Iste articlo ye sobre una cinta estausunidense de cine policiaco; ta atros usos, se veiga Pulp Fiction (desambigación).
Pulp Fiction (títol orichinal en anglés, en aragonés Ficción polpa, estrenada en Aragón con o suyo títol orichinal) ye una cinta de cine policiaco de cine estausunidense de l'anyo 1994 dirichida por Quentin Tarantino seguntes un guión orichinal d'él mesmo (basau en una historia d'él mesmo y de Roger Avary), con una dirección de fotografía d'Andrzej Sekuła y una producción cinematografica de Lawrence Bender ta las productoras A Band Apart y Jersey Films. Conta con un elenco d'actors formau, entre d'atros, por John Travolta, Samuel L. Jackson, Uma Thurman, Harvey Keitel, Tim Roth, Amanda Plummer, Maria de Medeiros, Ving Rhames, Eric Stoltz, Rosanna Arquette, Christopher Walken y Bruce Willis.
A cinta conta tres historias deseparadas, cadaguna con os suyos protagonistas, pero que se troban entrelazadas entre ellas, estando los protagonistas de cada hiztoria personaches segundarios d'atra u atras d'as historias. O protagonista d'una d'as tres historias ye Vincent Vega, un mafioso, d'a segunda en ye Butch Coolidge, un boxiador profesional, y lo d'a tercera historia en ye Jules Winnfield, o socio de Vincent en os suyos delictos. Istas tres historias se desembolican en cuatre series diferents (encara que la primera y la zaguera son en realidat a mesma, en o mesmo escenario, estando la zaguera la continación d'a primera) y con un preludio y deseparación entre cadaguna d'as escenas. Vincent ye, como s'ha dito, un mafioso que, como Jules, treballa ta Marcellus Wallace, y que acaba de tornar d'os Países Baixos. Buth ye un boxiador que ha amanyau un combat de boxeyo con Marcellus pero que finalment l'enganya, y Jules ye un personache que bien luego de veyer o que él creye que ye un miraglo se replanteya la suya profesión de farute.
A cinta s'ambienta en a ciudat de Los Angeles en California en a suya epoca actual (1994) y las suyas escenas se filmoron en Los Angeles, Beverly Hills, Glendale, Pasadena y Hawthorne en California. Localizacions de Pulp Fiction en Internet Movie Database.
Se tracta d'una cinta con a-saber-los de premios y nominacions, en destacando un Premio Oscar a lo Millor Guión Orichinal y atras seis nominacions (incluyida a l'Oscar a la Millor Cinta) en a 67ena edición d'os Premios Oscar y un Globo d'Oro a lo Millor Guión y cuatre nominacions (Millor Cinta Dramatica, Millor Actor Dramatico, Millor Director y Millor Actriz Segundaria) en a suya 53ena edición.
Elenco Pulp Fiction en Internet Movie Database. Actor Papel Notas ''''
Se veiga tamién Cine en 1994. Cintas de 1994.
Referencias
Vinclos externos
Pachina web oficial de Pulp Fiction.
Categoría:Cintas ambientadas en Los Angeles Categoría:Cintas ambientadas en 1994 Categoría:Cintas con dirección de fotografía d'Andrzej Sekuła Categoría:Cintas con guión de Quentin Tarantino Categoría:Cintas con montache de Sally Menke Categoría:Cintas de cine policiaco Categoría:Cintas d'Estaus Unius Categoría:Cintas dirichidas por Robert Benton Categoría:Cintas en anglés Categoría:Cintas en castellano Categoría:Cintas en portugués Categoría:Cintas interpretadas por Amanda Plummer Categoría:Cintas interpretadas por Bruce Willis Categoría:Cintas interpretadas por Christopher Walken Categoría:Cintas interpretadas por Eric Stoltz Categoría:Cintas interpretadas por Harvey Keitel Categoría:Cintas interpretadas por John Travolta Categoría:Cintas interpretadas por Maria de Medeiros Categoría:Cintas interpretadas por Rosanna Arquette Categoría:Cintas interpretadas por Samuel L. Jackson Categoría:Cintas interpretadas por Tim Roth Categoría:Cintas interpretadas por Uma Thurman Categoría:Cintas interpretadas por Ving Rhames Categoría:Cintas producidas por Lawrence Bender Categoría:Cintas rodadas en Beverly Hills Categoría:Cintas rodadas en Glendale (California) Categoría:Cintas rodadas en Hawthorne (California) Categoría:Cintas rodadas en Los Angeles Categoría:Cintas rodadas en Pasadena (California)