Alien Resurrection (títol orichinal en anglés, en aragonés Resurrección de l'alienichena, estrenada en Aragón con o títol d'Alien: Resurrección) ye una cinta de cine estausunidense de cine de terror y cine de ciencia-ficción estrenada l'anyo 1997, dirichida por Jean-Pierre Jeunet seguntes un guión adaptau por Joss Whedon (basau en os personaches creyaus por Dan O'Bannon y Ronald Shusett ta Alien, la primera cinta d'a franquicia Alien), con una banda sonora orichinal de John Frizzell, una dirección de fotografía de Darius Khondji y una producción cinematografica de Gordon Carroll, David Giler, Sigourney Weaver, Walter Hill y Bill Badalato ta la productoras 20th Century Fox y Brandywine Productions. Conta con un elenco d'actors formau por Sigourney Weaver, Nicole Fellows, Winona Ryder, Dominique Pinon, Ron Perlman, Gary Dourdan, Michael Wincott, Kim Flowers, Dan Hedaya, J. E. Freeman, Brad Dourif, Raymond Cruz, Leland Orser, Carolyn Campbell, Marlene Bush, David St. James y Tom Woodruff Jr., entre d'atros.
200 anyadas dimpués d'os escaicimientos narraus en Alien 3 (1992, David Fincher), a tecnolochía ha abanzau muitismo, y los militars consiguen recuperar una part de l'ADN d'a tenient Ripley, esbarranchau con l'ADN de l'alien. Dimpués de muitas prebas en una nau espacial que funciona como labroratorio secreto y clandestino, consiguen l'exito en as suyas investigacions y logran clonar a Ripley, a qui dimpués extirpan l'alien implantau en o suyo cuerpo. Tanimientres, una part de l'ADN de l'alien fa parte ya indisolublement de l'ADN de Ripley. L'alien que li han extirpau ye una reina que pone, y los huevos que pone amenistan un huespeda, asinas que lo cheneral que manda la instalación contracta a uns mercenarios ta que li subministren cuerpos humans y istos secuestran una nau espacial que tranporta los cuerpos dormius de treballadors que marchan ta terraformar una planeta, que una vegada entregaus a los militars istos fan servir como cuerpos receptors d'os huevos ta creyar una cheneración d'aliens. Tanimientres, os aliens consiguen fuyir d'o suyo encadamiento y prencipian a atacar a os militars, que mueren u fuyen d'a nau, deixando nomás que a lo chicot grupo de mercenarios y a Ripley, que han de colaborar ta sobrevivir, con l'agravant de que, en cumplimieno d'os protocolos de seguridat, a nau en que se troban éls y los aliens torna en o suyo puerto base, que no ye atro que la Tierra. Y toz saben que, si los aliens plegan en a Tierra, será lo fin d'a Humanidat.
A cinta s'ambienta en o espacio exterior en o sieglo XXIV, y las suyas escenas se filmoron en Ottawa en Ontario y en Winnipeg en Manitoba (Canadá) y en Long Beach en California (Estaus Unius), amás d'en os 20th Century Fox Studios en Los Angeles, tamién en California. Localizacions d'Alien Resurrection en Internet Movie Database.
Ye una cinta que ha recibiu cuantos premios y noninacions, encara que garra d'istos premios no perteneixe a los premios cinematograficos mas destacaus.
Elenco Alien Resurrection en Internet Movie Database. Actor Papel Notas ''''
Se veiga tamién Cine en 1997. Cintas de 1997.
Referencias
Vinclos externos
Categoría:Cintas ambientadas en o sieglo XXIV Categoría:Cintas con banda sonora orichinal de John Frizzell Categoría:Cintas con dirección de fotografía de Darius Khondji Categoría:Cintas con guión de Joss Whedon Categoría:Cintas con montache d'Hervé Schneid Categoría:Cintas de cine de ciencia-ficción Categoría:Cintas de cine de terror Categoría:Cintas d'Estaus Unius Categoría:Cintas dirichidas por Jean-Pierre Jeunet Categoría:Cintas en anglés Categoría:Cintas en Panavision Categoría:Cintas en Technicolor Categoría:Cintas interpretadas por Brad Dourif Categoría:Cintas interpretadas por Carolyn Campbell Categoría:Cintas interpretadas por Dan Hedaya Categoría:Cintas interpretadas por David St. James Categoría:Cintas interpretadas por Dominique Pinon Categoría:Cintas interpretadas por Gary Dourdan Categoría:Cintas interpretadas por J. E. Freeman Categoría:Cintas interpretadas por Kim Flowers Categoría:Cintas interpretadas por Leland Orser Categoría:Cintas interpretadas por Marlene Bush Categoría:Cintas interpretadas por Michael Wincott Categoría:Cintas interpretadas por Nicole Fellows Categoría:Cintas interpretadas por Raymond Cruz Categoría:Cintas interpretadas por Ron Perlman Categoría:Cintas interpretadas por Sigourney Weaver Categoría:Cintas interpretadas por Tom Woodruff Jr. Categoría:Cintas interpretadas por Winona Ryder Categoría:Cintas producidas por Bill Badalato Categoría:Cintas producidas por David Giler Categoría:Cintas producidas por Gordon Carroll Categoría:Cintas producidas por Sigourney Weaver Categoría:Cintas producidas por Walter Hill Categoría:Cintas rodadas en Long Beach (California) Categoría:Cintas rodadas en Los Angeles Categoría:Cintas rodadas en Ottawa Categoría:Cintas rodadas en Winnipeg