Stalag 17 (títol orichinal, estrenada en Aragón con o títol en castellano de Traidor en el infierno, en aragonés Traidor en l'infierno) ye una cinta de cine belico de garcholas (ambientada en un "stalag" u campo de presoneros de guerra d'o Tercer Reich mientres a Segunda Guerra Mundial) dirichida por Billy Wilder seguntes un guión adaptau por Edwin Blum y lo mesmo Billy Wilder (basau en Stalag 17, una obra de 1951 de Donald Bevan y Edmund Trzcinski), con una banda sonora orichinal de Franz Waxman, una dirección de fotografía de Ernest Laszlo y una producción cinematografica tamién de Billy Wilder ta la productora cinematografica Paramount Pictures. L'elenco d'a cinta el fotman, entre d'atros actors, William Holden, Don Taylor, Otto Preminger, Robert Strauss, Harvey Lembeck, Richard Erdman, Peter Graves, Neville Brand, Michael Moore, Sig Ruman, Peter Baldwin, Robinson Stone, Robert Shawley, William Pierson, Jay Lawrence y Erwin Kalser.
O Stalag 17 ye un "stalag" u campo de presoneros de guerra d'o Tercer Reich mientres a Segunda Guerra Mundial dirichiu por l'oberst von Scherbach y que aculle a 630 pilotos d'aviación, toz con o grau militar de sarchento. En aviento de 1944 s'organiza la fuga de dos d'os presoneros pero son asasinaus a tiros por os soldaus alemans, que los yeran asperando. Os presoneros sospeitan que un d'éls ye un traidor que ha informau a los alemans. JJ Sefton ye un presonero que toz conoixen que tien tractos con os alemans, con qui intercambia productos y favors, y toz unanimement sospeitan d'él. Alavez plega en o campo un nuevo presonero, o tenient Dunbar, qui se troba asignau temporalment antis d'estar destinau en un campo ta oficials. Dunbar conta que en o ferrocarril que lo tranportaba hebe feito un acto de sabotache en provocar un incendio y asinas fació esclatar un tren que transportaba municions. Casualment Dunbar, que ye de familia cabalera, conoixeba a Sefton d'antis y la relación entre éls no yera buena. Cuan os alemans acusan de sabotiador a Dunbar y amás troban a radio clandestina que teneban os presoneros, toz acusan a Sefton y l'abatanan de firme. Bien luego Sefton descubre qui ye lo verdadero traidor, pero no en tien garra preba.
A cinta s'ambienta en l'actual Alemanya en os anyos 1944 y 1945 y las suyas escenas se filmoron en Los Angeles en California (incluyindo-ie os Paramount Studios). Localizacions de Stalag 17 en Internet Movie Database.
Se tracta d'una cinta con bels premios y nominacions, en destacando un Premio Oscar a lo Millor Actor y dos nominacions (Millor Director y Millor Actor Segundario) en a suya 26ena edición.
Elenco Stalag 17 en Internet Movie Database. Actor Papel Notas ''''
Se veiga tamién Cine en 1951. Cintas de 1951.
Referencias
Categoría:Cintas ambientadas en Alemanya Categoría:Cintas ambientadas en 1944 Categoría:Cintas ambientadas en 1945 Categoría:Cintas con banda sonora orichinal de Franz Waxman Categoría:Cintas con dirección de fotografía d'Ernest Laszlo Categoría:Cintas con guión d'Edwin Blum Categoría:Cintas con guión de Billy Wilder Categoría:Cintas con montache de George Tomasini Categoría:Cintas de cine belico Categoría:Cintas de cine de garcholas Categoría:Cintas d'Estaus Unius Categoría:Cintas dirichidas por Billy Wilder Categoría:Cintas en alemán Categoría:Cintas en anglés Categoría:Cintas en ruso Categoría:Cintas en blanco y negro Categoría:Cintas interpretadas por Don Taylor Categoría:Cintas interpretadas por Erwin Kalser Categoría:Cintas interpretadas por Harvey Lembeck Categoría:Cintas interpretadas por Jay Lawrence Categoría:Cintas interpretadas por Michael Moore Categoría:Cintas interpretadas por Neville Brand Categoría:Cintas interpretadas por Otto Preminger Categoría:Cintas interpretadas por Peter Baldwin Categoría:Cintas interpretadas por Peter Graves Categoría:Cintas interpretadas por Richard Erdman Categoría:Cintas interpretadas por Robert Shawley Categoría:Cintas interpretadas por Robert Strauss Categoría:Cintas interpretadas por Robinson Stone Categoría:Cintas interpretadas por Sig Ruman Categoría:Cintas interpretadas por William Holden Categoría:Cintas interpretadas por William Pierson Categoría:Cintas producidas por Richard Fischoff Categoría:Cintas producidas por Billy Wilder Categoría:Cintas rodadas en Los Angeles Categoría:Cintas de cine sobre a Segunda Guerra Mundial