The Flame and the Arrow (títol orichinal en anglés, en aragonés A flama y la flecha, estrenada en Aragón con o titol en castellano de El halcón y la flecha, en aragonés O falcón y la flecha) ye una cinta de l'anyo 1950 de cine d'aventuras de cine estausunidense dirichida por Jacques Tourneur seguntes un guión orichinal de Waldo Salt, con una banda sonora orichinal de Max Steiner, una dirección de fotografía d'Ernest Haller y una producción cinematografica de Harold Hecht y Frank Ross ta la productora cinematografica Warner Bros.. Conta con un elenco d'o cual en fan parte, en os suyoa papels principals, os actors Burt Lancaster, Virginia Mayo, Nick Cravat, Norman Lloyd, Robert Douglas, Robin Hughes, Victor Kilian, Francis Pierlot, Aline MacMahon, Frank Allenby, Gordon Gebert y Lynn Baggett.
En a Lombardía d'o sieglo XII, que alavez perteneixeba a lo Sacro Imperio Romano Chermanico, vive Dardo Bartoli, un "esprito libre", que ha decidiu levar a su fillo Rudi a la ciudat ta que conoixca a lo conte Ulrich, d'embotada O falcón. Iste ye con su sobrina, lady Anne, y con a suya amant, Francesca, que no ye atra que la esposa de Dardo, y iste aproveita ta amostrar a suya habilidat con l'arco en matar a un falcón de caza d'o conte, qui ta vengar-se odena lo secuestro d'o fillo de Dardo. Ulrich teneba planificau casar a su sobrina con o marqués Alessandro de Granazia ta asegurar a paz en a redolada, pero como iste se niega a pagar os elevaus impuestos que se li deseichen, Ulrich ordena lo suyo arresto y la incautación de todas as suyas propiedaz. Cuan Dardo lo libera en prebar de liberar a su fillo, decide unir-se a Dardo, que agora lidera una banda de bandius, y cuan tornan a dentrar en o castiello d'o conte nomás fan que levar-se a lady Anne, con a intención d'intercambiar-la con Rudi, pero lo conte secuestra a Pietro Bartoli, lo pai adoptivo de Dardo, y menaza de matar-lo si iste no s'entrega; cuan Dardo lo libera, Ulrich pilla a cinco habitants d'o lugar ta aforcar-los si Dardo no s'entrega, y iste finalment lo fa y ye (aparentment) aforcau publicament dabant de su fillo, que queda en mans d'o conte y de su mai infidel. Tanimientres, la muerte de Dardo no ha estau so que una trapaza y iste sigue vivo, y planifica cómo liberar a su fillo, encara que finalment o marqués l'ha traicionau.
A cinta s'ambienta a finals d'o sieglo XII en Lombardía y las suyas escenas se filmoron en Los Angeles y Simi Valley en California, amás d'en os Warner Brothers Burbank Studios en Burbank, tamién en California. Localizacions de The Flame and the Arrow en Internet Movie Database.
A cinta recibió dos nominacions a los Premios Oscar en a suya 23ena edición, a la Millor Fotografía en Color y a la Millor Banda Sonora Orichinal de Musical u Comedia, pero no consiguió lo premio en garra d'as dos categorías.
Elenco The Flame and the Arrow en Internet Movie Database. Actor Papel Notas ''''
Se veiga tamién Cine en 1950. Cintas de 1950.
Referencias
Vinclos externos
Categoría:Cintas ambientadas en Lombardía Categoría:Cintas ambientadas en o sieglo XII Categoría:Cintas con banda sonora orichinal de Max Steiner Categoría:Cintas con dirección de fotografía d'Ernest Haller Categoría:Cintas con guión de Waldo Salt Categoría:Cintas con montache d'Alan Crosland Jr. Categoría:Cintas de cine d'aventuras Categoría:Cintas d'Estaus Unius Categoría:Cintas dirichidas por Jacques Tourneur Categoría:Cintas en anglés Categoría:Cintas interpretadas por Aline MacMahon Categoría:Cintas interpretadas por Burt Lancaster Categoría:Cintas interpretadas por Francis Pierlot Categoría:Cintas interpretadas por Frank Allenby Categoría:Cintas interpretadas por Gordon Gebert Categoría:Cintas interpretadas por Lynn Baggett Categoría:Cintas interpretadas por Nick Cravat Categoría:Cintas interpretadas por Norman Lloyd Categoría:Cintas interpretadas por Robert Douglas Categoría:Cintas interpretadas por Robin Hughes Categoría:Cintas interpretadas por Victor Kilian Categoría:Cintas interpretadas por Virginia Mayo Categoría:Cintas producidas por Harold Hecht Categoría:Cintas producidas por Frank Ross Categoría:Cintas rodadas en Burbank Categoría:Cintas rodadas en Los Angeles Categoría:Cintas rodadas en Simi Valley