Silent Rage (títol orichinal en anglés, en aragonés Rabiura silenciosa, estrenada en Aragón con o títol en castellano de Furia silenciosa) ye una cinta de cine estausunidense de cine d'acción policiaca de ciencia-ficción de terror de l'anyo 1982 dirichida por Michael Miller seguntes un guión orichinal de Joseph Fraley, con una banda sonora orichinal de Peter Bernstein y Mark Goldenberg, un dirección de fotografía de Robert Jessup y Neil Roach, una producción cinematografica d'Anthony B. Unger ta la productora cinematografica Topkick Productions y un elenco formau por Chuck Norris, Ron Silver, Steven Keats, Toni Kalem, William Finley, Brian Libby y Stephen Furst, entre d'atros actors.
John Kirby ye un malauto mental que vibe en un lugar de Texas y en un episodio de crisi mata a dos miembros d'a familia que l'acolliba. Cuan o "sheriff" Dan Stevens y lo suyo aduyant Charlie intervienen para detener-lo, se libera y pilla una escopeta, fendo que los policías se veigan obligaus a disparar contra él. En plegar en o hespital preban de salvar-le la vida, pero cuan se veye que ye imposible, Phillip Spires proposa tractar-lo con un medicamento que han creyau él y Paul Vaughn pero los atros medicos s'oposan. Cuan marchan, Phillip aproveita ta inchectar-li lo medicamento con o resultau que John revive, encara que mudo y cuasi que indestructible en estar muit reforada la suya capacidat de recuperación. A suya primera acción ye fugar-se d'o hespital y marchar enta la casa d'un d'os medicos a qui ha escuitau decir que s'oposaba a revivir-lo, y mata a lo medico y a su muller. Allison, la chirmana d'o medico asasinau, ye la novia de Dan y cuan plegan toz dos en a casa troban os cadavres, pero John ha fuyiu, encara que feriu por a suya baralla con o medico. Dan y Allison marcha enta l'hespital, a on tamién ha marchau John ta que li curen as feridas. Cuan Phillip veye que la situación s'ha descontrolau, permite que Paul li inchecte a John un acido ta matar-lo, pero consigue sobrevivir y matar él a Paul con a mesma ixaringa, ta dimpués matar a Phillip y a un atro emplegau d'o hespital. En ixe momento i plega Dan y ha de luitar con John, que dica l'inte ha sobreviviu a toz os intentos de matar-lo.
A cinta s'ambienta en a suya epoca actual (1982) en bel lugar de Texas y las suyas escenas se filmoron en Dallas, tamién en Texas. Localizacions de Silent Rage en Ìnternet Movie Database.
Elenco Silent Rage en Internet Movie Database. Actor Papel Notas ''''
Se veiga tamién Cine en 1982. Cintas de 1982.
Referencias
Categoría:Cintas ambientadas en Texas Categoría:Cintas ambientadas en 1982 Categoría:Cintas con banda sonora orichinal de Mark Goldenberg Categoría:Cintas con banda sonora orichinal de Peter Bernstein Categoría:Cintas con dirección de fotografía de Neil Roach Categoría:Cintas con dirección de fotografía de Robert Jessup Categoría:Cintas con guión de Joseph Fraley Categoría:Cintas con montache de Richard C. Meyer Categoría:Cintas de cine d'acción Categoría:Cintas de cine de ciencia-ficción Categoría:Cintas de cine policiaco Categoría:Cintas de cine de terror Categoría:Cintas d'Estaus Unius Categoría:Cintas dirichidas por Michael Miller Categoría:Cintas en anglés Categoría:Cintas en Metrocolor Categoría:Cintas interpretadas por Brian Libby Categoría:Cintas interpretadas por Chuck Norris Categoría:Cintas interpretadas por Ron Silver Categoría:Cintas interpretadas por Stephen Furst Categoría:Cintas interpretadas por Steven Keats Categoría:Cintas interpretadas por Toni Kalem Categoría:Cintas interpretadas por William Finley Categoría:Cintas producidas por Anthony B. Unger Categoría:Cintas rodadas en Dallas