The Deadly Companions (títol orichinal en anglés, en aragonés Os companyeros mortals, estrenada en Aragón con o suyo títol traduciu enta lo castellano como Compañeros mortales) ye una cinta de cine estausunidense de cine de western de l'anyo 1961 dirichida por Sam Peckinpah seguntes un guión adaptau por A. S. Fleischman (basau en The Deadly Companions, una novela d'A. S. Fleischman), con una banda sonora orichinal de Marlin Skiles, una dirección de fotografía de William H. Clothier y una producción cinematografica de Charles B. Fitzsimons ta la productora cinematografica Carousel Productions. L'elenco d'actors d'a cinta, en os suyos papels prencipals, lo forman Maureen O'Hara, Brian Keith, Steve Cochran, Chill Wills, Strother Martin, Will Wright, Jim O'Hara, Peter O'Crotty, Billy Vaughan y Big John Hamilton, entre d'atros.
Kit Tilden ye una vídua, propietaria d'un "saloon" en un lugar de l'ueste d'Estaus Unius, y cuan Yellowleg, Turk y Billy fan un atraco en un banco d'o lugar, lo primero mata accidentalment a su fillo. Kit, a qui los suyos vecinos creyen que mai no s'ha casau, decide denterrar o cuerpo de su fillo chunto con su pai. O problema ye que ixe lugar se troba en ixe momento albandonau y en bel meyo de territorio controlau por os apaches, asinas que entre ixo y que no creyen que mai no haiga existiu ixe presunto mariu, denguno no quiere acompanyar´la en ixe perigloso viache. Cuan ye en marcha, troba a la banda d'asaltants, y Yellowleg, sentondo-se culpable d'a muerte d'o nino, decide aduyar-la en o viache, encara que ella no quiere, y obliga a los atros miembros d'a banda a marchar con él. Yellowleg heba estau sarchento en l'exercito estausunidense mientres a Guerra Civil d'os Estaus Unius, y cuan Billy, un pistolero, agrede a Kit, lo chita d'o grupo. Bien luego tamién l'albandona Turk, que ye un desertor de l'exercito d'os antigos Estaus Confederaus d'America, ta unir-se a Billy, pero forzaus por a presencia d'os apaches, siguen os pasos de Kit y Yellowleg y los troban chusto cuan éls acaban de trobar a tomba d'o mariu de Kit, que mientres o viache ha prencipiau a sentir atracción por Yellowleg, atracción que ye mutua.
A cinta s'ambienta en Arizona en os anyos 1870 y las suyas escenas se filmoron en Tucson y cuantas atras localidaz en Arizona. Localizacions de The Deadly Companions en Internet Movie Database.
Elenco The Deadly Companions en Internet Movie Database. Actor Papel Notas ''''
Se veiga tamién Cine en 1961. Cintas de 1961.
Referencias
Vinclos externos
Categoría:Cintas ambientadas en Arizona Categoría:Cintas ambientadas en os anyos 1870 Categoría:Cintas con banda sonora orichinal de Marlin Skiles Categoría:Cintas con dirección de fotografía de William H. Clothier Categoría:Cintas con guión d'A. S. Fleischman Categoría:Cintas con montache de Stanley Rabjohn Categoría:Cintas de western Categoría:Cintas d'Estaus Unius Categoría:Cintas dirichidas por Sam Peckinpah Categoría:Cintas en anglés Categoría:Cintas interpretadas por Big John Hamilton Categoría:Cintas interpretadas por Billy Vaughan Categoría:Cintas interpretadas por Brian Keith Categoría:Cintas interpretadas por Chill Wills Categoría:Cintas interpretadas por Jim O'Hara Categoría:Cintas interpretadas por Maureen O'Hara Categoría:Cintas interpretadas por Peter O'Crotty Categoría:Cintas interpretadas por Steve Cochran Categoría:Cintas interpretadas por Strother Martin Categoría:Cintas interpretadas por Will Wright Categoría:Cintas producidas por Charles B. Fitzsimons Categoría:Cintas rodadas en Arizona Categoría:Cintas rodadas en Tucson