Rosa María Reyes Delgado, conoixida esportivament como Rosie Reyes, Pajarita Reyes u Rosie Darmon, naixida de Ciudat de Mexico (Mexico) lo 23 de marzo de 1939 y muerta en ixa mesma capital o 4 de chinero de 2024, Falleció a los 84 años Rosa María Reyes, leyenda del tenis mexicano, en La Jornada, 5 de chinero de 2024. estió una chugadora de tenis mexicana, activa en o mundo d'o tenis dende finals d'os anyos 1950 dica finals d'os anyos 1970.
Partecipó en os Chuegos Olimpicos de Mexico 1968 en dobles y dobles mixtos, estando lo tenis en ixa edición un esporte de demostración, ganando-ie una medalla d'oro, una d'archent y una atra de bronce. Tamién ganó un títol de Grand Slam, o Torneyo de Roland Garros de 1958 en a modalidat de dobles, chunto con Yolanda Ramírez, estando las primeras mexicanas en ganar un títol de Grand Slam, y tamién plegó en semifinals en l'Open d'Australia en 1965 y tres vegadas en o Torneyo de Wimbledon, en 1957, 1958 y 1959.
En 1960 casó con o tenista francés Pierre Darmon, con qui formó parella en cuantos partius en dobles, y dimpués d'a suya voda obtenió la nacionalidat francesa.
Carrera esportiva Chuegos Olimpicos Rosie Reyes partecipó en os Chuegos Olimpicos de Mexico 1968 en as modalidaz de dobles y dobles mixtos, estando en ixa edición o tenis encara un esporte de demostración, ganando-ne-ie una medalla d'oro, una d'archent y una atra de bronce (ista zaguera formando parella con su mariu, Pierre Darmon).
Torneyos de Grand Slam Torneyo de Roland Garros En o Torneyo de Roland Garros, Rosie Reyes participó en a edición de 1958 en a modalidat de dobles, fendo parella con a tamién mexicana Yolanda Ramírez, estando asinas as primeras mexicanas en ganar un títol de Grand Slam.
En a edición de 1974 plegó dica semifinals en a modalidat de dobles, fendo parella con o mexicano Marcelo Lara.
Tamién participó en dobles (siempre con Yolanda Ramírez) en as edicions de 1957 (eliminadas por Shirley Bloomer y Darlene Hard) y 1959 (eliminadas por Sandra Reynolds y Renée Schuurman).
Torneyo de Wimbledon En o Torneyo de Wimbledon partecipó en tres edicions, en 1957, 1958 y 1959, plegando en todas tres a semifinals, fendo parella con Yolanda Ramírez.
Referencias
Categoría:Tenistas de Mexico Categoría:Tenistas de Mexico en os Chuegos Olimpicos de 1968 Categoría:Medalla d'archent en os Chuegos Olimpicos Categoría:Medalla de bronce en os Chuegos Olimpicos Categoría:Medalla d'oro en os Chuegos Olimpicos Categoría:Medalla d'oro en os Chuegos Panamericanos Categoría:Medallistas olimpicos de Mexico Categoría:Muertos en Ciudat de Mexico Categoría:Naixius de Ciudat de Mexico Categoría:1939 (naixencias) Categoría:2024 (muertes)