Iste articlo ye sobre una cinta de western estausunidense de l'anyo 1955; ta atros usos, se veiga Robbers' Roost y Robbers' Roost (cinta).
Robbers' Roost (títol orichinal en anglés, en aragonés Gallinero de ladrons, estrenada en Aragón con o títol en castellano de Nido de ladrones, en aragonés Niedo de ladrons) ye una cinta de cine estausunidense de cine de western de l'anyo 1955 dirichida por Sidney Salkow seguntes un guión adaptau por John O'Dea, Sidney Salkow y Maurice Geraghty (basau en a novela Robbers' Roost, publicada por Zane Grey l'anyo 1932), con una banda sonora orichinal de Paul Dunlap, una dirección de fotografía de Jack Draper y una producción cinematografica a lo cudiau de Robert Goldstein y Leonard Goldstein ta la suya productora cinematografica Goldstein-Jacks Productions. L'elenco d'a cinta ye formau, en os suyos papels principals, por George Montgomery, Richard Boone, Sylvia Findley, Bruce Bennett, Peter Graves, Tony Romano, Warren Stevens, William Hopper, Stanley Clements y Leo Gordon, entre d'atros actors.
Bull Herrick ye lo propietario d'un rancho y amenista contractar a cowboys ta lo treballo con o rabanyo en estar él invalido. Encara que sospeita que se tracta de ladrons de ganau, se veye obligau a contractar a dos hombres, Hays y Heesman, que en estar barallaus entre éls creye que se croixidarán l'uno a l'atro. Bien luego i plega en o rancho su chirmana, Helen, qui quiere que su chirmano marche con ella enta l'este a on bi ha buenos medicos ta qye miren de guarir-lo. Tex acaba de plegar en a ciudat y tamién dentra a treballar en o rancho, ganando-se l'amistat de Bull, a qui aconsella que cudie d'a suya chirmana, a qui se li pueden presentar prerendients molestos. Hays y Heesman, encara que barallaus, han acordau robar o vacumen y repartir-lo entre éls. Tex li aconsella a Helen que venda lo rabanyo de forma rapeda, ta privar de tener problemas, y ista marcha enta la ciudat ta buscar un comprador. Tanimientres, cuan plega en a ciudat troba un cartel con a imachen de Tex, un nombre, Jim Wall, y la mención de que ye buscau por asasinato, y en consecuencia desconfía d'él. Dimpués Hays roba todo lo cornamen y amás secuestra a Helen, y d'una man o "sheriff" y d'atra la banda de Heesman lo persiguen, y Tex consigue liberar a Helen, qui finalment conoix que n realidat Tex/Jim Wall nomás heba feito que disparar contra dos hombres que heban asasinau a su muller, y que feban parte d'a banda de Hays, a qui perseguiba dende alavez.
A cinta s'ambienta en bel momento indeterminau d'o sieglo XIX en o "Far West" y las suyas escenas se filmoron en o estau mexicano de Durango. Localizacions de Robbers' Roost en Internet Movie Database.
Elenco Robbers' Roost en Internet Movie Database. Actor Papel Notas ''''
Se veiga tamién Cine en 1955. Cintas de 1955.
Referencias
Categoría:Cintas ambientadas en Estaus Unius Categoría:Cintas ambientadas en o sieglo XIX Categoría:Cintas con banda sonora orichinal de Paul Dunlap Categoría:Cintas con dirección de fotografía de Jack Draper Categoría:Cintas con guión de John O'Dea Categoría:Cintas con guión de Maurice Geraghty Categoría:Cintas con guión de Sidney Salkow Categoría:Cintas con montache de George A. Gittens Categoría:Cintas de western Categoría:Cintas d'Estaus Unius Categoría:Cintas dirichidas por Sidney Salkow Categoría:Cintas en anglés Categoría:Cintas en Color by DeLuxe Categoría:Cintas en Eastmancolor Categoría:Cintas interpretadas por Bruce Bennett Categoría:Cintas interpretadas por George Montgomery Categoría:Cintas interpretadas por Leo Gordon Categoría:Cintas interpretadas por Peter Graves Categoría:Cintas interpretadas por Richard Boone Categoría:Cintas interpretadas por Stanley Clements Categoría:Cintas interpretadas por Sylvia Findley Categoría:Cintas interpretadas por Tony Romano Categoría:Cintas interpretadas por Warren Stevens Categoría:Cintas interpretadas por William Hopper Categoría:Cintas producidas por Leonard Goldstein Categoría:Cintas producidas por Robert Goldstein Categoría:Cintas rodadas en o estau de Durango