Winnetou 2. Teil (títol orichinal en alemán, en aragonés Winnetou 2nda parte, estrenada en Aragón con o títol en castellano de La carabina de plata, en aragonés A carabina d'archent) ye una cinta de cine de western de l'anyo 1964 coproducida por o cine alemán, o cine francés, o cine italiano y lo cine yugoslavo, dirichida por Harald Reinl seguntes un guión adaptau por Harald G. Petersson (basau en a serie de novelas de Karl May sobre Winnetou), con una banda sonora orichinal de Martin Böttcher, una dirección de fotografía d'Ernst W. Kalinke, una producción cinematografica d'Erwin Gitt, Stipe Gurdulic, Wolfgang Kühnlenz y Horst Wendlandt ta las productoras Rialto Film, Jadran Film y Société Nouvelle de Cinématographie. L'elenco d'actors d'a cinta ye formau por Pierre Brice, Lex Barker, Anthony Steel, Karin Dor, Klaus Kinski, Renato Baldini, Terence Hill, Marie-Noëlle Barre, Ilija Ivezić, Velemir Chytil, Stole Arandjelovic, Djordje Nenadovic, Mirko Boman, Rikard Brzeska, Eddi Arent y Gojko Mitić, entre d'atros.
Mientres que feba un viache enta la tribu d'os assiniboine, Winnetou salva a Ribanna de l'ataque d'un "grizzly" y su pai, que ye lo chefe d'a tribu, accede a la petición de Winnetou de liberar a tres soldaus de l'exercito estausunidense que heban capturau. Un d'os soldaus ye lo tenient Merril, fillo d'o comandant de Fort Niobrara. D'atra man, Winnetou preba d'amistar a los assiniboine con os blancos y, a la vegada, siente atracción (mutua) por Ribanna. Tamién plega en o fuerte Old Shatterhand, a qui Merril informa d'a situación y de que l'ha salvau Winnetou. Qui ha chenerau o problema con os indios ye Bud Forrester, que deseya fer fuera a los indios porque en as suyas tierras bi ha muito petrolio y, si no i son, obtiendrá la concesión d'o Gubierno ta la suya explotación, y ta lograr-lo ha atacau un poblau d'os indios ponca. Old Shatterhand marcha chunto con l'aventurero anglés lord Castlepool enta los pozos de petrolio de Forrester, pero iste ordena que los secuestren y mientres o secuestro descubren que cuasi toz os suyos treballadors son enganyaus y maltractaus y que son asperando poder fuyir-ne, pero finalment Old Shatterhand y lord Castlepool consiguen fuyir. Merril accepta como esposa a Ribanna por o bien d'a paz, y Winnetou se siente afectau pero tamién se sacrifica por a paz. Pero alavez Forrester secuestra a Merril y a Ribanna, y Old Shatterhand, lord Castlepool y Winnetou marchan a liberar-los.
A cinta s'ambienta en bel momento indeterminau d'o sieglo XIX en Nuevo Mexico en os Estaus Unius y las suyas escenas se filmoron en lugars de Croacia (incluyindo-ie Plitvička Jezera en o condau de Lika-Senj y Split en o condau de Split-Dalmacia) y en Berlín en Alemanya. Localizacions de Winnetou 2. Teil en Internet Movie Database.
Elenco Winnetou 2. Teil en Internet Movie Database. Actor Papel Notas ''''
Se veiga tamién Cine en 1964. Cintas de 1964.
Referencias
Categoría:Cintas ambientadas en Nuevo Mexico Categoría:Cintas ambientadas en o sieglo XIX Categoría:Cintas con banda sonora orichinal de Martin Böttcher Categoría:Cintas con dirección de fotografía d'Ernst W. Kalinke Categoría:Cintas con guión de Harald G. Petersson Categoría:Cintas con montache de Hermann Haller Categoría:Cintas de western Categoría:Cintas d'Alemanya Occidental Categoría:Cintas de Francia Categoría:Cintas d'Italia Categoría:Cintas de Yugoslavia Categoría:Cintas dirichidas por Harald Reinl Categoría:Cintas en alemán Categoría:Cintas en Cinemascope Categoría:Cintas en Eastmancolor Categoría:Cintas interpretadas por Anthony Steel Categoría:Cintas interpretadas por Djordje Nenadovic Categoría:Cintas interpretadas por Eddi Arent Categoría:Cintas interpretadas por Gojko Mitić Categoría:Cintas interpretadas por Ilija Ivezić Categoría:Cintas interpretadas por Karin Dor Categoría:Cintas interpretadas por Klaus Kinski Categoría:Cintas interpretadas por Lex Barker Categoría:Cintas interpretadas por Marie-Noëlle Barre Categoría:Cintas interpretadas por Mirko Boman Categoría:Cintas interpretadas por Pierre Brice Categoría:Cintas interpretadas por Renato Baldini Categoría:Cintas interpretadas por Rikard Brzeska Categoría:Cintas interpretadas por Stole Arandjelovic Categoría:Cintas interpretadas por Terence Hill Categoría:Cintas interpretadas por Velemir Chytil Categoría:Cintas producidas por Erwin Gitt Categoría:Cintas producidas por Stipe Gurdulic Categoría:Cintas producidas por Wolfgang Kühnlenz Categoría:Cintas producidas por Horst Wendlandt Categoría:Cintas rodadas en Berlín Categoría:Cintas rodadas en Croacia Categoría:Cintas rodadas en Plitvička Jezera Categoría:Cintas rodadas en Split