"A media luz" (títol orichinal en castellano, en aragonés A meya luz) ye una canción de tango composada l'anyo 1925, con letra de Carlos César Lenzi y musica d'Edgardo Donato. Ye una d'as cancions de tango mas conoixidas, estando lo tercer tango mas gravau y difundiu dimpués de La cumparsita y El Choclo, Edgardo Donato. Un ritmo característico, en Tango 1880-1980 un siglo de historia, num. 19, p.73, dirichida por Alberto Fontevecchia, 1980, Buenos Aires. Editorial Perfil S.A. y ha estau obchecto de cuantas versions por os prencipals cantaires de tot o mundo, amanexendo tamién en as bandas sonoras de cuantas cintas.
Seguntes José Gobello, a letra d'a canción ye "mas lupanaria que erotica", José Gobello: Mujeres y hombres que hicieron el tango, p. 151, Buenos Aires, 2002, Centro Editor de Cultura Argentina, . y Carlos César Lenzi se dix que componio la letra cuan treballaba en una luxosa fiesta privada y un d'os convidaus apagó la luz prencipal d'o salón de baile en decindo "¡Ahora a media luz!", frase que reculló Lenzi y que se convertió en a copleta d'a canción, entregando la letra dimpués a Edgardo Donato ta que en componese la musica.
L'enguero d'a canción s'escaició en Montevideo, en Uruguai, cantada por Lucy Clory, una vedet chilena, en a revista Su majestad la revista, pero bien luego l'adoptoron os prencipals cantaires de tango, incluyindo-ie a Roberto Firpo y Carlos Gardel, popularizando-se dimpués universalment.
Referencias
Vinclos externos A media luz en a web Todo tango. A media luz cantada por Carlos Gardel en YouTube. A media luz cantada por Julio Iglesias en YouTube. A media luz cantada por Nat King Cole en YouTube. A media luz cantada por Sara Montiel en YouTube. A media luz cantada por Sara Montiel en YouTube, d'a cinta Mi último tango (1960, Luis César Amadori). A media luz cantada por Libertad Lamarque en YouTube. A media luz cantada por Roberto Firpo en YouTube. A media luz bailada por Fred Astaire y Cyd Charisse en YouTube, d'a cinta The Band Wagon (1953, Vincente Minnelli). A media luz en versión ta guitarra por Paco de Lucía y Ramón de Algeciras en YouTube.
Categoría:Cancions con musica d'Edgardo Donato Categoría:Cancions con letra de Carlos César Lenzi Categoría:Cancions de 1925 Categoría:Cancions de tango Categoría:Cancions d'Archentina Categoría:Cancions d'Uruguai Categoría:Cancions en castellano