Iste articlo ye sobre una cinta estausunidense de cine belico epico de l'anyo 1943; ta atros usos, se veiga For Whom the Bell Tolls.

For Whom the Bell Tolls (títol orichinal en anglés, en aragonés Por qui tanyen as campanas, estrenada en Aragón con o suyo títol traduciu enta lo castellano de Por quién doblan las campanas) ye una cinta de cine estausunidense de cine de drama epico belico estrenada l'anyo 1943, dirichida por Sam Wood seguntes un guión adaptau por Dudley Nichols (basau en a novela For Whom the Bell Tolls que heba publicau Ernest Hemingway en l'anyo 1940), con una banda sonora orichinal de Victor Young, una dirección de fotografía de Ray Rennahan y una producción cinematografica de Sam Wood ta la productora cinematografica Paramount Pictures. L'elenco d'actors d'a cinta ye formau, en os suyos papels principals, por Gary Cooper, Ingrid Bergman, Akim Tamiroff, Arturo de Córdova, Vladimir Sokoloff, Mikhail Rasumny, Fortunio Bonanova, Eric Feldary, Victor Varconi, Joseph Calleia, Lilo Yarson, Katina Paxinou, Alexander Granach, Adia Kuznetzoff, Leonid Snegoff, Leo Bulgakov, Duncan Renaldo, Frank Puglia, Pedro de Cordoba, Michael Visaroff, Martin Garralaga, Jean Del Val y John Mylong.

Robert Jordan ye un mayestro estausunidense que partecipa en a Guerra Civil Espanyola como miembro d'as Brigadas Internacionals contra los sublevaus mandaus por Francisco Franco, y conoix prou bien a mentalidat espanyola en haber viviu en Espanya antes d'a guerra. Por ixo y por a suya condición d'experto en explosivos, l'Alto Mando de l'Exercito Popular Republicano lo ninvía en a redezaga d'as tropas franquistas ta que, con a colaboración d'un grupo de guerrillers, destruya un puent estratechico que servirá ta que los franquistas fagan plegar en o frent refuerces ta frenar l'abance d'una imminent ofensiva republicana. Robert contacta con Anselmo, qui a la vegada lo conduz enta lo grupo de guerrilleros, mandaus por Pablo. Bien luego, Robert s'enamora de María, una choven que fa parte d'o grupo, y que ye marcada mentalment por l'asasinato de su pai (alcalde d'o suyo lugar) y de su mai y por a suya propia violación por part d'un grupo de falanchistas. A la vegada, Robert topa on Pablo, lo líder d'o grupo, que considera que si colaboran en a destrucción d'o puent se trobarán en periglo en atrayer l'atención d'as tropas franquistas. Pero Jordan recibe lo refirme de Pilar, a parella de Pablo, qui se converte en a verdadera líder d'o grupo en apartando a Pablo y se coloca a las órdens de Jordan, y qui amás ixalenta la relación entre Jordan y María. Tanimientres, as tropas franquistas consiguen destruyir a un atro grupo guerrillero amán d'o grupo de Jordan, y amás parixen conoixer la imminent ofensiva republicana y han acumulau tropas ta repeler l'ataque encara que Jordan consiga destruyir o puent.

A cinta s'ambienta en Espanya en bel momento entre 1936 y 1939 mientres a Guerra Civil Espanyola, y las suyas escenas se filmoron en bels puestos de California (incluyindo-ie Sacramento y lo paso de Sonora) y en Nevada, amás d'en os Paramount Studios en Los Angeles, tamién en California. Localizacions de For Whom the Bell Tolls en Internet Movie Database.

For Whom the Bell Tolls ha recibiu cuantos premios y nominacions, en destacando un Premio Oscar a la Millor Actriz Segundaria y atras ueito nominacions (Millor Cinta, Millor Actor, Millor Actriz, Millor Actor Segundario, Millor Fotografía en Color, Millor Disenyo de Producción, Millor Montache y Millor Banda Sonora Orichinal) en a suya 16ena edición, y dos Premios Globos d'Oro (Millor Actriz Segundaria y Millor Actor Segundario) en a suya 1era edición.

Elenco For Whom the Bell Tolls en Internet Movie Database. Actor Papel Notas ''''

Se veiga tamién Cine en 1943. Cintas de 1943.

Vinclos externos

Referencias

Categoría:Cintas ambientadas en Espanya Categoría:Cintas ambientadas en os anyos 1930 Categoría:Cintas con banda sonora orichinal de Victor Young Categoría:Cintas con dirección de fotografía de Ray Rennahan Categoría:Cintas con guión de Dudley Nichols Categoría:Cintas con montache de John F. Link Sr. Categoría:Cintas con montache de Sherman Todd Categoría:Cintas de cine belico Categoría:Cintas de cine de drama Categoría:Cintas de cine epico Categoría:Cintas d'Estaus Unius Categoría:Cintas dirichidas por Sam Wood Categoría:Cintas en anglés Categoría:Cintas en castellano Categoría:Cintas en Technicolor Categoría:Cintas interpretadas por Adia Kuznetzoff Categoría:Cintas interpretadas por Akim Tamiroff Categoría:Cintas interpretadas por Alexander Granach Categoría:Cintas interpretadas por Arturo de Córdova Categoría:Cintas interpretadas por Duncan Renaldo Categoría:Cintas interpretadas por Eric Feldary Categoría:Cintas interpretadas por Fortunio Bonanova Categoría:Cintas interpretadas por Frank Puglia Categoría:Cintas interpretadas por Gary Cooper Categoría:Cintas interpretadas por Ingrid Bergman Categoría:Cintas interpretadas por Jean Del Val Categoría:Cintas interpretadas por John Mylong Categoría:Cintas interpretadas por Joseph Calleia Categoría:Cintas interpretadas por Katina Paxinou Categoría:Cintas interpretadas por Leo Bulgakov Categoría:Cintas interpretadas por Leonid Snegoff Categoría:Cintas interpretadas por Lilo Yarson Categoría:Cintas interpretadas por Martin Garralaga Categoría:Cintas interpretadas por Michael Visaroff Categoría:Cintas interpretadas por Mikhail Rasumny Categoría:Cintas interpretadas por Pedro de Cordoba Categoría:Cintas interpretadas por Victor Varconi Categoría:Cintas interpretadas por Vladimir Sokoloff Categoría:Cintas producidas por Sam Wood Categoría:Cintas rodadas en California Categoría:Cintas rodadas en Nevada Categoría:Cintas rodadas en Sacramento (California) Categoría:Cintas sobre a Guerra Civil Espanyola