Kings of the Sun (títol orichinal en anglés, en aragonés Reis d'o Sol, estrenada en Aragón con o suyo títol traduciu enta lo castellano como Los reyes del sol) ye una cinta de cine estausunidense de cine de drama d'aventuras historicas estrenada l'anyo 1963, dirichida por J. Lee Thompson seguntes un guión adaptau por James R. Webb (basau en una historia d'Elliott Arnold), con una banda sonora orichinal d'Elmer Bernstein, una dirección de fotografía de Joseph MacDonald y una producción cinematografica de Lewis J. Rachmil ta la productora cinematografica The Mirisch Corporation. Conta con un elenco d'actors d'o cual en fan parte, entre d'atros, Yul Brynner, George Chakiris, Shirley Anne Field, Richard Basehart, Brad Dexter, Barry Morse, Armando Silvestre, Leo Gordon, Victoria Vetri, Rudy Solari y Ford Rainey.
Balam ye lo fillo d'o rei d'una ciudat-estau d'a cultura maya en que los suyos soldaus emplegan armas de fusta con filos d'obsidiana. En una batalla contra ches mandadas por Hunac Ceel, que combaten con armas con filos de metal, muere su pai. Encara que lo succede Balam, os suyos conselleros lo convencen ta albandonar o Yucatán y trescruzar o golfo de Mexico enta lo norte, enta la costa d'os actuals Estaus Unius. Cuan o suyo grupo plega en a costa, troba una ciudat y convencen a los suyos habitants ta que pongan a la suya disposición os suyos barcos y s'incorporen a la suya migración, y istos acceptan siempre que Balam se case con a filla d'o rei d'a ciudat, cosa que accepta, y toz trescruzan o golfo. En plegar en a costa norte d'o golfo, troban que la resolada ye ocupada por una tribiuliderada por un chefe claman Aliga Negra, que no amuestran masiau entusiasmo con os suyos nuevos vecins. En una incursión contra los mayas, Aliga Negra ye feriu y capturau, y qui lo cudia y lo cura ye Ixchel, a novia de Balam, por qui bien luego Aliga Negra amuestra un intrés amoroso. D'atra man, Balam se troba presionau por os chefes relichiosos d'o suyo pueblo, que deseyan sacrificios humans, encara que él personalment en ye contrario, dica lo punto de que libera a Aliga Negra, que yera qui heba d'estar sacrificau. Aliga Negra y Balam plegan a l'alcuerdo de coexistir pacificament, pero bien luego os problemas de zelos por Ixchel fan que se produzca una ruptura, chusto cuan plegan en o lugar os guerreros de Hunac Ceel, que los han perseguiu a traviés d'o golfo.
A cinta s'ambienta en o sieglo XIII en os actuals Mexico y Estaus Unius, y las suyas escenas se filmoron en Chichén Itzá en l'actual estau de Yucatán y en Mazatlán en Sinaloa en Mexico, amás d'en os Estudios Churubusco en Ciudat de Mexico. Localizacions de Kings of the Sun en Internet Movie Database.
Elenco Kings of the Sun en Internet Movie Database. Actor Papel Notas ''''
Se veiga tamién Cine en 1963. Cintas de 1963.
Referencias
Categoría:Cintas ambientadas en Estaus Unius Categoría:Cintas ambientadas en Mexico Categoría:Cintas ambientadas en o sieglo XIII Categoría:Cintas con banda sonora orichinal d'Elmer Bernstein Categoría:Cintas con dirección de fotografía de Joseph MacDonald Categoría:Cintas con guión de James R. Webb Categoría:Cintas con montache de William Reynolds Categoría:Cintas de cine d'aventuras Categoría:Cintas de cine de drama Categoría:Cintas de cine historico Categoría:Cintas d'Estaus Unius Categoría:Cintas dirichidas por J. Lee Thompson Categoría:Cintas en anglés Categoría:Cintas interpretadas por Armando Silvestre Categoría:Cintas interpretadas por Barry Morse Categoría:Cintas interpretadas por Brad Dexter Categoría:Cintas interpretadas por Ford Rainey Categoría:Cintas interpretadas por George Chakiris Categoría:Cintas interpretadas por Leo Gordon Categoría:Cintas interpretadas por Richard Basehart Categoría:Cintas interpretadas por Rudy Solari Categoría:Cintas interpretadas por Shirley Anne Field Categoría:Cintas interpretadas por Victoria Vetri Categoría:Cintas interpretadas por Yul Brynner Categoría:Cintas producidas por Lewis J. Rachmil Categoría:Cintas rodadas en Ciudat de Mexico Categoría:Cintas rodadas en Mazatlán Categoría:Cintas rodadas en Yucatán