Espierre ye un lugar aragonés, situato en o municipio de Biescas, en a comarca de l'Alto Galligo y provincia de Uesca. D'antis mas feba parti d'o municipio de Barbenuta chunto a Ainielle y Bergusa.
As casas d'o lugar tradicionalment yeran: Casa Lacasa, Casa Otal, Casa Azón, Casa Chuané, Casa Escartín, Casa Chaime, Casa Quiteria, Casa Abarca, Casa Pardo, Casa Soro, Casa Patricio, Casa Nueva, Casa Ferrería, Casa Eustaquia, Casa Ramón y Casa Orencio.
Cheografía Espierre ye situato a 1.242 metros d'altaria sobre o livel d'a mar, a una distancia de 79 km de Uesca, a capital d'a suya provincia.
Etimolochía Seguntes Manuel Benito Moliner, ye un toponimo d'orichen basco, y significa etxe berri u casa nueva. Pueblos del Alto Aragón: el origen de sus nombres (D-F).
Historia Seguntes Agustín Ubieto Arteta, a primera cita d'o lugar ye en o sieglo XIII, seguntes a obra d'Antonio Durán Gudiol Geografía medieval de los obispados de Jaca y Huesca (Uesca, 1962), y documenta as variants Espiere, Ezpierre, Spierre y Spier. Ubieto Arteta, Agustín: Toponimia aragonesa medieval, Valencia, 1972.
Molimentos Ilesia de Sant Istevan d'Espierre, una ilesia en estilo romanico adedicada a Sant Istevan, que ye la ilesia parroquial d'o lugar. Parroquias del Arciprestazgo de Biescas en o sitio web d'a Diocesi de Chaca.
Destacan tamién l'ermita de Santa María d'Espierre (u dita tamién de Palariecho), d'o sieglo XVIII, y l'ermita de Sant Chuan, ermitas que fan parte d'a rota d'ilesias de Sarrablo.
Referencias
Vinclos externos Ermita de Santa María d'Espierre en www.romanicoaragones.com. Ilesia parroquial de Sant Isteban en www.romanicoaragones.com.
Categoría:Lugars de Biescas Categoría:Lugars d'a provincia de Uesca Categoría:Despoblaus d'a provincia de Uesca Categoría:Localidaz d'a diocesi de Chaca en l'Alto Galligo