Enrique Esteban Julve, naixiu de Fuents Claras (Xiloca, Teruel) o 5 de febrero de 1893 y muerto en ixa mesma localidat o 13 de mayo de 1968 estió un politico y sindicalista aragonés, alcalde d'o suyo municipio natal mientres a Segunda Republica. Manuel García Gargallo: Enrique Esteban, el silenciado alcalde de Fuentes Claras, en El Periódico de Aragón, 14 de chulio de 2024 Enrique Esteban Julve en a Xilocapedia.

Oríchens Enrique Esteban proveniba d'una familia humil y estió labrador de profesión, pero podió desarrollar una vocación politica que lo levó a implicar-se en a vida social d'o municipio. Inicialment estió socio d'o Sindicato Agrícola Católico local, uniu a la FTSAC (Federación Turolense de Sindicatos Agricolas Catolicos) y posteriorment tenió un papel relevant en a politica local. José Serafín Aldecoa Bravo: Entre el hambre de tierra y el despertar social: La II República en tierras del Jiloca (1931-1936) (.pdf). Centro de Estudios del Jiloca, Calamocha, 2009. .

A Segunda Republica Estió esleyiu concellero en as eleccions municipals celebradas lo 12 d'abril de 1931, en as que lo bloque de dreitas resultó vencedor. Manimenos, lo resultau estió impugnau per cuantas irregularidaz y los comicios se repitioron o 31 de mayo d'o mesmo anyo, salindo vencedora la Conjunción Republicano-Socialista por a cual Enrique Esteban fue esleyiu alcalde.

Mientres o suyo mandato s'empentoron cuntas iniciativas. Una d'as mas destacadas estió lo prochecto de construcción d'escuelas municipals, que topó con a oposición d'os prencipals propietarios d'o lugar, organizadu a traviés d'o Partido Republicano Radical (PRR), a causa d'a elevada inversión publica que suposaría lo prochecto. Isto se materializó lo 7 d'octubre de 1932 cuan un grupo de mullers, esposas d'os caciques locals, irrumpioron violentament en a casa d'o lugar agredindo a las fuerzas de l'orden y a lo propio alcalde, con l'obchectivo d'aturar o cobro municipal extraordinario destinau a lo prochecto. L'incident tenió relevancia nacional en amanixendo en a prensa d'a epoca. Con tot i con ixo, lo proceso continó y mesmo recibió una subvención estatal pa la suya construcción, Expediente incoado por el Ayuntamiento de Fuentes Claras (Teruel), solicitando subvención del Estado para construir directamente un edificio con destino a cuatro Escuelas unitarias, dos para niños y das para niñas, en a Gaceta de Madrid (BOE), 2 d'octubre de 1933, num. 275, p. 18. encara que no se remató lo prochecto que dica los anyos 1940.

Un atro feito relevant s'escaició con motivo de l'aplicación d'a Reforma agraria, cuan o 31 de marzo de 1936 estioron aturaus per la Guardia Civil os parceladors ninviaus per o Concello a requerimiento d'un d'os grans propietarios d'o lugar. En a manifestación popular d'emparo a los detenius s'escaicioron cuantos incidentes y augmentó la tensión social ya existent, mas encara, en os meses previos a lo golpe d'estau d'o 18 de chulio.

Dimpués d'as eleccions chenerals de 1933 y lo cambio de partius en o gubierno nacional, Enrique Esteban continó en o suyo cargo, tot y que los gubernadors civils provincials teneban a potestat de nombrar alcaldes independientment d'as mayorías locals existents. Tamién se mantenió dimpués d'as eleccions chenerals de 1936, porque la nueva mayoría d'ezquierda yera mas en sintonía con a suya ideolochía (Esteban perteneixió a lo Partido Socialista Obrero Español y dimpués a Izquierda Republicana).

A Guerra Civil Dimpués d'o golpe d'estau de 1936 y esclatar a Guerra civil, Enrique Esteban remanió en o suyo puesto asperando escaicimientos; ya conoixedor d'o trunfo d'o golpe militar en a suya zona podió fuyir y plegó en Valencia, en zona republicana, a on i remanió dica lo final d'a guerra.

A posguerra En rematar o conflicto belico fue engarcholau en o monesterio de Sant Miguel d'os Reis en Valencia, que alavez funcionaba como garchola. Fue sozmeso a un proceso politico per "actividaz antipatrióticas y contrarias a lo Movimiento Nacional" y condenau a doce anyos de garchola. Amás, se li incautoron bienes de diferent consideración y en 1941 lo Tribunal de Responsabilidaz Politicas lo condenó a pagar 10.000 pecetas per as suyas actividaz politicas. Juzgados civiles especiales de responsabilidades políticas. Relación de inculpados y sanciones, Boletín Oficial del Estado, 19 de setiembre de 1941, num. 262, p. 3.477. Remanió engarcholau en Sant Miguel d'os Reis dica 1944, cuan recibió la condicional. ORDEN de 4 de noviembre de 1944 por la que se concede la libertad condicional a noventa y nueve penados, Boletín Oficial del Estado, 15 d'aviento de 1944, num. 350, p. 9.418.

Podió tornar en Fuents Claras y en 1958 desbanzó parcialment a suya situación en estar indultau de la pinyora economica imposada, pero remanió aluenyau de toda actividat publica dica la suya muerte en 1968.

Bibliografía José Serafín Aldecoa Bravo: Entre el hambre de tierra y el despertar social: La II República en tierras del Jiloca (1931-1936) (.pdf). Centro de Estudios del Jiloca'', Calamocha, 2009. .

Referencias

Categoría:Alcaldes de Fuents Claras Categoría:Alcaldes d'Izquierda Republicana Categoría:Alcaldes d'o Partido Socialista Obrero Español Categoría:Politicos d'Aragón Categoría:Politicos d'Izquierda Republicana Categoría:Politicos d'o Partido Socialista Obrero Español Categoría:Sindicalistas d'Aragón Categoría:Naixius de Fuents Claras Categoría:Muertos en Fuents Claras Categoría:1893 (naixencias) Categoría:1968 (muertes)