A ilesia de Nuestra Sinyora de l'Asumpción d'Utevo ye una ilesia d'estilo gotico-mudéchar con elementos barrocos que se troba en Utevo (Aragón). A suya torre ye un d'os eixemplos mas emblematicos d'o mudéchar aragonés, testimonio d'a pervivencia y puixanza d'iste estilo.
Historia En o cuerpo d'o templo se pueden veyer dos etapas constructivas diferents, a mudéchar, d'a que se conserva a nau construyida en o sieglo XVI, y a barroca, realizada en o sieglo XVIII.
En l'anyo 1510 se fa a cabecera, que actualment ya no se conserva, y un trampo contiguo d'a ilesia mudéjar. I heba un retablo encargau en 1512 a Chuan Madrid que tampoco no se conserva en l'actualidat. S'encargaría de rematar a ilesia Antón de Sarinyena, mayestro de obras de Zaragoza, seguindo o modelo d'o trampo ya existent y construyindo capiellas entre os contrafuertes. Ista fase duraría entre os anyos 1514 y 1521 y en ella s'espaldaban partis de l'antiga ilesia mientres se construyiban as nuevas. En iste contracto d'especificaba que os nuevos trampos s'heban de fer: En COAATZ
A torre se yera construyindo en 1543, estando rematada, seguntes a inscripción ceramica que apareixe en a propia torre, en 1544 por Alonso de Leznes.
Entre 1777 y 1797 os mayestros d'obras zaragozanos Matheo Jorge Mayor y Matheo Jorge Menor substituyen a cabecera mudéchar por una barroca. Alavez s'adhibió tamién un transepto, capiellas laterals y una portalada de tipo clasicista.
Descripción thumb|left|Detalle de azulejos en la torre mudéjar L'interior d'a ilesia ye formau por una sola nau cubierta por vueltas de crucería. Entre os contrafuertes i hai capiellas laterals a on se pueden trobar recholas en zoclos y arrimaders.
L'actual cabecera d'o sieglo XVIII, que habió de substituyir a la orichinal gotica de planta poligonal, ye cuadrada y se troba precedida d'una cupula sobre o crucero d'o transepto.
A torre ye rematada por un chapitel, que suposa a traslación de remates goticos d'ixas envueltas. Ye una construcción realizada totalment en ladriello asentau con cheso, como ye habitual en l'arquitectura d'a val d'Ebro aragonés. A parte baixa d'a torre ye de planta cuadrada, mientres que o cuerpo superior ye de sección octogonal.
Curiosidaz I hai una reproducción d'ista ilesia en o Poble Espanyol de Barcelona Torre mudéjar de Utebo en Turismo d'Aragón, apareixendo tamién en cartels d'a Exposición Internacional de Barcelona de 1929.
Referencias
Vinclos externos Ficha en gcatholic.org En www.aragonmudejar.com En campaners.com Arte. Concello d'Utevo. Guía de la iglesia de Utebo, Zaragoza. Arteguías
Nuestra Sinyora de l'Asumpción d'Utevo Nuestra Sinyora de l'Asumpción d'Utevo Nuestra Sinyora de l'Asumpción d'Utevo Nuestra Sinyora de l'Asumpción d'Utevo Nuestra Sinyora de l'Asumpción d'Utevo Utevo Nuestra Sinyora de l'Asumpción d'Utevo Categoría:Molimentos d'Utevo