta cuadrada y un solo cuerpo, que se troba dreitament construyida sobre l'antiga cabecera romanica.
D'antis mas i heba una vivienda adosada en os costaus este y norte d'a torre, d'a que encara i quedan restas en os muros, que fería probablement parti de l'antigo monesterio de monchas benedictinas.
Descripción L'edificio se construyió con mampostería y ruello de glera y con sillería en as esquinas. Dos trampos d'a nau prencipal son cubiertos por una vuelta de crucería, mientres que en o trampo posterior se ficó una galería moderna. Adosada a o costau norte d'a nau i hai una capiella con vuelta de crucería estrelada; a capiella d'o costau sud se cubre con vuelta de canyón.
O coro, devantau por dos escalons, procede d'a ilesia orichinal. Presenta encara una disposición parellana a un coro de tres conchas, a o estilo de Sant Chuan d'o Toledo d'a Nata u Monflorite. Mientres a remodelación, l'abside prencipal fue sustituyiu por una cabecera con testero plano, que se cubre con una vuelta de canyón apuntau lucherament mas baixa. L'abside lateral sigue ubrindo-se en o muro sud y ye cubierto con una vuelta feita en piedra tosca. Tien una chicota finestra central y no ye visible dende l'exterior de l'edificio. A torre cuadrada se devanta sobre o presbiterio y tien tres pisos con teitos avovedaus. L'anyo "1576" ye inscrito baixo o tellau a dos auguas cubierto de pizarra. Una torre redonda adosada serviba d'escala.
A pila baptismal se troba en una capiella, cubierta también con vuelta de crucería, debant de l'actual puerta de dentrada. Iste baptisterio se feba servir probablement pa ritos d'immersión. Badaín. Parroquial de Nª Sª del Carmen
Referencias
Enlaces externos
Badaín, Ilesia de Nuestra Sinyora. Románico Digital Ficha en gcatholic.org
Badaín Categoría:Ilesias d'a provincia de Uesca Categoría:Ilesias de Sobrarbe Categoría:Ilesias no parroquials d'a diocesi de Balbastro-Monzón Categoría:Ilesias romanicas d'Aragón Badaín Badaín Categoría:Badaín