As bestas (títol orichinal en gallego, en aragonés As bestias, estrenada en Aragón co o suyo títol orichinal) ye una cinta de cine de drama d'intriga coproducida por o cine espanyol y lo cine francés, estrenada l'anyo 2022, dirichida por Rodrigo Sorogoyen seguntes un guión orichinal d'Isabel Peña y Rodrigo Sorogoyen, con una banda sonora orichinal d'Olivier Arson, una dirección de fotografía d'Alejandro de Pablo Pérez y una producción cinematografica de Thomas Pibarot, Anne-Laure Labadie, Jean Labadie, Rodrigo Sorogoyen, Nacho Lavilla, Eduardo Villanueva, Sandra Tapia Diaz, Ignasi Estapé y Ibon Cormenzana. Conta con un elenco formar por os actors Denis Ménochet, Marina Foïs, Luis Zahera, Diego Anido, Marie Colomb, Machi Salgado y Luisa Merelas, entre d'atros.
As bestas s'inspira en un feito real, un asasinato cometiu en chinero de 2010 en a parroquia de Santoalla do Monte en o termin municipal de Petín en a provincia gallega d'Ourense, cuan uns vecins d'o lugar asasinoron a una parella neerlandesa. En a cinta se conta cómo Antoine, un francés, s'instala en una chicota aldeya gallega acompanyau por su muller Olga. Bien luego prencipia a tener friccions con dos chirmanos d'o lugar, Anta y Lorenzo, motivaus por o feito que los chirmanos quieren vender bellas propiedaz ta que se i instale un parque eolico, y Antoine se niega en estar un ecolochista convenciu. Os atros vecins d'o lugar, encara que no comparten as formas d'os chirmanos, tamién deseyan vender as suyas propiedaz a lo parque eolico, y ka parella francesa se troba cada vegada mas acosada, y marchan a denunciar os feitos a la Guardia Civil, pero en realidat no fan cosa y nomás li dicen que prebe de dialogar con os vecins d'o lugar. Bien luego Antoine decide grabar os acosos d'os chirmanos, que plegan a emponzonyar l'augua que fan servir ta regar as verduras d'o suyo huerto, pero ixo encara enaltera mas a los chirmanos, que menazan con un arma a la parella. Cuan muere lo solo vecino que tamién s'oponeba a lo parque y por contra lo suyo fillo y hereu l'accepta, la parella francesa se troba sola. Finalment, los chirmanos asasinan a Antoine, encara que iste ha amagau una camara y ha grabau lo suyo asasinato. Tanimientres, no se troban prebas d'o crimen, dica que un anyo dimpués Olga troba la camara, encara que con o dispositivo de grabación danyau.
A cinta s'ambienta en a suya epoca actual (2022) en bel puesto indeterminau de Galicia, y las suyas escenas se filmoron en o lugar de Quintela en o termin municipal de Barxas, en Ponferrada y Vilafranca del Bierzo (Leyón, Castiella y Leyón) y en Becerreá (Lugo, Galicia). Localizacions d'As Bestas en Internet Movie Database.
As bestas ye una cinta que ha recibiu cuantos premios y nominacions, en destacando entre éls nueu Premios Goya (Millor Cinta, Millor Dirección, Millor Guión Orichinal, Millor Actor, Millor Actor Segundario, Millor Fotografia, Millor Montache, Millor Musica Orichinal y Millor Soniu) y ueito nominacions (Millor Actriz, Millor Actor Segundario, Millor Actriz Segundaria, Millor Dirección Artistica, Millor Disenyo de Vestuario, Millor Maquillache y Peluquería, Millors Efectos Especials y Millor Dirección de Producción) en a suya 37ena edición, un Premio César a la Millor Cinta Forana en a suya 48ena edición y un Premio David de Donatello a la Millor Cinta Forana en a suya 69ena edición.
Elenco As bestas en Internet Movie Database. Actor Papel Notas ''''
Se veiga tamién Cine en 2022. Cintas de 2022.
Vinclos externos
Referencias
Categoría:Cintas ambientadas en Galicia Categoría:Cintas ambientadas en 2022 Categoría:Cintas con banda sonora orichinal d'Olivier Arson Categoría:Cintas con dirección de fotografía d'Alejandro de Pablo Pérez Categoría:Cintas con guión d'Isabel Peña Categoría:Cintas con guión de Rodrigo Sorogoyen Categoría:Cintas con montache d'Alberto del Campo Categoría:Cintas de cine de drama Categoría:Cintas de cine d'intriga Categoría:Cintas d'Espanya Categoría:Cintas de Francia Categoría:Cintas dirichidas por Rodrigo Sorogoyen Categoría:Cintas en castellano Categoría:Cintas en francés Categoría:Cintas en gallego Categoría:Cintas interpretadas por Denis Ménochet Categoría:Cintas interpretadas por Diego Anido Categoría:Cintas interpretadas por Luis Zahera Categoría:Cintas interpretadas por Luisa Merelas Categoría:Cintas interpretadas por Machi Salgado Categoría:Cintas interpretadas por Marie Colomb Categoría:Cintas interpretadas por Marina Foïs Categoría:Cintas producidas por Anne-Laure Labadie Categoría:Cintas producidas por Eduardo Villanueva Categoría:Cintas producidas por Ibon Cormenzana Categoría:Cintas producidas por Ignasi Estapé Categoría:Cintas producidas por Jean Labadie Categoría:Cintas producidas por Nacho Lavilla Categoría:Cintas producidas por Rodrigo Sorogoyen Categoría:Cintas producidas por Sandra Tapia Diaz Categoría:Cintas producidas por Thomas Pibarot Categoría:Cintas rodadas en Becerreá Categoría:Cintas rodadas en Ponferrada Categoría:Cintas rodadas en Quintela (Leyón) Categoría:Cintas rodadas en Vilafranca del Bierzo Categoría:Premio Goya a la Millor Cinta